¹ Yesu war'ikiya wamabhutwa ku Beterehemu ya ku Yudea mu matu e mubhake Herode, sunga bhis'e bwenge bha mor' oharo rw'e kwabhume bhiya ku Yerusaremu. ² Bhebha: uri kuni ewakubhutwa e mubhake wa ku Yudea? Bhushwa twakusunga e nkekeni yae mor' oharo rw'e kwabhume na bhate twamia ka mukoke.

³ E mubhake Herode warekia worukira e bhinwa mbyo, wasubhuka na Yerusaremu hima nae. ⁴ Wariya ebhakakare bhe bhakungu bhati hima, n'e bhandiki bhe bhea washisha kuni kwa bhutwa emubhake Kirisitu? ⁵ Nabho bhamusako mbu Ku Beterehemu ya ku Yudea. Bhushwa ngwandikwa cho ne mutahwa. ⁶ Na oongo Beterehemu ubhungu rwa Yuda, oongo nti mukeke nguru munkati e bhakakare bha Yuda: bhushwa ku kwasetuka e mubhake ingo warange bhea bhani Isiraeri.

⁷ Ituka mpo Herode wabhikira bhise bwenge mu nama, washei eira kuri bho e ntambi yasungwanga e nkekeni. ⁸ Washishabho bhendi ku Beterehemu mwendi musonde myasi y' eira y'e mwana. Mumamusunga mwiye kantur'e mwasi, n'ani nendi kamukoke.

⁹ Nabho bhakia bhamakíndi rukira e bhinwa bhye mubhake bhenda bhakae e nkekeni yakusunganga bho e kusairengi bho, yasondore bho, na yeya yasimana hiyo nampo hari e mwana. ¹⁰ Nabho bharekia bhamasunga tu nkekeni bhabhesa nimoa nguru. ¹¹ Bhakime mo kiraro bhasung' e mwana hima na Maria nina, bhehicha bhakok' e mwana nabho bhakia bhamakind'iyobhora esanku sabho bhamuhemba: bhehe. ¹² Nabho bhakia bhamashishiwa na Ongo munsori anga bhakuruka kwa Herode bhakuruke mu chuo chabho muimpe nse.

¹³ Nabhakia bhamakindi enda engashani wasaire Yusufu munsori webha simana ntinge mwana na nina bheka ku Misiri rika kuko iya erotu rwa kwire ani, bhushwa Herode wasonde mwana wa mushúre. ¹⁴ Yusufu wasimana watinge mwana na nina mo mutu nienda ku Misiri. ¹⁵ Warika kuko iya erikwa ra Herode, bhushwa kibhererere e kinwa ch' ebhanga e mutahwa: mwituka ku Misiri nakubhikira musike ani. ¹⁶ Nampo Herode wasibha 'mbu wahuswa na bhis'e bwenge, wasubhuka nguru watuma bhea bhashure bhana bhati bh'e myaka ibi n'ehita mu'mbo bhari ku Beterehamu n'e wendende na kuro. ¹⁷ Nambu chabherereshiwa chebhwanga n'e mutahwa Yeremia. ¹⁹ Herode warekia wamakwa wasunga ngashani ya Ongo yasaire Yusufu mu nsori ku Misiri. ²⁰ Webha simana tinge mwana na Maria kuruka mo chuo cha ku Isiraeri: bhushwa wamakind'ikwa abhesi usondange ishura emwana. ²¹ Yusufu wasimana n'itinge 'mwana na nina nienda mu chuo cha ku Isiraeri.

²² Ina, wakíya wamorukira mbu Arikerao ng'wasima ku Yudea kuruma n' ishe Herode wasubhaha iyendako ntwamashishiwa na Ongo mu nsori, wenda rae ku Gariraya. ²³ Wakiya wamiya warika murubhungu rwa bhikirwa ku Nasareti, bhushwa kibherereshwe echebhwanga ne bhatahwa: wabhikirwayo mu Nasareti.