¹ Mu masugu ene anyi, Yone - Mubatiji wasendesele gulongesa mu gibalala gia Yudeya nu guzuela egi: ² «Balumunyenu mitshima, ndaga ufumu wa mu dilu udi hehi.» ³ Ndaga, tala muthu yago wazuelele muzueledi wa ndaga jia gutuama Ezayi, egi: «Dizui dia muthu yago udi mukolologa mu gibalala egi: "Londienu njila ya Fumu, magesenu njila jienji."» ⁴ Tala, Yone wasudigile mulele wa gilema gia gabalu nu muya wa gilema mu khulugo ya guleha guenji. Wakhalele mudia matulu nu wemba. ⁵ NJi Yelusalema, Yudeya yagasue nu khanda yagasue ya nzadi Yodani akhalele muya gudi muene. ⁶ Akhalele mubatijiwa gudi muene mu muta (nzadi) Yodani, gifua akhalele mulomba gutotesa gubola guawo. ⁷ Uvi hago amuenene afalase avula nu asadiseye muza gudi muene mukunda nu mbotiga, muene wawambelele egi: << Enue ana a nyoga jiabala, nanyi wamiwambela egi mulenge khabu jidi muza? ⁸ Yimenu mabundu atagana nu gutotesa gubola. ⁹ Nu mutangizago ha guzuela mukatshi dienu egi: "Tudi nu shetu Abalahama." Ndaga ngudi gumiwambela egi Nzambi udi watagana ha guhana Abalahama ana ako nga gudi maseso awa. ¹⁰ Temo didi gale dia guhaga ha muji wa mutshi. Ngenyi mutshi wagasue ushigo muyima mabundu abonga udi mukokewa nu gumbiwa ha jigo. ¹¹ Ngudi gumibatiza mu meya mukunda nu gutotesa gubola. Uvi muthu udi muza hangima diami udi yagungubalega ngolo, nu ngushigo yatagana ha gusudiga sabatu jien ji. Muene, mba umibatiza mu Nyuma yabonga nu tshuya. ¹² Udi nu saphi jienji hamago; mba ukomba luphango luenji, nu mba uzangula mabundu enji mu mukala, uvi muene mba ukonda muangu ha jigo dia tshuya tushigo nu gisugishilo. ¹³ Hene Yesu wajile gu Galileya gu Yodani gudi Yone, mukunda nu guzangula mbotiga gudi muene. ¹⁴ Uvi Yone watunyine, nu wazuelele egi: Ame ngudi nu funu ya guzangula mbotiga gudi aye, nu aye udi muza gudi ame! ¹⁵ Yesu wamutayele egi: Tshita ngenyi luenyelu, ndaga idi yabonga ha gutagenesa yagasue idi yatagana. Nu Yone atunyine ndo luko. ¹⁶ Gungima dia gubatijiwa guenji, Yesu wazogele mu meya, dijui diaviwe mu dilu, mbimbi yeyi: yowu udi munami ya guzumba, yago ngatshigina, gudi mwene ngudi mu muhaga guswanguluga guami. ¹⁷ Nu tala, dijui dimoshi diaviwe mu dilu egi: Yogu udi munami ngatshigina muavula, gudi muene ngahaga guzumba guami.