¹ Usihukumu, nawe usidze uka hukumiwa. ² Kwa kukala hukumu uhukumuyo, na uwe undakumiwa, na kwa chapimo upimiracho na uwe pia undapimirwa chicho. ³ Ni kwatuwani unalola chisiku cha muhi chiricho dzitsoni mwa nduguyo, ela kumaya chisiku cha gogo chiricho dzitsoni mwako? ⁴ Unawezadze kumwamba nduguyo tariza nikuupuse chisiku chiricho kahiza dzitso ra kwako; ichikala chisiku cha gogo chi kahiza dzidzo ra kwako? ⁵ Uwe munafiki! Mwanzo omboza gogo ririro kahiza dzitso ra kwako, na kisha undaweza kuona tototo kuchiusa chisiku cha muhi chiricho kahiza dzitso ra nduguyo.

⁶ Usiavhe kuro chiricho chitakatifu, na usiatsuvhire nguluwe lulu mbere za kwao. Kwa ovya kukala andavibananga na kuvivyoga kwa magulu gao, na kisha andakugalukira uwe na kukuavula visiku visiku.

⁷ "Voya, nawe undahewa. Yeya, nawe undapata. Bisha hodi, nawe undafugurirwa. ⁸ Kwa yeyosi avoyaye yunavhokera. Na kwa yeyosi ayeyaye, yunapata; na kwa mutu abisha hodi yundafugurirwa.

⁹ Hebu kuna mutu yeyosi kahikahi yenu, ariye mwanawe achimuvoya chisiku cha mukahe yundamuvha dziwe? ¹⁰ Hebu ichikala yundamuvoya samaki, Ye yundamuvha nyoka? ¹¹ Kwa vivyo, ichikala mwimwi murio Ai munaweza kuavha Ana enu zawadi mbidzo, je ni kwa chasi chani zaidi Beyenu ariye Mulungu yunaavha vitu vidzo arahu amuvoyao iye?

¹² Kwa vivyo, uhendzavho kuhenderwa chitu chohcosi ni Atu anjine, uwe nawe pia inakufaa uahendere vivyovivyo nao. Kwa kukala iyo ni sheria na manabii.

¹³ "Injirani kuchirira muryango urio mufufu. Kwa kukala muryango nimwalamu na njira ninyalamu ilongozayo kahiza ubananzi, na kuna Atu anji achirirayo njira iyo. ¹⁴ Ela njira ni fufu na njira ni komu ilongozayo kahiza uzima na ni Atepe awezao kuiona.

¹⁵ "Kalani matso na manabii a ulongo, adzao kwenu achikala a vala chingo ya ng'onzi ujeri Ao ni kuro asiru atsakani. ¹⁶ Kahiza matunda ga kwao mundaamanya. Je Atu anaweza kuhuta zabibu kula kwa mihi yenye miya hebu tini kula kwa mibaruti? ¹⁷ Kwa njira iyo, chila muhi mudzo unavyala matunda madzo na muhi mui unavyala matunda mai. ¹⁸ Muhi mudzo kauweza kuvyala matunda mai, wala muhi mui kauweza kuvyala matunda madzo. ¹⁹ Chila muhi uriokauvyala matunda madzo undakatwa na kuochwa mohoni. ²⁰ Vivyo be, undaamanya kula kwa matunda ga kwao.

²¹ Si chila mutu aniambaye, Bwana Bwana; yunainjira kahiza ufalume wa Mulunguni, ela ni yuyahu hacheye ahenda mahenzo ga Baba ariye Mulunguni. ²² Atu anji tsiku iyo andanamba Bwana Bwana, kahuombozere unabii kahiza dzinaro, kahombozere mapepo kwa dzira ra kwako, na kahiza dzina ra kwako kahuhendere miujiza minji? ²³ Ndivho nindivho ambira, simumanyire mwimwi, ukani vhavha vhangu, mwimwi muhendao mai!'

²⁴ Kwa vivyo, chila mumwenga asikiraye maneno ga kwangu na kugahenda yunahalana na mutu ariye na hekima ariye jenga nyumba ya kwakwe dzulu ya mwamba. ²⁵ Mvhula ichinya, madzi ga muroto kachidza, na kusi kusi richiipiga nyumba iyo, ela kaigwire tsi, kwa kukala were dzulu ya mwamba. ²⁶ Ela chila mutu asikiraye neno ra kwangu na asirihende yundala here mutu wa kuvhuvha ariye jenga nyumba ya kwakwe dzulu ya mutsanga. ²⁷ Mvhula ichidza tsi, madzi ga muroto kachidza, na kusi richidza na kuipiga nyumba iyo, na ichigwa, na kubanangika kwe kwa kala kamare kamare."

²⁸ Yafika wakati urio Jeso arivho marigiza kugomba maneno gaga, lukwili lwa Atu luchiangalazwa ni mafundisho ga kwakwe, ²⁹ kwa kukala wafundisha dzahere Mutu mwenye wala singadzahere andishi.