¹ Kwa maana ufalme wa kumbingu ulifana na yakamiliki lilambu, yukimuka mandawila pee ilii kuajili wandumindumi mu lilambu lakuyi la mizabibu. ² Baada ya mapatanu na wandumindumi dinari yimu kwa kutwa, kawaragalila kugenda mu lilambu lakuyi la mizabibu. ³ Kagenditi kayi baada ya masaa matatu hangu na kawaoniti watenda lihengu wamonga waweriti wagoroka bila kutenda lihengu mu lieneu la pasoku. ⁴ Kawagambazia,' Mwenga viraa, mgendi mu lilambu la mizabibu, na shoseli sha shiwela halai aniwalipi.' Hangu su wagenditi kutenda lihengu. ⁵ Kagenditi kayi baada ya masaa sita nakayi mu lisaa la tisa, na katenditi viraaa hangu. ⁶ Mara yamonga kayi ipata saa kumi na yimu, kagenditi na kuwaona wantu wamonga wagoroka bila lihengu. Kawagambazia,' Kwa ndambu gaa mgoroka panu bila kutenda lihengu loseli kwa lishaka lizima?

⁷ Wamgambazia, kwa kuwela kwahela muntu yoseli ili yakatuajiri. Kawagambazia,' Na mwenga viraa mgendi mulilambu la mizabibu.'

⁸ Lishaka la jioni palisokiti, yakana shamba la mizabibu kamgambira ya kagorokela gwakuyi,' Guwashemi wandumindumi na guwalipi mishahara, kwa kwanja na gwa mwishu hadi gwa kwanja.' ⁹ Pawiziti walia ya wawaajiri saa kumi na moja, kila yumu gwao kankiti dinari. ¹⁰ Wiziti wandumindumi wa kwanja, walihoriti kuwela ewanki zaidi, viraa wankiti kila yumu dinari yimu kila muntu. ¹¹ Baada ya kuwanka malipu gau, wamlalamikila yakamiliki lilambu.

¹² Pawazumba,' Hawa wandumindumi wa kumwishu watumia lisaa limu tu mu kutenda lihengu, viraa guwaripa na twenga, twenga tulitwika shisanka kwa lishaka lizima na kulungula na jotu.

¹³ Viraa yakana lilambu kankuliti na kuzumba kwa yumu gwau,' Ganja, aipoti ntenda vibaya. Je! tukubaliananndiri na mwenga kwa dinari yimu? ¹⁴ Gwanki shirii sha halali kwaku na gugendi zaku. Sekelela kwangu kuwapanana awa wandumindumi yawaajiritwi kumwishu sawasawa na gwenga.

¹⁵ Je! si haki kwa neni kutenda shirii shamfira mu mali zangu? ama lisu laku liovu kwa kuwela neni muheri? ¹⁶ Hangu wa kumwishu akaweli gwa kwanja na gwa kwanja akaweli wa mishu.”

¹⁷ Yesu pakaweliti pakakwena kugenda Yerusalem, kawatoriti wafundwa wakuyi kumi na wawili pambeku, na mu nila kawagambazia, ¹⁸ “Mloli twankugenda Yerusalemu, na mwana gwa Adamu akaturwi mumawoku gaa wakulu wa makuhani na walemba. Awamuhukumu kifo ¹⁹ na awamlavii kwa wantu wa maisi su kumdhihaki, kumkoma na kumsulubisha. Viraa mu lishaka la tatu akafufuki.”

²⁰ Su mau gwa wana gwa Zebedayo kiziti kwa Yesu na wana wakuyi kakomiti magoti palongolu pakuyi na kumlua shintu kulawa kwakuyi. ²¹ Yesu kamgambazia,” Gufira shishi?” Kamgambazia,” Guamuru kuwela awa wana gwangu wawili walikali, yumu liwoku laku la kulia na yumu liwokulaku la kushoto mu ufalme waku.”

²² Viraa yesu kankuliti na kutakula, “Apa guvimani shagurua. Je! guweza kulandira shikombi shimu shashiwera nandira neni?” wamgambira,” Tuweza.”

²³ Kawagambazia,” Shikombi shangu nakaka amlandiri. Viraa kulikala muliwoku langu la kulia na kushoto si jukumu langu kuwapanana, viraa ni kwa wali yawaandaliwa na Tati gwangu.”

²⁴ Wafundwa wamonga kumi pawapikanila hangu, wahuzunishitwi sana na walii walongu wawili. ²⁵ Viraa Yesu kawashemiti mweni na kuwagambira,” Muvimana kuwela yawatawala maisi kuwatishira, nawakulu wau hutekeleza mamlaka kumpindi kwau. ²⁶ Viraa naiwera hangu kwa mwenga. badala yakuy, yoseli yakafira kuwera mkulu muwamu mwena ni lazima kwaweli ndumindumi gwenu. ²⁷ Nayakawela gwa kwanja muwamu gwenu na lazima kaweli ndumindumi gwenu. ²⁸ Gambira vilii mwana gwa Adamu kizitindiriwamtumikili, bali katumiki, na kulavia ukomu wakuyi kuwela ulopola kwa wavua.”

²⁹ Lishaka pawalawiti Yeriko, umati mkulu umfatiti. ³⁰ Na waoniti vipofu wawili walivaga pambeku pa bahari. Pawapikaniliti kuwela Yesu kupita, wagutiti umatu na kuzumba,” Mtua, mwana gwa Daudi, gutuhurumii.” ³¹ Viraa umati uwakalipila, na kuwagambira mnyamariri. Hata hangu, wombeli wagutiti zaidi na kuzumba,” Mta, mwana gwa Daudi, gutuhurumii.”

³² Su Yesu kagorokiti na kuwashema na kuwakosia,” Mfira niwatenderi shishi?” ³³ Wamgambazia,” Mtua kwamba masu getu gavugulwi.” ³⁴ Su Yesu, pakaweliti kanikwa na huruma, kagabata masu gau, mara ayi, wankiti uwezu gwa kuwona na wamfatiti.