¹ Bamfuadisi ye ba Saduku bisa Mukusia ne bam'heka kabasongila kidimbu kituka ku zulu. ² Kasi kabakàmbaka ne, "Ha mabwa masika, luhoyaka, kukala ku bunkete, samu zulu diene di kabenge'. ³ Pe mu kibungi ne, kukala ye mvula lelo, samu zulu diene di kabenge' ye piba. luzaya kitoko ki ku hoyila kidimbu ye lutu lu zulu, Kasi luzayoko kuhoyila bidimbu bi Ntangu. ⁴ Kanda di mbi, di kindumba dikwe dingi kidimbu, heko kidimbu kina ban'heka, Hô Keko ki Yonasi kaka. Kunima Yezu basisi wele kwandi. ⁵ Ntangu yi bakumi ban'longuki simu dina, Bamongi baladi kumonga mapa. ⁶ Yezu kabakàmbaka ne, "Lukeba ye Lévi di mapa ma bamfuadisi ye ba Saduku.". ⁷ Ban'longuki bayindudi bawene pe Bahoyaka," Ngatu kikuma ntukondi monga mapa.". ⁸ Yezu, bwoso kazeye bwo, hoyi ne, "Beno batu ba lukwikilu lunkeke, bwe lweke yindula Bwabuna ne kikuma lukondi monga mapa? ⁹ Lumonga Hô luyubukaku mapa matanu Mudiambu di batu mafunda matanu, mana bitunga bikwa bisele bilutonguni? ¹⁰ Holo diaka mapa nsambwadi Mudiambu di batu mafunda maya, mana bitunga bikwa bisele? ¹¹ Bwe lweke zayiloko ne mène yikele luhoyila mapa? lukeba, lusadidiku Lévi di ba mfwadisi ye ba Saduku. ¹² Kunima bisa zaya na kabakambiku Mudiambu di mapa, Kasi bakeba mu malongi ma ba mfwadisi ye ba Saduku. ¹³ Ha kisa Yezu mu n'lambu Sezadi wù Fidipo, kahiula kwe ban'longuki bandi ne, Na wu Bahoyaka Wene mwana mutu? ". ¹⁴ Bahika Bahoyaka Za Matisi, bahika Eli, bahika pe Zelemi holo mosi wu ba n'tumu. ¹⁵ Kabahiulaka bawu n'a," Kasi beno, na luyindula yene mene? ¹⁶ Simoni Piele ne, "Ngeyi Wene Kristu, Mwana Nzambi wuzingaka." ¹⁷ Yezu Kabusi, "Wusambuka Simoni Piele Mwana Yonasi, samu Keko ma ki n'suni ye menga zayidi bwo, Kasi ku tata mene wu wene mû zulu. ¹⁸ Yikukambi, ngeyi wene Piele (tadi), ha ntandu' tadi diene yitunga Nzonzambi mene, bielo bi bilumbu bi bafwa bikangamoko kwe yandi. ¹⁹ Yikuheka nsabi zi kimfumu kimazulu. Biakulu bi kasa ha n'si n'toto bikala bikasama ku zulu. ²⁰ Kunima bakambi ban'longuki bandi basamuni ku ku mutu hika na yandi kene Kristu. ²¹ Tuka n'tama, Yezu kabakambiki ne kafweti kwenda ku Yeluzalemi, kamona pasi zingu ku moko ma bambuta batambiki bimenga ye babamitsiku, ban'honda, pe kafutumuka Kunima Bilumbu bitatu. ²² Kunima Piele mongi wele mu n'kala babole, n'kambi, Ma makulu makatuka Kwe ngeyi, Mfumu, mambu ma mbandu yayi makubwidiku ata mbala mosi. ²³ Kasi Yezu baluki pe Hoyi ku Piele ne, "Kala ku kunda dimene. Satana! ngeyi wene ye tadi dimbawu mu diambu di mene, Mudiambu kwe yindudiku ma kinzambi, Kasi makibatu." ²⁴ Kunima bakambi ban'longuki bandi ne, "Hô Mutu zodi kandanda, kafweti dibusa yandiene, kamonga kulunzi pe kandanda. ²⁵ Samu koso wuna zola kahulula luzingu lwandi, kaladisa lwo, Kasi Wuna ladisa luzingu lwandi kikuma ki mene kaalusengumuna. ²⁶ Samu nki kabaka Mutu ne kanunga n'toto m'vimba Mana kaladisa luzingu lwandi? ²⁷ Samu Mwana mutu kakwisa ye n'kembo wu tat'andi ye banzio bandi, pe kafuta koso mutu mû pila Bisalu biandi. ²⁸ Yilukambi, mu makiedika, bingi ha kati di beno baba, bazaya lwoko lufwa, Hô bamweneko mwana mutu kisa mû Kimfumu kiandi.