¹ Jesus sai di templu i na yanda, si disipulus bai pa ele mostral konstruson di templu. ² Ma i ruspundi elis i fala: Bo na odja tudu e kusas.. Na bardadi na konta bos i kana fika nin pedra riba di pedra ku kana batidu.

³ Jesus sinta na monti di oliveira, disipulus bai nunde el i na sigridu e falal: kontanu kal tempu ku e kusas na kontisi.. Kal ki sinal di bu vinda ku di fin di tempu.

⁴ Jesus ruspundi elis i fala: Kuidadu pa ka ningin ngana bos. ⁵ Pabia manga di djintis na bin na nha nomi, e na fala ami i Kristu, e na ngana manga di djintis. ⁶ Bo na obi e na fala di geras ku barudju di gera, djubi ka bo panta, pabia e kusas ten ku kontisi, ma i ka fin. ⁷ Pabia nason ku nason na lanta kontra n'utru reinu kontra reinu. I na ten fomi, ku tirmidura di tchonna manga di lugaris. ⁸ Ma e kusas i suma kumsadadi dur di padi. ⁹ E na n'terga bos pa tribulason e na mata bos, e bo na odiadu pa tudu nasons pabia di nha nomi. ¹⁰ Manga delis na tribuladu, e na falsia n'utru. ¹¹ Manga di falsu prufeta na lanta e na n'gana manga di djintis. ¹² Pabia di kirsimentu di pekadu, amor di manga di djintis na fria. ¹³ Ma kil ku fika firmi te na fin, i na salva. ¹⁴ E bon noba di reinu i na kontadu pa tudu mundu suma tustumunha di tudu djintis dipus fin ta bin.

¹⁵ Ora ku bo odja abominason ku divastasonku faladu pa Daniel, prufeta otcha i sta na lugar sagradu, ¹⁶ kilis ku sta na Judeia bo fusi pa monti, ¹⁷ kilis ku sta na kampu pa ka i riba pa toma kapa. ^{18 19} Ai di kilis ku prenha na kil dias. ²⁰ Bo ora pa ora ku bo na fusi pa ka i kontra ku tempu di friuo na dia di sabadu. ²¹ Pabia i na ten garandi tribulason ku nunka ten des di kumsada di mundu te gosi, nin i kana ten mas. ²² Si ki dias ka rapatidu, ningin kana salva, ma pabia di kilis ku kudjidu dias na rapartidu. ²³ Si kualker algin fala bos ali Kristu ka bo fia ²⁴ Pabia falsus Kristu, ku prufetas e na bin e pursenta garandi sinal ku maravilias pa n'gana, si pusivel te kilis ku kudjidu. ²⁵ Ali na konta bos. ²⁶ Ma se fala, bos i sta na disertu, ka bo sai, i i sta dentru di kasa ka bi fia. ²⁷ Pabia suma relampagu ta sai di orienti i ta lampra te na osidenti asin ki na sedu vinda di fidju di omi. ²⁸ Nunde ku kadaver sta la ku djugude ta djunta.

²⁹ Dipus di tribulason di kil dias, sol na sukuru, lua kana da si lusstrelas na kai di seu, puderis di seu na balansadu. ³⁰ Sinal di vinda di fidju di omi na parsi na seu, tudu tribus di tera na lamenta e na odja fidju di omi na bin riba di nuvens di seu ku ku puder ku garandi gloria. ³¹ I na manda si andjus ku garandi korneta, i na djunta kilis ku kudjiduna kuatru ladus di tera, di un ladu ku utru ladu di seu.

³² Bo aprindi ku pe di figera: Asin ora ku romus na bida nobu fofjas na rebenta, bo ta sibi tempu di kalur na tchiga, ³³ Asin tambi, ora ku bo odja tudu e kusas, bo dibi di sibi i sta dja na porta. ³⁴ Na bardadi na konta bos e djorson kana pasa sin e kusas tudu kontisi. ³⁵ Seu ku tera na pasa, ma nha palavra nunka i kana pasa. ³⁶ Ma sobri kil dia ku ora, ningin ka sibi ninandjus di seu, nin fidju, son pape. ³⁷ Asin suma ki sedu na dias di Noe, asin tambi ki na sedu na dias di fidju di omi. ³⁸ Pabia na ki dias anti di duluviu e na kume ba e bibi, e na kasa e na da kasamenti, te na dia ku Noe yentra na arka. ³⁹ E ka da konta, tok ku diluviu tchiga pa tudu djintis. Asin ku ki na sedu na vinda di fidju di omi. ^40-41 Dus djinti na sta na kampu, un na lebadu utru disadu. Dus mindjer na pila un son na tomadu kil utru disadu. ⁴² Pa kila bo bisia, pabia bo ka sibi kal dia ku bo Sinhor na tchiga. ⁴³ Bo rapara es: si dunu di kasa sibi ba kal ora ku ladron na bin i na pruntia i kana seta pa si kasa rombadu. ⁴⁴ Pa kila abos tambi bo dibi di pruntia, pabia fisju di omi na bin na ora ku bo ka pera.

⁴⁵ Un servu fiel ku djiru, ku si Sinhor disal risponsavel pa si tarbadjaduris, pa i da elis kumida na tempu sertu. ⁴⁶ Ki servus i abensuadu ora ku si sinhor bin i otcha i na fasi e kusas. ⁴⁷ Na bardadi na konta bos i na pul riba di tudu kil ki tene. ⁴⁸ Ma si servu mau fala na si korson: Nha sinhor na tarda, ⁴⁹ i kumsa suta si kumpanheris, i na kume i na bibi ku tchamiduris, ⁵⁰ si sinhor di kil servu bin na dia ki ka pera, na ora ki ka sibi, ⁵¹ i na sapal na padasis i na dal mesmu distinu ku findjiduris, nunde ki ten tchur ku nheme dintis.