¹ "Nampodi kutonga, thangwe mudzatongiwambo lini. ² Nakuti nautongi bomwe imwe muntonga, imwembo mudzatongewa, nakuti muyezo omwe muniyeza nawo, omweyo mumdzayeziwa nawo. ³ Thangwe lanyi iwe ulikuona kachitsotso kali m'diso la m'bale wako, pomwe iwe ulikuona lini mtanda omwe uli m'diso lako? ⁴ Iwe ungalewe tani kwa m'bale wako, 'Bwera ndikuchose kachitsotso komwe kali m'diso lako,' pomwe mtanda uli m'diso lako? ⁵ Iwe nyakunama! Chakutoma chosa mtanda m'diso lako, kinangoko umkwanisa kuona bwinobwino chitsotso chili mudiso la m'bale wako. ⁶ Nampodi kupereka chuku pambuliwa chako kuna mbwaya, pomwe nampodi kuthusa ngalengale zako kutsogolo kwa nkhumba. Nakuti izo zidzadzonga zichipondedza, kinangoko zidza zungunuka zichikukhadzula iwe.

⁷ "Bvunzani, ndipo chidzaperekiwa kuna imwe, Nyang'anani, ndipo mudzabziona. Gogodzani, ndipo chidzafunguliwa kuna imwe. ⁸ Nakuti aliyense omwe am'bvunza, anitambila; aliyense omwe anyang'ana, adza bziwona; na munthu omwe agogodza, adzafunguliiwa. ⁹ Pinango mbani wa imwepo, penu mwanache angakumbile mkate, iye achimpasa mwala? ¹⁰ Pinango iye mkukumbira nsomba, achimpasa iye nyoka? ¹¹ Pamwepa, ninga imwepo anyakuphonya mubadziwa kupasa wana wanu mphatso zakudeka, kuna bzakuwanda tani kuna Baba wakudzaulu angapase bzinthu bzabwino kwa omwe animkumbila iye? ¹² Pamwepa, chinthu chili chense chomwe mufuna wanthu akuchitileni, muchitembo bzomwebzo kuna iwo, nakuti ili nilamulo na aneneli.

¹³ "Pitani pa msuwo wakupsindiza. Nakuti msuwo ngukulu njira njikulu pomwe yakuyenda nayo kudzonongeko, ndipo alipo wanthu azinjialikupita njira imweyi, ¹⁴ Tsono msuwo waku psindiza nikanjira kamng'ono nkhakunesa kakuyenda nako kumoyo, ndipo mbang'ong ng'ono amwe aniyiwona.

¹⁵ Khalani wakungwala naaneneri wakunama, iwo ambabwera kuna imwe ninga mabila komabzachadidi bzache nimphumphi. ¹⁶ Nabzakubala bzawo mudzawa dziwa iwo. Nandi wanthu ambatcha mphesa pa minnga pinango nkhuyu kuchoka pa nthula? ¹⁷ Tenepoyo, muti uliwense wabwino umbala bzibalo bza bwino, na muti wakuipa umbabala bzibalo bzakuipa. ¹⁸ Muti wabwino umbabala lini bzibalo bzakuipa, neye penu muti wakuipa kubala bzibalo bzabwino. ¹⁹ Muti uliwense wakusaya kubala bzibalo bza bwino adzaugwata achiuthusa pamoto. ²⁰ Tsono pamwepo, mudzaudziwa iwo na bzibalo bzache. ²¹ Neye wensene omwe anilewa kuna ine, 'Mbuya, Mbuya,' adzayenda kuufumu bwakudaulu, koma iwo wense omwe achita bzakufuna bza Baba omwe ali kudzaulu. ²² Wanthu azinji adzalewa kuna ine nsiku zozo, 'Mbuya, Mbuya, ife tilibe kunenera mudzina lanu, tichibulisa bziwanda mudzina lanu, ndipo mudzina lanu tida chita bzinthu bzakudabwisa?' ²³ Pomwepo nidzalewa kwa iwo, ndikukudziwani lini imwe! Chokani kuna ine, ndimwe anyakuchita bza kusaya kutongeka!'

²⁴ Pomwe pale, aliyense omwe adzabva mafala yangu achiyabvera adzakhala ninga munthu nya nzeru omwe am'manga nyumba yache pa pfefe. ²⁵ Pomwe mvula idabvumba, madzi yadabwera, nachonzi chidabwera ndipo chidamenya nyumba ile, koma ilibe kugwa, nakuti iyo idamangiwa pa pfefe. ²⁶ Koma munthu aliyense amwe nibva mafala yangu achisaya kubvera iye adzakha ninga munthu chilema nyakumanga nyumba yache pa m'chenga. ²⁷ Mvula idabvumba, madzi yadawera, napo chonzi chidamenya chichigumula nyumba, iyo ichigwa, ateye ichidzongekelatu yensene."

²⁸ Ndipo bzitamala ibzi Yesu adamaliza kulewalewa mafala yomweya, thimu lidadabwisika na mapfunzisidwe yache, ²⁹ nakuti iye adapfunzisa iwo ninga m'bodzi wamphamvu zautongi, neye ninga anyakunemba wawo.