¹ Kana uhukumu, na wenga walowa hukumilwa. ² Kwa hukumu yalowa kubahukumu benge, na wenga walowa hukumilwa. Kwa kipimo sa upimite na wenga walowa pemelwa chechelo. ³ Mwanja namani ulolekipande cha kibile muliyo lya nnongowo, lakini utanga kwaa lipekete lya libile muliyo lyako? ⁴ Uweza buli baya kwa nongowo, linda nikubuye kipande sa kibile muliyo lya nongowo, wakati wabile na lipekete mu'liyo lyako? ⁵ Wannafiki wenga, "wete uboye lipekete lyalibile muliyo lyako, ngauweza kuliboa kinanoga na kummoya nongowo lyalibile muliyo lya nnongowo. ⁶ Kana uwapei mbwa chakulya kitakatifu, na kana wataikuli magombe kilebe cha thamani nnonge yabe. Mana balowa kuitahabikya ni kwi lebata kwa magolo, na kai bakugalambukya wenga na kukupalangwana ipande ipande.

⁷ Loba, na wenga walowa pata, Upate na wenga walowa kwibonapanga. Upinge hodi, na wenga wapala yogolelwa. ⁸ Ywoywoti ywa loba, upokya. Na ywoywoti ywabisha hodi, apala yogolelwa, ⁹ Au abile mundu nkati yinu ywabile, mwana wake anobite kipande sa nkate apala mpei liwe? ¹⁰ Au maa anobite omab, na ywembe apala mpeya lingambo? ¹¹ Kwa eyo, mana itei mwenga mwabaya mutangite kuwapea wana winu zawadi inogite, je kiasi gani kwa Tate ywabile kumaunde apala kuwapea ilebe inanoga balo bannobite? ¹² Kwasababu eyo, waupala pangilwa na bandu benge na wenga wapayi nyonyonyo mana ayee sheria na manabii.

¹³ Mjingi kwo pitya niyango wabana, Mana nnyango nkolo na ndela ngolo yeyenda kuobi, na bandu babapeta ndela yoo bananchima. ¹⁴ Nnyango watibana, nnyango wabana na ndela yeeyenda kuukoti achunu baweza kuibona.

¹⁵ Muiazari na manabii baubocho, balowaicha bawati likengo lya ngondolo, lakini kumbe kibwa mwitu akale. ¹⁶ Kwa matokeo gabe mwalowa kuwataba, je bandu baweza una matunda gaanoga muichongoma, au tini munkongo wa mbaruti? ¹⁷ Kwa nyoo bai, kila munkongo unanoga upambika matunda gananoga, lakini munkongo mmaya upambika matunda ganoite kwaa. ¹⁸ Munkongo unanoga uweza kwaa pambika matunda yanoite kwaa, ata munkongo unanyata uweza kwa pambika matunda gananoga. ¹⁹ Kila munkongo waupambika kwaa matunda yanoite walowa taikwa mu mwoto. ²⁰ Nga nyo, mwalowa kwatanga bokana ni matunda gabe. ²¹ Si kila mundu ywanikema nenga, 'Ngwana, Ngwana,' alowa jingya mu upwalume wa kumaunde, ila yolo ywapanga gagapendike Tate bangu ba kumaunde. ²² Bandu bananchima banibakiya lisoba lyo, 'Ngwana, Ngwana, twapiyete kwa unabii kwa lina lyako, tukemile kwa masetani kwa lina lyako ni lina lyako twapagite makowe makolo?' ²³ Nga niakokiya wazi, 'Niatangite kwaa mwenga! Muboke kachango, mwamupanga sambi!'

²⁴ Kwa eyo, kila yumo ywayowa maneno gango na kugatii alowa landana na mundu mwene lunda ywachengite nyumba yake paliwe. ²⁵ Ulatiniya machegatitwelyana na mbonga ya tiputa nyumba yoo lakini wawezike kwa bomoka maana ya chengilwa paliwe. ²⁶ Namundu jwa liyowa likowe iyango alitikwako aliwapangitwa katimundu ngalunda jwachungite nyumba yake palwangi. ²⁷ Ulatisa mafuliko gatiicha mbonga yatipukatya na kwikobwa nyumba yoo! Ngobomoka na alibika sana.

²⁸ Wakati yesu payomwile longela makowe gaa bandu batigasangala mapundisho gake. ²⁹ Mana apundishike katimundu mwene utawala sio kati waandishi babe.