¹ Yesu kayingya mungalaba, ngaloka kaika mukijiji chenge cha atamage. ² Lola, kabannetya mundu ywa pozike agonjike paligodolo. Paaibweni imani yabe, Yesu kankokeya ywa mundu apoozike, "Mwanawango, ube na puraha, dhambi yako usameilwe."

³ Lola, baadhi ya baalimu ba saliya bende bakiyana bene kwa bene, "Mundu yoo enda kupulu" ⁴ Yesu atangite mawazo gabe na kabaya, "Mwanja namani muwaza mabaya mumwoyo winu? ⁵ Cha'ako chakibii rahisi baya, "sambi yako isameilwe!" au baya, "Yema uyende" ⁶ Lakini mutange panga mwana wa Adamu abile nao uwezo wo samiya sambi... "Abayite goo kwa yolo ywapoozike, "Yema, uputwe ligodolo lyako, na uyende kasako." ⁷ Na yolo mundu kayema kaboka yenda kachake. ⁸ Kipenga sa bandu kapabweni agoo, batisangala na kunsifu Nnongo, ywa apeilea uwezo uwo bandu. ⁹ Na Yesu paabile kapeta kuoma koo, amweni mundu ywakemelwa lina lyake Mathayo, ywa abile tama palo paakusanyle kodi. Niywembe kankokeya, "ngengame nenga" Na ywembe atiyema ni kunkengama.

¹⁰ Na Yesu patamile kulya chakulya cha kiloo nkati ya nyumba, baisi bakusanyile kodi bananyansima na bandu baovu balya chakulya pamope na Yesu na anapunzi bake. ¹¹ Nga Mafarisayo pamweni ago, kabakokeya anafunzi, "Mwanja namani mwalimu winu alye chakulya pamope na bakusanya kodi na bandu abaya?"

¹² Yesu paayowine ago abayite, "Bandu bababile na afya nzuri bapalike kwaa nng'anga, ila balo babile atamwe. ¹³ Yatikuwapasa muyende mkajipunze maana yake, "Mbendike rehema na dhabihu kwaa." Kwa mana niisile, kwa balo babile na haki kwaa kutubu, ila kwa balo babile na sambi.

¹⁴ Nga anapunzi ba Yohana baisi kachake ni kukoya, "Mwanja namani twenga na mafarisayo twatabite, lakini anapunzi bako atabite kwaa?"

¹⁵ Yesu kabakokeya, babaindikiya ndowa baweza huzunika wakati mwene ndowa abile pamope nakwe? Lakini lisoba lyaisa ambalo Ngwana ndowa alowa boka ngabalowa taba. ¹⁶ Ntopo mundu ywa beka ipande ya ngobo ya ayambe mu ngobo ya ayambe kwaa, kiraka salowa papwanilwa buka mu ngobo na mwepopwaniko nkolo wa pita. ¹⁷ Ntopo bandu babayeya wembe mmabau mu chombo cha wembe kwele, bene bapanga, likengelya popwanika, wembe walowa penganika na likengo lwalowa popwanika. Badala yake babeka wembe wayambe mulikengo lya ayambe na vyoti vyabile vikoto.

¹⁸ Palyo Yesu kabakokeya makowe ago, linga, afisa atiicha ngampingya magoti nnonge yake, na ywembe kabaya, "Mwana wango atiwaa nambeyambe, lakini wiche unobii na ywembe atama kai. ¹⁹ Yesu ngayema na kunkengama na anapunzi bake.

²⁰ Linga nwawa ywabile kapita mwai kwa kyaka komi niibele, atiicha papipi na Yesu kakamwa mu'lipindo lya ngobo yake. ²¹ Kwasababu atibaya, "Mana niikamwi ngobo yake, nalowa pona."

²² Yesu kagalambuka kummakiya, "Mwinja, line na mwoyo, imani yako itekuponeya," Na muda wowo mwale atipona. ²³ Yesu paikite mu'nyumba ya afisa, nembe abweni akombwa talumbeta na kipenga sa bandu sakibile kikombwa likoti. ²⁴ Na ywembe kabaya, "Mbukange pani, mana nwawa awile kwaa ila atigonja, Lakini balo bandu batiheka na kumgeya. ²⁵ Na balo badu pabapitike panja, na ywembe ajingii kuchumba na kunkamwa luboko na mwale ngayumuka. ²⁶ Ni habari yee yatiyowanika nnema woti.

²⁷ Nga Yesu kapeta buka palo, alalome abele ipofu bati kunkengama. Kabankema na kunkokeya, "mwana wa Daudi, utuponyee" ²⁸ Palyo Yesu aikite panyumba balo ipofu baisi kachake, Yesu ngabakiya, "Mwendaaminiya panga nenda weza panga?" kabankokeya "Eloo, Ngwana."

²⁹ Nga Yesu kakamwa minyo yabe na baya, "Naipangilwe nyoo kwinu kati mwaaminikwe" ³⁰ Na minyo gabe kabagauywa, Yesu ngabakiya na kuakokeya, "Lenga mundu ywoywote kana atange kuhusu likowe lee." ³¹ Lakini bandu abele batibuka na tangaza habari yee sehemu yoti ya nnema.

³² Tubwe abo alalome abele pababile kabayenda kachabe, linga, mundu yumo bubu ywaabii na nchela banetike kwa Yesu. ³³ Na nchela pagamoi yolo mundu bubu ngatumbwa longela. Kipenga sa bandu satumbwa sangala na baya, Ayee inawa kwaa pitya mu'Israel.

³⁴ Lakini Mafarisayo babile kababya, "Kwa mpendo wa nchela, abenga masetani."

³⁵ Yesu atetindiya mjini mpaka mwijiji. Ni ywembe kayendelya pundisha mumasinagogi, Kahubiri Injili na upwalume, na poneya atamwe ga kila aina na udhaifu wa aina yoti. ³⁶ Bandu pabamweni, nembe abeki kiya, mana batisumbuka mwoyo. Babile kati ngondolo yange nchungaji. ³⁷ Na ywembe kaakokeya anapunzi bake. "Mauno ni yananchima, ila apanga kachi na achene. ³⁸ Nga eyo munobe Ngwana wa mauno, linga apeleke apanga kachi mu'mauno gake."