¹ E matungo, wasaa Yohana murubhiki, wahana mu bhweru bhwa ku Yudea. ² W'ebha: mubhunduke, bhushwa e bhubhake bw'e kwiyo iyo bhuri k'eya. ³ Yohana ngu webhwanga na Isaya. e mutahwa, Warekiya w'ebhange: Uno ng' muréngé wangu e ukuange mo bhweru: mutunganye e mwengere we mwami, na mworu e sanse sae.

⁴ Yohana wabhesenga nturi na ngombe yohu rwa ngamia, na mukabha mu mangati ae. Wabhesenga nti urisanga tukuku na bhuki. ⁵ E bharika Yerusaremu, ne bha ku Yudea e bhati ne bhe bhyuo ebhiti bhye kumushimushi na Yorodani, bha mwende. ⁶ Na bhasia e bhibhi bhyabho, bharubhikwa nae mo ruusi muri Yorodani.

⁷ Ina, bharekiya bhasunga e bhwiyange e bhea bhingi karubhikwa e bhafarisayo ne bhasandukayo, wire bho: uanda rwa nsoka, inye ngwakubhuhana ibheka e bhusubhuke bhuseyayo? ⁸ Mubhute ke bhyuma bhyakonda byibunduka. ⁹ Nakiro mwanikira iyebha bhanu bhesine: bhate turi na Aburahamu ngi tita! bhushwa ni bhwirengi mbu ne makoi ano Ongo wamusaishamo bhana bha Aburahamu. ¹⁰ E mwanda iye uri hetina ne emuti: kinsi miti e nti yabhuta byuma bhyakonda isekerwa nitawa mukasha.

¹¹ Ani, nibhurubikange mu mecha, mwebhurisha muribhunduka ina ingu e wiyange kuruma nani iwe munkangwe indenga, na nsira na maa iyobhora e miri ye bhinantiro bhyae. iwe, wa bhurubhikayo mu Mutima mushasha na mukasha. ¹² Uri na rweri mu mine yae: wafufurayo e se mpafa, n'ituma e bhyuma mu mwiso, ina useshikayo e se mpafa na sitatindiyo.

¹³ Yesu wiya ku Ngariraya muri Yorodani kuri Yohana, bhushwe warubhikwe nae. ¹⁴ Ina Yohana watina, mwiyebha: ani ngi nashima irubhika nabhe, na ongo wiya tu kuriani! ¹⁵ Yesu wamusubhiye: oongo kora, bhushwe rakomenwa tubherereshe e bhiti bhiri mubhutunganane. Na Yohana ntwa tina tu.

¹⁶ Yesu warekiya warubhikwa, wasaa kumund'e mecha e mbingu yobhoka, na hasungwa e Mutima wa Ongo wahita bhuri kampite n'esika e kuri Yesu. ¹⁷ Nampo herikirwa murenge ituka mu mbingu webha: uno ng'e mwana 'ni washimwa nani ne kuri we ngi kwira ani enchimi yani eiti.