¹ Bzidachtika kuti pomwe Yesu adamaliza kulangiza wakupfunza wache khimi na awili wale, adalamuka pomwepo kukapfunzisa na kulalika m'mizinda yawo. ² Tsopano Yohani adabva mkawoko bzichito mkhilisitu, iye adatumiza mtumi kwa wakupfunza wache ³ ndipo adalewa kuna iwo, "Kodi ndimwe mbodzi waomwe mukubwera, pinango tidikilire winango?"

⁴ Yesu adawatawira achilewa kuna iwo, "Ndokoni mukafotokoze kwa Yohani bzomwe mwaona na kubva. ⁵ Azimola ali kutambila kuona, anyakupunduka miyendo ali kufamba, wamapele ali kukonzewa, agonthi akuyamba pomwe kubva, wakufa ali kumusiwa achikhala pomwe na moyo, ndipo mafala ya Mulungu yakulikiwa kuna anyakusauka. ⁶ Wakudala ngule alibe kupitiwa thangwe la ine."

⁷ Amuna wense wale adapita njira zawo, Yesu adayamba kulewa na thimu lile bza Yohani, "Kuchipululu mudayenda kaona chiyani_ mitete kutetemera na chonzi? ⁸ Tsono mudayenda kunja mudakaona chiyani_ munthu wakubvala chakubvala chakufewa? Chadidi, iwo omwe ambabvala bzaku bvala bzakufewa ambakhala m'nyumba za mafumu. ⁹ Tsono mudaona chiyani_ mneneri? Inde, ndikulewa na imwepo, ndipo kuposa mneneri. ¹⁰ Uyu ndiye omwe kudanembiwa, 'Nyang'anani, ndikutumiza mthenga wangu maso panu, omwe amdzakonza njira yanu.' ¹¹ Chadidi ndikulewa kwa imwe kukanati kuoneka kale m'mbodzi wakubaliwa na azimayi, mkulu kuposa Yohani M'batizi. Chensecho munthu nyafuniwa mu ufumu bwa kudzaulu nimkulumbo kuposa iye. ¹² Kuchokela nsiku za Yohani M'batizi ateye pano, ufumu bwa kudzaulu buku bonera na chiwawa, ndipo wanthu wa chiwawa ambabzitengera nsimba. ¹³ Mwa aneneri wensene na wachilamulo wense adalewera kufikila Yohan; ¹⁴ neye penu mukufuna kubvuma, iye ni Eliya omwe akubwera. ¹⁵ Iye omwe anamakutu yakufuna kubva, mulekeni iye abve. ¹⁶ Ni chiyani chomwe ninga ndendemezere na m'badwo uno? Uli ngati wana wakusenzeka msika achimba chemerezana, ¹⁷ achilewa, 'Tidasenzeka na fuluti pala imwe, tsono imwe mulibe kubzina. Tidalira, tsono imwe mulibe kubveka mkuwe.' ¹⁸ Nakuti Yohani adabwera se kudya mkate neye kunwa badwa, ndipo iwo adalewa, 'Iye ana chiwanda; ¹⁹ Mwana wa Munthu wabwera akudya nakumwa tsono iwo akulewa, 'Nyang'anani, iye ngwadyera ndipo mchiledzelere, mwanzawo ni anyakukhomesa msonkho na anyakuphonya!' Tsono nzeru imba dziwika na bzakuchitika bzache."

²⁰ Kinangoko Yesu adayamba kutsimula mizinda yomwe adaichitira bzakudabwisa bzache thangwe wanthu akhalibe kulapa. ²¹ "Tsoka kuna iwe, Cholazini! Tsoka kuna iwe, Betania! Bzikadakhala kuti bzakudabwisa bzidachitikila ku Tiro na Sido bzomwe bzida chitikila imwebzi, akada lapa kalekle akadabvala bzi guduli na kudzola dotha. ²² Tsono, ndikukuzani imwe kudzakhala bzizinji bza kunesa ku Tiro na Sido pa nsiku ya chiweruzo kusiyana na imwepo ²³ Iwe, Kaperenawo, ukukumbuka kuti ndiwe wakusankhika kudzaulu? Ukukumbuka kuti udzakwiziwa ateye kudzaulu? Neye, udzabuluka kufika ateye kwa kufa. Thangwe bza mphamvu bzomwe bzida chitika na iwe bzingadakhala bzidachitila Sodomu, angadakhala wa kusungiwa ateye lero. ²⁴ Tsono ndikulewa kuna imwe nsiku yatonga mulandu wa Sodomu udzachepa na iwe."

²⁵ Panthawe yomweyo Yesu adalewa, "Ndikukutendani imwe, Baba, Mbuya wakudzaulu na dziko la pansi, thangwe imwe mudabisa bzinthubzi kuna wanthu wa nzeru na wakudziwa bwino, achi bziuzambo wana wao. ²⁶ Inde, Baba, ichi chikhali chakudeka pamaso panu. ²⁷ Bzinthu bzense bzaperekiwa kuna ine kuchokera kwa Baba, palibe m'bodzi akudziwa Mwana kupambula Baba, napo palibe m'bodzi akudziwa Baba kupambula Mwana na aliyense omwe Mwana wasankhula kuti adziwe chinsinsi chache. ²⁸ Bwerani kuna ine, mwense waku bonera na kuneta, nakuti nidzaku pumisani. ²⁹ Bzitengereni goli lanu pa ine napo mupfunze kuchoka kuna ine, nakuti ndine waku bzichepsa naku pfatsa mtima, pomwe mudzaugumana mpumulo wa mzimu wanu. ³⁰ Poti goli langu ndakusaya kunesa napo chilango changu nchakupepuka."