¹ Otcha Jesus ku si disipulus e pertu Jerusalen e tchiga Betfaje, na Monti di Oliveira. Di la Jesus manda dus disipulus, ² i fala elis: Bo yentra na kil prosimu tabanka bo na odja un buru maradu ku si fidju. Bo dismaral bo tisin el. ³ Si algin fala bos sobri el, bo fala: Sinhor prisisa del i na manda tornal i kana tarda.

⁴ E kusa kontisi pa kumpri ke ku prufeta fala: ⁶ Disipulus bai e fasi suma ku Jesus manda elis. ⁷ E tisi buru ku si fidju, e pui se ropo ridel Jesus monta. ⁸ Manga di djintis spadja se ropa na kaminhu, utrus na korta arvoris e na spadjal na kaminhu. ⁹ Manga di djintis ku bai si dianti, ku kilis ku fika tras e na girta, e fala: Osana pa fidju di Davi. Benditu kil ku bin na nomi di Sinhor. Osana na lugar mas altu.

¹⁰ Otcha Jesus yentra na Jerusalen, sidadi tudu djumbuli, e na fala: Es i kin..

¹¹ Kil manga di djintis ta ruspundi: Es i Jesus prufeta di Nazare di Galileia.

¹² Jesus yentra na templu i serka kili ku na kumpra e na bindi. Tambi i durba mesa di kilis ku na torkia dinheru ku bankus di kilis ku na bindi pumbas. ¹³ I fala elis: I sta skritu: Nha kasa na tchomadu kasa di orason, ma abos bo fasil beku di ladrons.

¹⁴ Segus ku alejadus e bin ba pa templu i kura elis. ¹⁵ Ma, otcha prisipal di saserdoti ku skribas e odja milagri ki fasi e obi mininus na girta Osana pa fidju di Davi, e panha raiba risu ¹⁶ e fala: Bu na obi ke ku e djintis na fala.. Jesus ruspundi sin. Ma bo ka lei: Na boka di pikininus, ku kilis ku na mama i ta sai lovor purfitu.

¹⁷ Jesus disa elis i sai pa sidadi di Bitinia i pasa noti la.

¹⁸ Parmanhan, otcha i riba pa sidadi, i tene ba fomi. ¹⁹ I odja un pe di figira lungu di strada i bai te la, ma i ka otcha nada son fodjas. I fala pa arvori Nunka mas bu kana padi fruta. Ki pe di figera seku djanan.

²⁰ Kontra disipulus odja e kusa e dimira e fala: Pabia ku figera seka djanan.

²¹ Jesus ruspundi i fala: Na bardadi na konta bos: Si bo tene fe bo ka duvida, bo kana fasi son ke ku fasidu ku figera, ma bo na fala s monti rinka li bu yentra dentru di mar, asin ki na sedu. ²² Tudu kusas ku bo pidi na orason, bo fia bo na risil.

²³ Otcha Jesus yentra na templu, prinsipal di saserdoti ku garandis e bin pa el, tementi i na nsina, e falal: Ku kal otoridadi ku bu ta fasi e kusas.. Kin ku dau e otoridadi.

²⁴ Jesus fala elis: Ami tambi na fasi bos purgunta. Si bo ruspundin, na mesmu manera na konta bos ku kal otoridadi kun ta fasi e kusas. ²⁵ Batismu di Djon di nunde ki bin.. Di seu o di omis.. E bai diskuti anti delis e fala: Si no fala i di seu. I na fala Pabia ku bo ka fia na Djon. ²⁶ Ma si no fala i di omis, no medi e manga di djinti, pabia elis tudu e ta odja Djon suma profeta. ²⁷ E ruspundi no ka sibi. El tambi i fala elis nin ami tambi na konta bos ku kal otoridadi kun ta fasi e kusas. ²⁸ Ma ke ku bo pensa.. Unomi tene ba dus fidju. I bai pa kil purmeru i fala: Fidju bai tarbadja aos na lugar di uva.

²⁹ Fidju ruspundil Nkana bai. Ma dipus i muda si opinion i bao.

³⁰ Omi bai pa si sugundu fidju i fala mesmu kusa. E fidju ruspundi Sin na bai sinhor, kuntudu i ka bai. ³¹ Kal di dus fidju ku fasi vontadi di si pape.. E fala Kil purmeru. Jesus fala elis: Kobraduris di mpustu ku mindjeris di mau vida na yentra reinu di seu antis di bos. ³² Pabia Djon bin pa bos na kaminhu di djustisa bo ka fia nel, ma kobraduris di mpustu ku mindjeris di mau vida fia. Abos mesmu ku bo na odja, bo ka ripindi bo ka fia nel.

³³ Bo obi mas un storia: I ten ba un omi ku tene un lugar di uva, I tadjal tudu, i fasi kau di masa uva i kumpu un tori pa bisia i renda ki lugar pa labraduris di uva. Dipus i bai pa utru tera. ³⁴ Otcha tempu di kudji uva tchiga, i manda alguns di si servus pa responsavel di lugar di uva pa i risibi si uva. ³⁵ Ma kil labraduris di uva e panha servu di dunu di lugar, e suta utru, e mata utru, e da utru ku pedra. ³⁶ Dunu di kau mnda servus mas un bias mas di kil di purmeru. Ma labraduris trata elis na mesmu manera ke fasi ki purmeru. ³⁷ Dipus di kila dunu di lugar manda si fidju propii fala: E na rispital nha fidju.

³⁸ Ma otcha labraduris odja si fidju e fala anti delis: Es i erderu bo bin no matal pa no toma yardansa. ³⁹ E pegal e lebal fora di lugar di uva e matal. ⁴⁰ Gosi ora ku dunu di lugar riba, ke ki na fasi ku ki labraduris di uva.

⁴¹ Djintis falal: I na distrui ki omis ku ka bali na menera mas kabalidu, e na renda lugar pa utru labraduris ku na dal si parti na tempu di kudji uva.

⁴² Jesus fala elis: Bo ka lei na skritura: Pedra ku kumpuduris nega i bida pedra prinsipal. Es kusa ku sinhor fasi no odjal no dimiral ⁴³ Pa kila na konta bos: reinu di Deus na tiradu di bos i na dadu pa nason ku mas na padi fruta. ⁴⁴ Kin ku kai riba di pedra i na kebra na padas. Ma kin ku pedra kai riba del i na forinha. ⁴⁵ Otcha prinsipal di saserdoti ku fariseus e obi si storias, e ntindi i na papia delis. ⁴⁶ E na buska manera di prindil ma e medi povu pabia djintis ta konsideral prufeta.