¹ Kana upange makowe ganoite kwa bandu linga ubonekane, wapata kwaa thawabu buka kwa Tate babile kumaunde. ² Kwaiyo mana kopiya kana upage ndoti na kuipuna mwene kati nanfiki babapanga mumasinagogi gabe ni mumitaa, linga panga bandu balumbe, kweli nenda kuakokiya, bayomwile pokya thawabu yabe. ³ Lakini wenga mana kopiya, luboko lyako lya kunkeya lwa mmalyo kene lutange luboko lyako lya kumalio chakipanga. ⁴ Linga panga zawadi yako ipijilwe kwa siri, na Tate bako babakubona kwa siri alowa kukupeya zawadi yake ipiyilwa kwa siri.

⁵ Paupanga, kana ube kati wa nnafiki, maana bapendike yema na loba 'mumasinagogi na mulukona, linga panga babonekana na bandumkweli nenda kuakokiya bapokite thawabu yabe. ⁶ Lakini wenga, mana ulobie, kuyingii mu, chumba, ujigale nnyango, na ulobe kwa mwanja tate bako ywa abile musiri, Nga Tate bako ywaaibona siri alowa kupeya thawabu yako. ⁷ Na paaloba, kana ukeme kwaa marudio kati ya apanga amataifa, kwasababu bawasa panga balowa kwayowa kwa mwanza makowe gabe gana nchima. ⁸ Kwa eyo, kana mube kati bembe, mana Tate bako atangite ywagapala hata balo waloba kwake. ⁹ Kwa eyo, mulobe nyonyo, "Tate bitu waubile kumaunde, lina lyako litukuzwe. ¹⁴ Mana itei mwalowa kwasamiya kwa makosa gabe, Na Tate bako ywabile kumaunde apala kwasamee mwenga. ¹⁵ Lakini yaibile muwasamee kwaa makosa gabe, Tate binu awasamee kwaa makosa yinu na mwenga.

¹⁶ Zaidi ya yoti, mana autabike, kana ubonekane kuminyo kwati kekenaa kati anafiki mwabapaga, mana benda kekenala kuminyo yabe linga bababonikine ni bandu, panga batabike. Kweli niaalokiya, bayomwite pokya thawabu yabe. ¹⁷ Lakini wenga, mana utabike, upakile mauta mutwe wako na uuluwe kuminyo. ¹⁸ Nyoo watanganikwa kwaa na bandu panga utabike, ila Tate bako ywabile musiri, alowa kupeya thawabu yako.

¹⁹ Kana ubeke akiba mukilambo, mabongo ni kutu yalowa alabiya, na bai tekwana na jiba. ²⁰ Itunzie akiba yako mwene kumaunde, hakwo mabongo wala kutu ialabiya kwaa na mwii aweza kwaa tekwana no jiba. ²¹ Mana akiba yako paibile, na mwoyo bako nga walowa baa. ²² Liyo nga taa ya payega, kwa eyo, mana itei liyo lyako likoto, yega yoti walowa panga na bweya. ²³ Lakini mana liyo lyene libou, yega yako yoti, ipa twelya lubendo totoro. Kwa eyo, mana itei bweya waubile nkati yake lubendo hasa, lubendo lukolo kiasi gani! ²⁴ Ntopo hata yumo ywaweza kwatumikya ngwana abele, mana alowa kunchukiya yumo na umpenda ywenge, au alowa tama kwa yumo na kunzalau ywenge, mwaweza kwaa kuntumikya Nnongo ni mali. ²⁵ Kwa eyo nendakukokiya, kana mube ni masaka husi maisha gako, panga mwalwaa namani na mwawala namani. ²⁶ Lola iyuni ya kunani, bapanda kwaa, bauna kwaa, na kana bakusanye na nobeka muligulu, lakini Tate binu ywaabile kumaunde ubalisha. Namani mwenga mwa thamani kwaa kuliko iyuni? ²⁷ Nyai nkati yinu ywaisumbukiya ywa enda weza kwiyongeya miaka ya maisha gake? ²⁸ Mwanja namani mukonda mashaka husu mawalo? Muwase maloba ga mumigunda, mwaganawili. Gapanga kwaa lyengo ni gaweza kwiwalika. ²⁹ Bado niakokiya, hata Sulemani wakati wa utawala wake awalikwe kwa kati ga mulobe. ³⁰ Mana itei Nnongo amwalika manyei mu'ng'unda ni gatama kwaa miaka yananchima malao baika kagataikulya kumwoto, tubwe kwa kitiwi mwalowa kumwalika mwenga, mwenga mwabile na imani njene? ³¹ Tubwe kana bube na mashaka kamukoya, 'mwakolongwa tulolya namani?' Au "Twalowa nywaa kele?" au twalowa waa ngobo gani?" ³² Mana amataifa nembe bapala makowe aga, na Tate binu ywa kumaunde atangite panga mwenda gapala goo. ³³ Lakini wete mupale utawala wake na kweli wake na ago goti mwalowa peyelwa. ³⁴ Kwa eyo, kana ubeke shaka kwaajili ya malabo, mana malabo yaisumbukya yene. Kila lisoba lyalengani kwa litatizo lyake lyene.