1 Pomwe yesu adawona thimu lawanthu, adayenda padzaulu pa phiri. Adakhala pansi, wakupfunza wache adabwera kwa iye. 2 Iye adafungula pakamwa pache ndipo adawapfunzisa iwo, achiti, 3 "Wakudala ni wale wakusauka muuzimu, pakuti ufumu bwa kudzaulu m'bawo.
13 "Ndimwe munyu wa dziko. Soma munyu ukamala kunyung'unya kwache, bzingachitike tani pomwe kuti ukhale munyu? Umdzaphatisiwa lini pomwe basa pa chilichense soma kutaya basi pala kuti wanthu akauponde na nzayo zawo. 14 Ndimwe kubvunika kwa dziko lapansi. Mzinda wakumangiwa pa dzaulu pa phiri umbabisiwa lini. 15 Palibe wanthu omwe ambagasa nyale achiyigwanankhira pa dengu, soma ambayiikha pakumanikira nyale, apo imbabvunike kuna aliyense mnyumba. 16 Bvumani kuwala kwanu kuunike kuna wanthu kuti ambaone bzichito bzanu kuti bzilemekeze Baba wanu wakukhala kudzaulu.
17 "Nampodi kuganiza kuti ndabwera kudzaononga lamulo ayayi aneneri. Ndilibe kubwera kudzayaononga, soma kudzayakwanirisa. 18 Thangwe chadidi ndikukuuzani kuti pokha pokha kudzaulu na pansi kudzamale, palibe ne nemba libodzi ne kankitikiti komwe kamdzamala mbzitongi bzache munjira iriyense, mpakana bzense bzitakwanirisiwa. 19 Thangwe lache omwe anipsa libodzi la bzitonji bzache mkupfunzisa winango kuchitambo terepoyo amdzachemeriwa wakumalizira letu mu ufumu bwa kudzaulu. Soma iye wakuyakoya achiwapfunzisa iwo amdachemeriwa mkulu mu ufumu bwa ku dzaulu 20 Terepoyo ndikukuzani kuti pokha pokha chilungamo chanu chipose chilungamo cha alembi na afalisi, mumdzapita mu ufumu bwa kudzaulu.
21 "Mwabva kuti kudalewedwa kwa iwo kalekalelo, 'Nampodi kupha.' Ndipo, 'Aliyense wa kupha anzakhala pa mpholemphole ya chiweruzo.' 22 Soma ndikulewa kuna imwe kuti aliyense wakukalipira m'bale wache ali pa mpholemphole yakutambira chilango; ndipo omwe anilimula m'bale wache kuti, 'Ndiwe wa pezipezi!' amdzalakhala pa chigopsero cha kutongiwa; ndipo ule wakulewa kuti, 'Iwe chilema!' anzakhala pa chigopsero cha kudzayenda ku ng'anjo ya moto. 23 Thangwe lache mukambapereka chakupereka cha mphatso pa guwa pamwepo mukumbukire kuti m'bale wanu wakusungirani mathangwe. 24 Tulani mphatso yanu kutsogolo kwa guwa, muchiyenda njira yanu. Chakuyambilira utome kuyanjanisana na m'bale wako, kinangoko bwera udzapereke mphatso yako. 25 Bveranani na ule omwe mwaputana naye kamfulumize pomwe mulinaye pabodzi mukadali mjira kuyena ku nyumba ya utongi, mukasaya kuterepoyo mwamuputayo anzakakuperekani kuna mtongi, apo mtongiyo angakakuperekeni kuna mphabvu za umangi, apo mungadzathusiwe mkaoko. 26 Chadidi ndikukuzani, mumdzabula lini mwemo pokha pokha mutapagali ate kumaliza kobiri zense zomwe munazo.
27 "Mwabva kuti kudanembiwa, 'Nampodi kuyenda kumalume yaku mphasa.' 28 Soma ndikulewa kuna imwe kuti aliyense wakuyang'ana mkazi achimu khumba kugons naye wachita naye kale chigololo mumtima mwache. 29 Penu diso lako lakumadidi likukuphonyesa, lichose ulitaye kutali na iwe. Thangwe nkhasa kuti mwayanu m'bodzi akapse na moto kulekana na kuti thupi lako lense likathusiwe kumoto. 30 Penu boko lako lakumadidi likukuphonyesa, ligwate ulitaye kutali na iwe. Thangwe nkhasa kuti mwayanu m'bodzi akapse, kusiyana nakuti thupi lako lense likayende ku moto. 31 Bzidalewiwa pomwe kuti, 'Omwe anileka mkazache, amupase tsamba la chizimbu.' 32 Soma ndikulewa kuna imwe kuti aliyense wakuzimbula mkazache, kupambula mathangwe ya chigololo, akumuchitisa uputa. Omwe anilowolambo omwe wazimbuliwayo neye chitsamba wachitambo chigololo.
33 "Pomwe, mudabva kuti bzidalewiwa kale kuna iwo kalekalero, 'Nampodi kulumbira malonjezano yakunama, soma tengani malonjezano yanu kwa Mbuya.' 34 Soma nilewa kuna imwe, nampodi pomwe kumbalumbirira, ne kuguma kudzaulu, thangwe nku mpando wa Mulungu; 35 Ne kulumbira dziko kuguma dziko lapansi, thangwe ndiye pakuponda nzayo zache; pinango kulumbira kuguma Yerusalemu, thangwe ni mzinda wa Mpfumu ikulutsa. 36 Nampodi pomwe kulumbirira msolo wanu, thangwe mungathelini kusandusa tsisi lanu kukhala lichena pinango lipsipa. 37 So kusewera kwanu mumbaondo kuti 'Inde, inde,' pinango 'Ne, ne.' Chilichense chakuthimizira apa nchakuchokera kwa wakuipayo.
38 "Mwabva kuti bzidalewiwa, 'Diso pa diso, na dzino kuli pa dzino.' 39 Soma ndikuti kuna imwe, nampodi kupirira kwa wakuipayo. Mmalo mwache, ule omwe amkumenya phutu lako lamadidi, Zungunuka amenye pomwe linangolo. 40 Penu winango amkakusumira mlandu achitenga mabota yako, mpase pomwe bulande lako. 41 Omwe amkungingimiza kuyenda naye mayadi dzana libodzi, ndoko naye madzana mawiri. 42 Aliyense ndiye ankukumbirayo mpase, apo nampodi kulambiza omwe amfuna kukumbira chinthu chako.
43 "Mwabva kuti bzidalembiwa kale, 'Konda mnansi wako ndipo dana na mdani wako. 44 Koma ndikuti kwa imwe, kondani adani wanu apo pemphererani wale omwe ambakuboneresani imwe, Bzakunemba bza kalekale bzikhalibe mafalaya yakuti Dalisani wale ndiwo ambakutembererani, chitani bzabwino kwa omwe ambakuwengani. 45 Apo kuti mukhale wana wa Baba wakudzaulu. Thangwe ambawalisa dzuwa pa wanthu wakuipa nawabwino kubodzi, apo ambagwesa bvula pa wabwino na pa wakuipa. 46 Thangwe ukakonda wale omwe ambakukonda, ni mphfupo yanyi yomwe mumdzatambira? Wakukhomesa mitsonkho ambachitambolini pomwe bzokha bzokhabzi? 47 Mukapa moni abale wanu okha, mumtchita pomwe chani chakuposa winango? Ne wachikunja mbachita lini pomwe bzomwebzi? 48 Thangwe lache bzimfunikana mukhale wakuchena bzachaibzo, ninga ndimo Baba wakudzaulu alirimbo wakuchena.