¹ Jesus ruspundi elis utru bias atraves di storias, i fala: ² Reinu di seu i parsi kun rei ku fasi festa di kasamenti di si fidju. ³ I manda si servus pa e tchoma kilis ku kumbidadu pa festa di kasamenti, ma e ka misti bai. ⁴ Ytru bias i manda si servus, i fala: Bo fala kilis ku kumbidadu kuma npurpara sia, nha bakas ku limarias gurdu e matadu, tudu sta pruntu. Bo bin pa festa di kasamenti. ⁵ E ka da atenson e bai: utrus pa kampu, utrus pa nogos. ⁶ Utrus panha si servus e trata elis ku borgonha e mata elis. ⁷ Rei panha raiba, i manda soldadus, pa e mata ki asasinui e sindi se sidadi. ⁸ I fala si servus: Festa di kasamenti sta pruntu ma kilis ku kumbidadu e ka dignu. ⁹ Pa kila bo bai pa bekusinhus kilis ku bo odja bo kumbida elis pa festa di kasamenti. ¹⁰ Servus sai pa kaminhus e djunta tudu kilis ke odja, tantu mau suma bon. Salon intchi ku kumbidadus. ¹¹ Ma, otcha ku rei yentra pa djubi kumbidadus, i odja un omi ku ka bisti ropa di festa di kasamenti ¹² i falal: amigu kuma ku yentra li sin ropa di festa di kasamenti.. Omi kala. ¹³ Rei fala si servus: bo maral mon ku pebo fertchal fora na sukuru, nunde ki ten tchur ku nheme dinti. ¹⁴ Pabia mangadelis tchomadu ma puku ku kudjidu.

¹⁵ Ma fariseus plania kuma ke pudi panhal na si palavra. ¹⁶ E mandal se disipulus ku erodianus. E fala Jesus: Mestri no sibi kuma bu ta konta bardadi bu ta nsina kaminhu di Deus na bardadi bu kata mporta ku opinion di ningin bu kata toma pa ningin. ¹⁷ I diritu pa no paga Sesar mpustu o nau..

¹⁸ I pirsibi se maldadi, Jesus fala elis: Pabia ku bo na testan findjiduris:? ¹⁹ Bo mostran mueda di mpustu. E tisil un dinheru. ²⁰ Jesus fala elis: Rostu ku nomi di kin ku sta li.

²¹ E fala: Di Sesar. Jesus fala: Bo da Sesar kil ki di Sesar, i Deus ke di Deus. ²² Otcha e obi e kusa e dimira e disal r bai.

²³ Na kil dia Saduseus ba pa el. E fala e fala lanta di mortu ka ten, e punta, ²⁴ e fala: Mestri, Moises fala: si un omi muri i ka tene fidjus, si ermon dibi di kasa ku si mindjer pa pa i tene fidju pa si ermon. ²⁵ E tene ba seti ermons. Purmeru kasa i muri. I ka tene fidjus, i disa mindjer pa si ermon. ²⁶ Na mesmu manera sugundu, terseru, ate setimu. ²⁷ Dipus di tudu elis mindjer muri. ²⁸ Gosi na ora di lanta di mortu kal de seti ermons ku na ten mindjer.. Pabia e kasal ba elis tudu.

²⁹ Ma, Jesus, ruspundi elis: Bo sta eradu, pabia bo ka kunsi skrituras nin puder di Deus. ³⁰ Ora ku djintis lanta di mortu e kata kasa nin e kata dadu kasamenti. E ta sedu suma andjus di seu. ³¹ Ma, sobri lanta di mortu, bo kalei ke ku Deus fala: ³² Ami i Deus di Abron, Isaki, Deus di Jako.. Deus nau di mortus mas di bibus. ³³ Otcha ki manga di djintis obi e kusa, e dimira ku si nsinamentu.

³⁴ Kontra fariseus obi kuma Jesus kalanta saduseus, e runi. ³⁵ Un delis ki dutur di lei i punta Jesus e testal. ³⁶ Mestri kal ki maior mandamentu na lei..

³⁷ Jesus fala elis: Ama Sinhor bu Deus ku tudu bu korson, ku tudu bu alma, ku tudu bu menti. ³⁸ Es i maior i purmeru mandamentu. ³⁹ Sugundu ku parsi ku el: Ama ku kumpanher suma bu kabesa propi. ⁴⁰ Na es dus ki dipindi tudu lei ku prufetas.

⁴¹ Tementi fariseus runi, Jesus punta elis i fala: ⁴² Ke ku bo pensa di Kristu.. El i fidju di kin.. E fala: Fidju di Davi.

⁴³ Jesus fala: Kuma ku Davi na spiritu, tchomal Sinhor, i fala: ⁴⁵ Si Davi tchoma Kristu Sinhor, kuma ki sedu fidju di Davi. ⁴⁶ Ningin ka pudi ruspundil nin un palavra, i nin omi ka atrivi puntal di kil dia pa dianti.