¹ Ysu pauluka buka pakitombe bandu banyansima batikuukengama. ² Lola mwene ukoma atikukilikitya nnonge yake kabaya. "Nngwana mana uwezike uniponeye.

³ Yesu ngamkwamwa na liboko lwake kabaya "mbala ube wankoti," popopo ngapona ukoma wake. ⁴ Yesu kankokeya, "lola kene wamakiye munelu jwo jwote. Uyende ukailaye kwa makuwani na upiye sadaka kati Musa mwalagile, lenga na bembe bakatange" ⁵ Yesu paikite kaperanaumu jemedari atei na kunnobia, ⁶ kabaya, "Nngwana, mtumishi wango atigonja kasango alipooza na andaminya sana.

⁷ Yesu ngammakiya, "nalowaicha na kumponeya."

⁸ Jemedari kanyangwa na kummakiya, "Ngwana nega najwa thamani hatawiche nojingya nnyumba yango ulongele likowe tuu na mtumwa wango alowapona. ⁹ Mana nenga wa mundu wa mwene utawala na nibii na askari pae yango mana nibaite wenga ayo yenda na kayenda na wenga isa aicha na kwa tumishi wango panga nyoo nanjwembe panga!

¹⁰ Yesu payowine nyoo atashangala sana na kwabakiya balo baba nkengamage kweli nendakumakiya napata kwa kumona mundu mwene imanikati yoo Muisrael. ¹¹ Nendakumakiya baingi balowaisa buka kubwani na kubara balowa tama pameza pamope na Abrahamu, Isaka na Yakobo mu utawala wa kumaunde. ¹² Lakini bana ba ufalme balowa taikulilwa mulubendo lwa panja nga kwaba na kulelo na tauna mino. ¹³ Yesu ngamakiya jemedari yenda kati mwoyo aminiya naipangi lwe nyo kachako namtumishi aponi muda wowowo ¹⁴ Wakati Yesu paaikite kunyumba ya Petro, amweni mao bake nyumbowe Petro agonjike kaminya homa. ¹⁵ Yesu kankamwa na luboko lwake, ni homa yake gainneka. Ngayumuka kaba muhudumia. ¹⁶ Piikite kitamunyo, bandu banletike Yesu bandu banyansima bene nsela. Kaabuya nsela na kuaponiya atamwe. ¹⁷ Kwa jinsi yee gatimii galo gagabakiyilwa na Isaya nabii, "Ywembe mwene agapotwi matamwe gitu ni apotwi malasi gitu."

¹⁸ Kae Yesu pabweni kipenga sa bandu kiyengetike, atikwaelekeza ya yenda upande wenge wa bahari ya Galilaya. ¹⁹ Ngaa mwandishi aisa kasake ni kunkokeya, "Mwalimu, mbala kukukengama kwokwote kwawapalayenda."

²⁰ Yesu kakoya, "mkunge abi na lembwa, nakiyuni sakunani ayi na iyumba, lakini mwana wa Adamu ntopo pandu pogonjeka ntwe wake."

²¹ Mwanapunzi ywenge kankokeya, "Ngwana, umbei rusa wete ngasike Tate bango," ²² Lakini Yesu kaankokeya, "Ungengame, waleke wafu basikane bene" ²³ Yesu payingii mungalaba, anapunzi bake, batikunkengama molo mungalaba. ²⁴ Linga lyapitike limbonga mubahari yene, mpaka ngalaba yaiwekelekwa. Lakini Yesu agonjike. ²⁵ Anapunzi bake kabayenga kunyumuya kababaya, "Ngwanautulopwe twenga, twenda waa!"

²⁶ Yesu kaakokeya, "mwanja namani muyogopa, mwenga mwabene imani njene?" Ngayumuka na kukalipya limbonga lya mubahari. Ngapautulia liki, ²⁷ Analome kabasangala ngababaya, "Ayu mundu ywa aina gani, ata mbonga ya mubahari yenda kumtii yembe?"

²⁸ Wakati Yesu payei lenge wa nnema wa Magadala, alalomea abele batawalilwe ni nsela batikwembana nakwe. Babokage mumakaburi ni babile ni vulugu muno, ata apeta ndela bawesa kwaa peta ndela yoo. ²⁹ Lenga, batikemelana na koya, "Twinamani cha panga kachako, wa mwana wa Nnongo? Uichi kututesa ata wakati witu wangaisa?"

³⁰ Pabile na likundi likolo lya ngobe kabalepolya manyei, babile kwa kutalu, ³¹ nsela ngabakemelya kabakoya, "Mana kautuamuru tuboke utupeleke kulikundi lya ngobe."

³² Yesu kaakokeya, "Muyende!" nsela kababoka yenda kwa ngobe. Ngalinga, likundi lyoti galilela buka kukitombe na yendya mubahari na lyoti lyaweli mmache. ³³ Alalome kabasangala ngobe batitila, Napabayei mjini batikuwabakiya yoti gagapitile, hata cha ubendi upepo. ³⁴ Lola, mji woti wati icha kwembana ni Yesu. Paba mweni, batikunnoba abuke mukowa wabe.