¹ Mby Yezu atuba nda oluy o vear anagn ti ya walongoki inde, ² ndenden: "Walong i nsiku ti wafarize walegnemi ne nkway i Moize. ³ Ata walotumagni na nkie vii amuu, kaiagni wog. Kansi oyakiagni vii alekiwo ve. Djwi waletubi, kansi wapikii vii awo ve. ⁴ Waletshung ko edzuru eli mpay na mvara, walesetsug wog ne nsiam apag a vear amuu. Kansi wo wemie wapig nsiang ata n'epign emog ve. ⁵ Vii ankum alekiiwo ko djwi vear wayen. Waletshung eshing etey-etey ne djuung iwo, djwi nsor ileama iwo ikum inen-inen. ⁶ N'okina, aleang wo ko endii e nteang, ti ne wasinagoga iwo waleang ko endii e nteang, ⁷ aleang wo mpea mbea ko n'endii eli vear entsign, mpi djwi vear wavii "Rabbi". ⁸ Kansi epikug na gnu ovieagni <>, djwi oliagni ko na long emog, gnu ankum oliagni atwung. ⁹ Mpi oyaviagni ata wur emog ne buu tea ve, djwi olagni ko tea emog, tea eli ne dzug. ¹⁰ Oyaleang'agni woviagni nkum ve, djwi olagni ko na tea emog, Kristu. ¹¹ Kansi wur eli eninen ne kati egnu ayi wur e gnu otshia. ¹² Wur eling ayi ko ne dzug ayokeyawo ngie, mpi wur eling akri ngie ayosiang wo dzug. ¹³ Ngy ya gnu, vear efugn enkean ti wafarize, na vear ilung ipe. Oledzubagni vear mbug e ekub e dzug, gnu gnemie opishuagni ve, vear amuu aleang ntshue, gnu otunagni ashuewo. ¹⁴ Ngiy ya gnu, vear afugn enkean ti wa farize, vear a ilung ipe! Djwi olevey'agni vim ankum ali ne mvuru ankear amiwa awum, olekiagni ko bisamu itey-itey oshin onagn ndola egnu ayayia wo eninen. ¹⁵ Ngiy ya gnu, vear afugn enkean ti wa farize, vear ilung ipe! Djwi olekienagni ne nzey ti ne nky djwi na otshimagni etura. Mpi ntangu emitshima nde etura, okieagni akum mbala ozole mon e bilungi, oshin omog na gnu. ¹⁶ Ngiy ya gnu, vear alaag mbug epiyen, gnugnun: Yug wur atisila ne dzin tempelo eli mpama. Kansi yug wur atisila ne dzin i wolo e tempelo ali nga kangama n'otuba e nde." ¹⁷ Gnu, vear akuon wagne emibue viy! Enkagn eli eninen, wolo, to tempelo ondii omikum wolo santu? ¹⁸ Mpi, yug wur atisila ne dzin i kunda eli mpama. Kansi yug wur atisila ne dzin i ekri e makabu eli ne dzug i kunda, ali ngakangama n'otuba nde." ¹⁹ Gnu vear amibue viy, Nge eli eninen, ekri e makabu to kunda ondii omikum makabu santu? ²⁰ Wur esila ne dzin i kunda asllane dzug i kunda ti ne vim ankum ali neti. ²¹ Mpi wur esila ne tempelo asila ko tempelo mpi na wur epier ne tempelo. ²² Mpi wur esila ne dzin i dzug asila ne dzin i kub e Nzeam ti ne wur emigneme neti. ²³ Mpay ya gnu, walong i nsiku, n'eyang egnu! Djwi olepiagni obag e akab djum e menthe, e aneth ti e cumin, kansi gnu osiang'agni vim elenga mfunu ne wa nsiku (masonga, na ekaagn.) wog enagn vii alabana gnu nkie, nkwon nsianga vim amuu. ²⁴ Ngu vear alaag mbug epiyen, ngu vear alelimi onsiya kansi oleminagn mpunda. ²⁵ Mpay ya gnu, walong i nsiku ti Wafarize, n'eyang egnu! Djwi atsagnu nsuy ikob ti ilongo nelien kansi neti, emiyuo to na wumu ti vii apwo. ²⁶ Farize emibuye viy, suy ntete neti mby nelien ko eyi wuo. ²⁷ Mpay ya gnu, walong i nsiku ti wafarize, n'eyang egnu! Djwi olagni kamsi nkr aluma emikuewo okub o siy, nelien djwi wayen eli wuo, kansi neti emiyuo to na viyu e vear a ngiwa mpi vim ankum apwo. ²⁸ Oshin omog, gnu mpi yiagni wuo na vear eli nelien, kansi neti otiyuagni n'oyang ti vii apwo. ²⁹ Mpay ya gnu walong i nsiku ti wafarize, n'eyang e gnu! Djwi oletwungagni shema ne nkr i wangunsa, olewongagni aluma a vear a wuo. ³⁰ Gnugnun: "Yug ko sitoyia ne ntangu eyii atea asu, sipina puraka aluung a wangunsa ve ti wo." ³¹ Enagn olapeagni ntiegn gnemie gnugnun olagni aman a vear ayiidjag wangunsa. ³² Enagn olakiagni ko etshia atea agnu. ³³ Wandjua ti aman atshwe ane, Oshin onkagn eyakim gnu ewu e bilungi? ³⁴ Yenakagni, ndotumagni wangunsa, vear a waagn ti walong i nsiku. Ayadjag gnu amuu ne kulunsi. Mby amuu ayanang gnu akoy ne wasinagoga ignu, ayapeakagnu mpay yim wiya ene, ayatumakagni wiya emuu. ³⁵ Ndola e vii awo ayakeawo ndog ya gnu, na aluung a vear apijia ata djwi, ayipurgnu yim ko aluung a Abel wur e wuo, tii ko aluung a Zakaria, mon e Barashi, eyiidjag gnu etitign e ondii o santu ti kunda. ³⁶ Mokabagni vi-a-vii, vii anagn ankum ayakum wo ko ne ndwong egnu ene. ³⁷ Yeruzalem, Yeruzalem, yie wur etsandjag wangunsa mpi olebug vear otsawontuma atari! Mbala kwe etsame ndeang mbub aman ayie, kamsi nkogo abub aman ande ne ngie apabu, kansi gnu opileangagni ve. ³⁸ Yenaka, evuru egnu ayasawo tsuga epuu kaku wur neti ve. ³⁹ Djwi me, mokabagni, etishir, opafingienagni ve, tii ko eshu eyatubagnu: "Osiang ya wur eleye ne dzin i Nkum."