¹ Wafarize ti walong i nsiku imuu iyim Yeruzalem wayia etay eli Yezu. Watuba wuwun: ² "Djwi na nge walongoki iyie walepiy onkwon e antsuru? Ne nteang e nda, wapisuy mbwo ve." ³ Yezu akeara ndenden: "Mby gnu, djwi na nge elepiy gnu onkwon o Nzeam djwi osakiragni ko vii antsuru? ⁴ Djwi nzeam atubi nde ndenden: "Zitisa tea ti mea yie," mpi "wur eyashing tea nde ti mea nde ayodjag wo." ⁵ Kansi gnu kabagni vear: Wur eyatuba nda tea nde ti mea nde ndenden: "Ikab i vim anosarisa me na wo ntipea makabu ya Nzeam," ⁶ wur enagn kakunde na mfunu e nsarisa tea nde ve. Enagn otidjagagni otuba o Nzeam djwi na wansiku ignu." ⁷ "Vear ilung ipe! Ezai atubinde vi-a-vii ntangu eyibikulinde djwi na gnu: ⁸ Vear ane wankumisa n'odzum, kansi itura iwo ili etey na me. ⁹ Atsawo mfukimina me ko mpama, walepii along a nsiku i vear." ¹⁰ Mby s'avinde vear ankum atuba: "Yugagni mpi jiagni. ¹¹ Epa vim etsanshue n'odzum esitsug wur mbin ve. Kansi otuba onkum epue n'odzum onde; wog enagn etsantsug wur mbin." ¹² Mby walongoki inde wayia mpi watuba wa Yezu wuwun: "Ojia wafarize watiyen epwo na vii amituba yie?" ¹³ Yezu akeara: "Oshung onkum ekafuy Tea me ayosuma wo. ¹⁴ Oyaleangagni atii na vii awo ve; wali viy ngibuye, yug wur epiyen avara wur epiyen kamsi nde, wankeape asilog wo n'ipug." ¹⁵ Petelo akeara Yezu ndenden: "Tendula vear etsig ene wuo". ¹⁶ Yezu ndenden: Opijiagni ko ve? ¹⁷ Opijiagni ve vim enkum etsa nshue n'odzum atsawo ndeg n'ipfugn mby etsi mpwe n'ibulu? ¹⁸ Kansi vim epwe n'odzum eyim n'etura. Wog enagn esitsug wur mbin. ¹⁹ Djwi ipwo inkum iyim n'etura, ndjag vear, itaay, ikiekie, wumu, nkab oyang, mbeam vear vii, itii. ²⁰ Enagn vim atsa ntsug wur mbin. Kansi na nda yug nkasuy mbwo epitsi ntsug wur mbin ve." ²¹ Mby Yezu alim kokog, s'atshinde buu e Tir na Sidonia. ²² Mby onkear omog e Kanana epier kog s'ayinde etay Yezu. Adzama: "Nkum, mon e David onzug ngy; Mon me onkear ontshung alopii mpay kaku mpila." ²³ Kansi Yezu akokeara ata djwi ve. Walongoki wayia wobondila, wuwun: "Kmande ogniang aletekii oshuru." ²⁴ Kansi Yezu akeara: "Me, antum wo ko djwi na ameme amijing mbug n'okuu e Israel." ²⁵ Kansi onkear owo ayia nkr abong ne nteang e nde, ndenden; "Nkum onsarisi". ²⁶ Akeara ndenden: "Epa eli wuo ve na mvey mampa ila aman na ntwomo ya aman a mva." ²⁷ Atuba: "Eli oshin onagn, Nkum, ata wamva atsawo nda ko mfuya itsandog ne ngie e mesa ela ankum awo." ²⁸ Yezu okeara ndenden: "Onkear one, oli na lukwikilu eninen. Eyii ya yie ko oshin emileang yie." Mby mon nde onkear avug ko ne ntangu enagn. ²⁹ Yezu alim kog, s'atshinde n'ikri i nzey e Galilea, mby avean n'ombimi s'agneminde mpiog. ³⁰ Oluy o vear s'ayiwo mbeama na nde, na ankea ikom, vear amibuye viy, vear apitubi, vear apikien wuo, ti oshin onkeang imuu entsign. Wapur ne nteang i nkuu i Yezu mpi s'avuginde. ³¹ Oluy o vear anagn wayuo n'osiang oshin omiyen wo vear apitubi watuba, vear apikien walekien, ankea ikom walekien, vear amibuye viy watiyen, s'akumisikiwo Nzeam e Israel. ³² Yezu s'avinde walongoki inde mpi alakaba ndenden: "Ndi na ngy e vear ane, djwi wali wa me mpi kaku wo na vim e nda ve. Ntun akearame na nziya ndelur wakalog ne mbug." ³³ Walongoki wokeara: "Oshin onkagn esiveasu vim a nda ne buu e ndzum ene na mpea oluy o vear ane?" ³⁴ Yezu alakaba ndenen: "Olagni na mampa ikwe?" Watuba wuwun: "Ishiambia, na ndamu e ntse." ³⁵ Mby Yezu s'atubinde nda oluy o vear anagn na gneme ata ne buu. ³⁶ Avey mampa ishiambia ti ntse inagn. Akeara ntsag- na-vie, abag mampa mpi apea walongoki. Walongoki wapea oluy o vear anagn. ³⁷ Wankum wala wayur. Waton'go itign isashuna isag ishiambia. ³⁸ Vear awugu anign ayili, yug okatanga ankear ti aman. ³⁹ Mby Yezu akaba vear ankum wakien, mpi avean ne war, s'atshinde buu e Magadani.