¹ Pomwe Yesu adabwera kuchokera kuphiri, thimu la wanthu lidamutewera iye. ² Nyang'anani, Nyamapere adabwera kunaiye achimu godamira iye, achilewa, "Mbuya, penu muliku funa, munga kwanise kundilimbisa."

³ Yesu adafuthula boko lache achimuphata iye, mkulewa, "Ine ndikufuna. Limba." Pomwepo mapere yache yadamala pa iye. ⁴ Yesu adalewa kuna iye, "Nyang'ana iwepo nampodi kulewa kuna munthu aliyense. Ndoko njira yako, ukabzionesere wekha kuna wa nsembe, ukapereke chakupereka ninga Mose adatongera, ninga umboni kuna iwo."

⁵ Pomwe iye akhapita m'Kapelenawo, kentuliyo adabwera kuna iye, mkumukumbila iye ⁶ achilewa, "Mbuya, nyabasa wangu aligone kumuyi akudwala manthenthe wabonera kwenekwene."

⁷ Tsono Yesu adalewa kuna iye, "Nibwera nidzamulimbisa iye."

⁸ Kentuliyo adatawira achilewa, "Mbuya, Ndikuthemera lini kuti mupite pa nsodzi ya nyumba yangu. Mukando kulewa mafala nyabasa wangu anilimba. ⁹ Poti inembo ndine munthu wakutetekera ulamuliro, ndili nawo achikunda ambandibvera. Ndikalewa kuna m'bodzi, 'Ndoko,' iye ambayenda, kuna winango, 'Bwera,' iye ambabwera, kuna nyabasa wangu, 'Chita ibzi,' iye achichita."

¹⁰ Pomwe Yesu adabva ibzi, adadabwa achilewa kuna wale omwe akhamutewera iye, "Chadidi ndikulewa kuna imwe, ndilibe kuona m'bodzi wachikhulupiliro ninga ichi mu Isarayeli. ¹¹ Ine ndikukuuzani imwe, azinji adzabwera kuchokera kumachibese na kumaulo, iwo adzabwera adzakhala pa meza pabodzi na Abulahamu, Isaki, na Yakobo, muufumu bwa kudzaulu. Komweko kuddzakhala ¹² Tsono wana waufumu adzataiwa kunja kwa m'dima, komweko kudzakhala kulila na kukuta mano." ¹³ Yesu adalewa na kentuliyo, "Ndoko! Nam'mene iwe wakhulupira, ibzo bzinkachitika kuna iwe." Na nyabasa ule adalimbisiwa nthawe yibodzi bodziyo.

¹⁴ Pomwe Yesu adafika kumuyi kwa Petulo, adaona amabzala wache wa Petulo aligone kudwala manungo. ¹⁵ Yesu adaphata boko lache, napo manungo yachimalilatu pa iye. Pamwepo iye adalamuka achiyamba kumuphatira basa. ¹⁶ Pomwe maulo yadakwana, Adabwera nawo kuna Yesu wanthu azainji wakuphatiwa na bwiwanda. Iye adabulisa bziwanda bzakuipa na mafala anyakudwala wense adalimbisiwa. ¹⁷ Na telepoyo bzidakwanisiwa bzomwe bzidalewidwa na Yesaya m'neneri, kuti, "Iye adatakulabzakutazila bzathu nthenda zathu."

¹⁸ Tsono pomwe Yesu adaona thimu lamuzulira iye, iye dawatonga kuti alamuke ayende ng'ambu inango ya nyanza ya Galileya. ¹⁹ Tsono mlembi adabwera kuna iye achilewa, "Mpfunzisi, Ine ni, baku tewerani imwe kulikwense komwe imwe muniyenda."

²⁰ Yesu adalewa na iye, "Mphumphi zina mphako zawo, na mbalame za m'dzaulu zina bzitsa bzawo, soma Mwana wa Munthu alibe pakutsimira msolo wache."

²¹ Wakupfunzira winango adalewa kuna iye, "Mbuya, ndibvumeni ndiyambe kayikha babangu."

²² Tsono Yesu adalewa kuna iye, "Nditewere ine, aleke wakufa ayikhane wakufa okhaokha."

²³ Pomwe Yesu adapita m'mwadiya, anyakupfunzira wache adamutewera iye momo. ²⁴ Nyang'anani, chonzi chikulu chida nyanduka pa nyanza, tsono mwadiya udatchingiwa na mabimbi. Tsono Yesu akhagona. ²⁵ Wakupfunza adayenda kuna iye achikam'musa, achilewa, "Ttipulumuseni ife, Mbuya; tili kutayika!"

²⁶ Yesu adalewa na iwo, "Thangwe lanyi mukuchita mantha, ndimwe wa chikhulupiliro chakuchepa?" Tsono iye adamuka achitsimula chonzi na nyanza.

²⁷ Tsono kunja kudakhala zii. Wanthu wale adadabwitsika achilewa, "Ni munthu wa mtundu wanyi umweyu, mphepo na nyanza kubodzi kumubvera iye?"

²⁸ Pomwe Yesu adabwera ng'ambu inango ya dziko la Gadala, wanthu awiri omwe adaphatiwa na bziwanda adagumana naye iye. Iwo akhabula m'thenje ali kukalipa kwenekwene, nakuti pakhalibe munthu akhadzera njira yomweyo. ²⁹ Nyang'anani, adakuwa achilewa, "Tinamwe chiyani naimwe, Mwana wa Mulungu? Mwabwera kuno kudzati ife nthawe ikanati kukwana?"

³⁰ Patsoglo pawo pakhana gunyenye la nkhumba zizinji zomwe zikhadya, neye patali letu na iwo. ³¹ Bziwanda bzile bzidakumbira Yesu mkulewa, "Penu mumtibulisa ife, mutiyendese kuna gunyenye la nkhumba kule.

³² Yesu adalewa kwa iwo, "Ndokoni!" Bwiwanda bzile bzidabula bzichiyenda mwa nkhumba; nyang'anani, gunyenye lense la nkhumba zile zidabuluka m'phili zichikamila m'nyanza izo zichifera m'madzi. ³³ Iwo omwe akhadyesera nkhumba zire ada thamanga achiyenda mum'mzinda kukalewa bzense, bzokha bzokhabzo bzomwe bzidachitika na wanthu wa wakuphatiwa na bziwanda wale. ³⁴ Nyang'anani, wense wamu mzinda adabwera kudzagumana na Yesu. Pomwe adamuona iye, iwo adamukumbila iye kuti achoke mbali yawoyo.