¹ Himpo, Yesu watindikiwanga n' e Mutima Mweru mo bhweru warekwa na mushumbu. ² Kuruma nampo, watíni erisa matu makumi anye mutu na mu mwishi, kuruma wakwa rwaka. ³ E mureki weya kuriwe, wamushisha mbe ongo wa Ongo, shisha e makoi ingi abhinduke kambosa. ⁴ Yesu wamwire: e mitiro. yatiranyiwa mbu, mwea watakochi irama bhushe bhiyo, ina mo kinwa chatuka mo bhunu bhwa Ongo. ⁵ Mushumbu wamuriya mor'obhungu rwashuururwa, wamurikecha habhasirwa e numba ya Ôngo. ⁶ Na wamwire; mbe ôngo musike wa Ôngo, ekiriye ekwansi bhushwa e mitiro y'ebha mbu, wasekurishie e esangashani ka kutinge, ikurembera mumine yabho, umenda kashumbuka emindi yabhe mu makoi. ⁷ Yesu webha mbu: chatiranyiwa, kiro wereka Mukota, Ôngo w'abhe.

⁸ Iwe nyamurairi wenda tu nae habhasirwa n' ou rore nguru, wamushea ebhubhake bhuti we chuo kití, ne ebhusime bhuti. ⁹ Wamw'ire: bhino bhiti nsekunika bhyo umankomere maru mw'enindame. ngi mukota wabhe ni ikoke ani. ¹⁰ Yesu wemwire: endanga rabhe e mushumbu, bhushwa e mitiro y'ebha mbu, koke e Mukota Ôngo wabhe, umukori iwe wesine. ¹¹ Nampo, mushumbu wamureke, ne esangashani seya kamukore.

¹² E ntambi Yesu worukiranga mbu. Yohana wamínwa, wenda rae ku Gariraya. ¹³ Watuka ku Nazareti, weya karika munkati ku Kapernaumu obhungu ruri wendende n'e e nyansa mo bhyati bhye wendende, Zeburoni na Nafutari. ¹⁴ E kinwa chebhanga e mutahwa, ch'ebhwanga n'e mutahwa Isaya, chebha: ¹⁷ Itukire e matu ngo Yesu wabhuchi ihanabho, mureki ebhubhi, bhusha mbu e bhubhake bhwa mo mbingu.

¹⁸ Warikiya, wendange wendende ne nyansa ya Gariraya wasungu bhanakima bhabhi, bhabhikirwa mbu, Simoni ungu bhikirwange imbu Petero na munachabho Andrea, bharekerange e rukao munyansa, bhabhesanga bharobhi. ¹⁹ Werebho; munimise, nani nase bhubhindura bharobhi ba bhea. ²⁰ Kuruma nampo, bhareke e rukao rwabho bhamwemisa

²¹ Werekiya uri muruwendo, wasunga bhasike bhabhi. bhana bhabhi, Yakobho mwana wa Sebhedayo na Yohana munachabho, bhabhesanga mu bhwato hima na Sebedayo ishe wabho nti bhatunganyang'e tukira twabho. ²² Wabhikirabho, kuruma na'mpo bhasia e bhwato bhamwimisa.

²³ Yesu wabhucha itambatamba mu Gariraya iti, ntuhanange mo sinangoki yabho na uturebho e mwasi we karamo ka mu mbingu, wabhucha iramya e makoni na bhutetera bhuti bhwabhesanga munkatí n'e bhea. ²⁴ E mwasi wae uti watamba bhamurishie e bhati bhabhesanga nti bhikocha, imbi bhabhesanga bhanubhange na kinsi bhukoni, ebhashire ne ebhakoni bh' erungu ne bhirema waramya bo. E nkumanano nkiri yamwimisa. ²⁵ Bhatukange ku Gariraya na ku Dekapori na ku Yerusaremu, na ku Yudea mo mwiri we ngesi Yorodani.