¹ Afalisaye nu asaduse ejile gwa Yesu ha gu mu phaga, a mu hudile egi: " Tu leze gidimbu gi moshi gidi mu jiyisa egi giyega giaye gia katuga gwa Nzambi. " ² Uvi Yesu wa a vutudile egi: " Gula tangwa dia tota, enwe mwa nu zwela egi " Hamene gilumbu mba gikhala gia bonga, mukunda gosa gudi gwa bonga. " ³ Ebuna mu gikhela, enwe mwa nu zwela egi: magino mvula ya mbo noga, mukunda gosa gwa yandiga gu buyila." Gula mwa tala gosa mwa nu jiya phila gilumbu gia mbo balega; uvi mu shi go mu jiya gutendula idimbu inyi idi mu talela ilumbu yiyi. ⁴ Enwe athu a tangwa didi; mudi mwa athu a bola, lukwikilu ndo! Mu mu kamba ha gumona idimbu, uvi Nzambi mba gwa mi leji go gidimbu giko kaka gidimbu gia profeta Yonasi." Kaka hene henyanyi Yesu wa a bembele, wa katugile. ⁵ Tangwa alongogi a zaugile ha sambwa dia muta a jimbidile ha gubata mapha. ⁶ Yesu wa a lezele egi: "Enwe mu keba, mu tala mwa bonga, mukunda nu khinji ya mapha ya afalisaye nu asaduse." ⁷ Alongogi a yandigile gu yindula nu gudi hula egi; "Mwene udi mu zwela nganyi mukunda ta batele go mapha." ⁸ Uvi Yesu wa jiyile mabanza a alongogi, wa a hudile egi: Enwe athu a lukwikilu lwa gabiyo, mukunda nu ikhi mudi mu yindula nganyi egi idi mukunda ta batele go mapha? ⁹ khanji mu jiya go ata gima? Enwe mwa jimbila genu ndaga jia mapha a-tano mukunda nu athu mafunda-a-tano? Mwa zalesele milongo guvula gutshi ya itshidi inyi mwa nonele? ¹⁰ Enji mwa jimbila genu ndaga ya mapha sambwadi, mukunda nu athu mafunda-a- wana, mwa zalesele milongo guvula gutshi? ¹¹ Phila khi mushi mu jiya go egi nga khalele gu mi leza ndaga jia mapha? Enwe mu keba mukunda mu keba mukunda nu fete ya ya khishi dia mapha a afalisaye nu asaduse! ¹² Tangwa diene alongogi a yandigile gu jiya egi, Yesu wa khalele go mu a leza ha gukeba mukunda nu fete ya khishi dia mapha, uvi mukunda nu malongi a afalisaye nu asaduse. ¹³ tangwa Yesu a kumile mu dimbo dia Sezareya-filipo, wa hudile alongogi egi: " Athu adi mu zwela egi Muna-Muthu udi nanyi?" ¹⁴ A vutudile egi: " Athu ako adi mu zwela egi Yowani-Mubotigi, ako egi Eliya, ako nji egi Yeremia to profeta muko." ¹⁵ Yesu wa a hudile egi: "uvi enwe mwa nu zwela egi nga nanyi? ¹⁶ Simoni Petelo wa vutudile egi: " udi wa Kilisto Muna-Nzambi wa monyo!" ¹⁷ Yesu egi:"udi wa gusagumuna Simoni muna Yonasi, mukunda ishi go musunyi to menga a gu leza ndaga jiji, uvi idi Shami yonu udi gosa wa gu jiyisa.. ¹⁸ Hene Eme nga gu leza egi: Petelo, udi wa seso, hene holo dia seso diene, mba ngudi mu tunga Dibundu diami. Ata lufwa mba lu kwati go Dibundu diene. ¹⁹ Mba ngu mu guhwa twana twa saphi twa Gifumu gia Nzambi; ndaga inyi mba u kanga njila haha hoshia mavu, Nzambi mba udi mu kanga njila gosa; ndaga inyi mba u kangula njila haha hoshia mavu; Nzambi mba udi mu kangula njila gosa." ²⁰ Ebuna Yesu wa lezele alongogi egi: "Enwe mu jiyisa go athu egi nga Mesiya Kilisto." ²¹ Katuga tangwa diene, Yesu wa yandigile guleza alongogi egi wa fete guya gu Yelusalemi, gunu mambuta a nganga-Nzambi nu mambuta ako a malongi a shigo mba a mu ngu monesa phashi jia vula, mba adi mu ngu shiya uvi gu nyima dia ilumbu itatu mba udi mu futumuga. ²² Petelo wa mu batele mu lwega, wa yandigile gu mu balela egi ndaga jiji jiye gwa leha nu eye Fumu., mba ji gu bwila go." ²³ Uvi Yesu wa balumugile wa lezele Petelo egi "katuga gu meso ami satana! wa tshigina gu ngu kanga njila mukunda ushi go mu vwa khenda gu ndaga gia Nzambi kaka gu jinyi jia athu." ²⁴ Yesu wa lezele alongogi enji egi: "Gula muthu wa tshigina gu ngu hata, mwene wa jiyile go guyindula lujingu lwenji, uvi mwene guzula khulunji yenji a ngu hate. ²⁵ Mukunda muthu yonu wa tshigina gu gulusa monyo wenji mba udi mu u totesa, yonu mba u totesa monyo wenji mukunda nu Eme mba udi mu umona. Ikhi funu gwa muthu ha guzula ima ya vula ya ha mavu uvi mwene wa totesa monyo wenji? ²⁶ To gima khi muthu a jiya guhana ha gusombegesa monyo wenji? ²⁷ Mukunda Muna-Muthu mba udi muza mu khembo nu lukumu lwa Shenji nu ba wanjio enji. Mba udi mu futa konso muthu mu phila ya isalo yenji. ²⁸ Eme ngu mu mi leza ndaga jia kielega egi, athu ako adi haha mba ashi go mu fwa, gula mba a monele go Muna-Muthu muza mu Gifumu gienji.