¹ Ilawiliti lishaka Yesu pakamaliliti manenu aga, kaukiti Galilaya, na kugenda mu mpaka gwa Yudea palongolu pa lushemba Yordani. ² Umati mkulu umfatiti, na kawaponazia aku.

³ Mafarisayo wamwiziliti, wamjera, wamgambazia,” Je ni halali kwa muntu kumleka mdara gwakuyi kwa ntambu yoseri?”

⁴ Yesu kankuliti na kuzumba,” Msomandili, yomberi ya kawanyawiti kwanja kamnyawiti mparu na mdara? ⁵ Na kayi kazumbiti, 'Kwa ndambu ayi mparu akamreki tati gwakuyi na mau gwakuyi na kuliunga na mdara gwakuyi, nawomberi wawili awaeli shimba yimu?' ⁶ Hangu si shimba kayi, bali shimba yimu. Su shakaunganisha Mlungu muntu yoseri nakashibagula.”

⁷ Wamga, bira,” Kwa ndambu gaa Musa katuamuru kulavia hati ya taraka a kumleka?”

⁸ Kawagambira,” Kwa ukakamala wenu wa mioyu Musa kawapanana ruhusa kuwareka wadara wenu, viraa tangu kwanja iweriti ndiri hangu. ⁹ Niwagambira kuwela yoseri yakamleka mdara gwakuyi aipoti kwa ndambu ya uzinzi, na kumyuga muntu yamonga, kazini, na mparu yakamyuga mdara ya kulekwa kazini.”

¹⁰ Wafundwa wamgambazia Yesu,” Gambira ndambu yaiwela kwa mparu na mdara, si weni kuliyuga.”

¹¹ Viraa Yesu kawagambira,” Si kila muntu yakaweza kwanka mafundu aga, bali ni kwa wali tu yawaruhusiwa kwanka. ¹² Kwa vili wapanu matoashi yawzalikiti kulawa mumitima ya wamau wau. Na vilavilii kwana matowashi yawatendwa na wantu. Na kwana matoashi kwa ajili ya ufalme wa mbinguni. Yakaweza kwanka, mafundu aga na kayanki.”

¹³ Su wajegwitwi wana wadidini ili watulilwi mawoku kumpindi kwau na kuluwa, viraa wafundwa wakuyi wawkalipila. ¹⁴ Bali Yesu kazumba,” Muwaruhusu wana wadidini, wala na muwabelazia kwiza kwa neni, kwa maana ufalme wa kumbingu ni wawantu gambira awa. ¹⁵ Na yomberi katura mawoku gakuyi kumpindi kwau, na su kaukiti palia.

¹⁶ Guloli muntu yumu kiza kwa Yesu na kuzumba na kuzumba,” Mfunda, ni shintu shiherepa shantakiwa kushitenda ili panti kuwela na ukomu wa milele?”

¹⁷ Yesu kamgambazia, “kwa ntambu gaa gunkosia ni shintu gaa shiherepa? Kwan yumu tu yakawela mwema, viraa gambira pagufira kupata ukomu, kubati lagiru la Mlungu.'

¹⁸ Ulia muntu kamkosia,” Ni sheria zoshi?” Yesu kazumbiti,” Usiuwe, usizini, nangwiwa, nagushuhudia uwongu, ¹⁹ Guwaheshim tati gwaku na mau gwaku, na gumfiri jirani gwaku gambira nafsi yaku.”

²⁰ Muntu uli kamgambazia, “Mambu goseri aga nigajimila. Badu nfira shishi?

²¹ “Yesu kawagambazia, “Handa pagufira kuwela mkamilifu, gugendi, gwakauzi vya guwela navi, na guwapanani maskini, na aguweli na hazina kumbingu. Su gwizi gufati.” ²² Viraa kijana uli pakapikaniliti aga Yesu yakamgambira, kaukiti kwa huzuni, kwa kuwela kaweliti kamiliki mali zivua.

²³ Yesu kawagambiala wafundwa wakuyi,' Nakaka niwagambira, nivikamala kwa muntu tajiri kwingira mu ufalme wa kumbingu. ²⁴ Kayi niwagambira, niyeuka kwa kwa ngamia kupitira mushitobori sha sindanu, kuliku kwa muntu tajiri kwingila mu ufalme wa mbinguni.”

²⁵ Wafundwa pawapikaniliti hangu, washangaiti sana na kuzumba,” Ni gani vinu yanakawokoki?”

²⁶ Yesu kawaliliti na kutakura,” Kwa wanadamu ali apoliwezekana, viraa kwa Mlungu goseri yawezekana.”

²⁷ Su Petro kamwankula na kumgambira,” Guloli tureka vyoseri na kukufata gwenga. Ni shintu gaa shanitupati?”

²⁸ Yesu kawagambazia,” Nakaka niwagambira yomberi yakafatiti neni, mu uzau wa syayi lishaka mwana gwa Adamu pakalivaga mu shiti sha enzisha ukwisa wakuyi, mwenga viraaa amrivagi pampindi mwa viti kumi na viwilivya enzi, kugahukumu makabira kumi na mawili ga Israeli. ²⁹ Kila yumu gwenu yakaleka numba, kaka, dada, tati, na mau, wana ama kwa ajili ya litai langu, akanki mara mia na kuurithi ukomu gwa milele.

³⁰ Viraa wavua yawawela wa kwanja vinu, awaweli a kumwishu, na yawela wa kumwishu awaweli wa kwanja.