¹ Yesu paakibweni kipenga sa bandu, atiboka ayei pakitumbi, paatami pae, banapunzi bake baichi kichake. ² Nga yowa nkano wake kapundisha, kakoya, ³ "Heri bababile akeba ba Roho maana utawala wa Nnongo wabe.

¹¹ Heri mwenga mwamutukanilwa ni bandu na kwatesa, au kubakokeya kila ubaya kachinu kwa ubocho kwa mwanja nenga. ¹² Mupulaike na luluta, maana thawabu yinu ni ngolo kunani kumaunde. Kwamwanja nga bandu gaba-apangite manabii bababile kabla yinu.

¹³ Mwenga mwa mwinyo wa dunia. Lakini mana mwinyo uaribike, olowa pangika kitiwi ubenanoga kwake kae? Iwezekana kwaa ubile na radha ili kujita panja na nolebata na magolo ga bandu. ¹⁴ Mwenga mwa mbwega wa dunia. Nnema wauchengilwe pakitombe wiyobeya kwaa. ¹⁵ Bandu bawasha kwaa taa na kwibeka pae ya kindanda, ila kunani, ni ywembe yenda kuwamulikya boti nkati ya nyumba. ¹⁶ Na mbwega winu umulike nnongi ya bandu linga bagabone matendo gananoga na kumsifu tate binu ywaabile kumaunde.

¹⁷ Kana muwase niichi kuibulaga saliya wala manabii, niichile kwaa kuiharabia ila kwitimiza. ¹⁸ Kwakweli nindakuwakoya nyoo mpaka maunde na dunia yate pita mtupo yodi wala nukuta jimo ya saliya yayalowa kuoma musaliya mpaka po kila kilebe kiyomwile timia. ¹⁹ Jwojwote ywatekwana amri njunu yimo nkati ya amri yee nikuwapudisha benge panga nyoo alowa kemelwa nchunu mu'utawala wa kumaunde. Lakini ywoywoti ywaikamwa ni kuipudisha alowa kemelwa nkolo mu'utawala wa kumaunde. ²⁰ Kwa maana nabakokiya ukweli winu mana mukotwike kwazidi baandishi ni mafarisayo, kwa vyovyoti mwabile mwajingya nkati ya ufalme wa kumaunde.

²¹ Muyowine yabakiyilye zamani panga, "mana ubulage" na ywoywoti ywa bulaga abi pae ya hukumu.' ²² Lakini nendakuwakokiya ywoywoti ywanchukiya nnongowe apalikwa ukumilwa. Na ywoywoti ywammakiya nnongowe panga, wenga wa mundu wangepwaika! Apangika kwa ballaza, Na ywoywoti ywabaya wenga wa nyinga apalikwa ni mwoto wa jehanamu. ²³ Eyo mana kopiya sadaka yako nnonge ya Nnongo na kankombokiya panga winakikowe nnongogo. ²⁴ Uwileke sadaka nnonge ya madhabahu, na ukamwe ndela yako. Ukapatane wete nnongo'wo, na boka po uiche kuitola sadaka yako. ²⁵ Upembele na mshitaki wako upesi, uneke mundela kamuyenda mahakamani, kinyime chake alowa kupeleka kwa hakimu na kukutaikulya muligereza. ²⁶ Muamini nendakuwamakiya, walowa lekelwa kwa mpaka ulepe senti ya mwisho yolongelwa.

²⁷ Muyowine yaiikokiywe panga, "Kana ube na malaya." ²⁸ Lakini neda kwakokeya ywoywoti ywa nnolekeya nnwawa kwa kutamaniya ayomwile gonja nakwe mwoyo wake. ²⁹ Na mana itei liyo lyako lya kummaliyo lyenda kuobeya, ulitolwe ulitaikwe kutalu na wenga. Kwasababu bora kiungo chimo cha payega yako kiobe kuliko yega yako yoti watakulikwe jehaamu. ³⁰ Na mana itei luboko lwako lwa kummaliyo lyenda kukosea, walukate na kulutaikwa kutalu na wenga. Mana bora kiungo chako chimo cha payega yako kiobe kuliko yega nzima taikulilwa jehanamu. ³¹ Itibakijilwa kae, jwalowa kuneka nnyumbowe ampei hati ya talaka' ³² Lakini nenda kunkokiya, ywoywoti jwa nneka nnyumbowe, ila kwa abari ya umalaya, ampanga mmalaya, ywoywoti ywa nkobeka baada ya peyelwa taraka enda zini.

³³ Kai muyowine batibakijilwa balo azamai, 'kana mulape kwa ubocho, umtumikiye Ngwana lapa kwako' ³⁴ Ila nenda kuwakokiya, kana mulape hata pasene, au kwa maunde, kwasababu kuezi ya Nnongo; ³⁵ Wala kwa dunia, maana ngabeka magolo gake, aokwa Yerusalem, maana ni nema mpwalume nkolo. ³⁶ Wala kana walape kwa ntwe wako, mana uweza kwa kulupanga lunywili limo panga luua u lupili. ³⁷ Ila makowe ginu gabe, "Kweli, kweli, kana, kana, 'mana ywa yongeya makowe gabuka kwa nchela.

³⁸ Muyowine ikokiywe panga, "Liyo kwa liyo, na lino kwa lino.' ³⁹ Lakini nenda kuwakokiya, kana mwasindane na nchochi, lakini mundu akukombile ligomo lya mmaliyo wangalambukiye na lenge. ⁴⁰ Na mundu ywa lowa kukushitaki na kuitola nganju yako, unneki ni likoti. ⁴¹ Na mundu ywa kulazimisha yenda maili jimo wayende nakwe ibele. ⁴² Ywa kuloba wampei, na ywapala kukopa kana untile.

⁴³ Muyowine panga ikokiywe, 'umpende jirani bako na umchukie adui bako.' ⁴⁴ Lakini nenga nendakuwakokiya, mwapende adui binu mwalobii mwisi, ⁴⁵ linga mupange mwabana batate binu bababile kumaunde, maana jwembe amulikya lisoba lyake abaya na bema, ulaenda niya kwa bandu boti bene haki ni bange haki. ⁴⁶ Mana mene mwapendi babapendile mwenga mupata thawabu gani? Hata bai! Na bembe bapanga kwaa nyoo? ⁴⁷ Kae mana mwapendi alongo binu bai, mupanga namani cha zaidi? Hata bandu bageaminiye bapanga kwaago? ⁴⁸ Bai mwenga mwalowa panga mwatakatifu, kati tate binu ba kumaunde mwababile atakatifu.