¹ Boka po Yesu ngapelekelwa na Roho mpaka kukitombe lenga apajilwe na nchela. ² Atipunga masoba arobaini mutwekati na kilo ngaibona njala. ³ Nchela atimwichilya nakunkokiya, "Mana itei wenga wa mwana wa Nnongo, ugalambuye maliwe aga gapange nkate."

⁴ Lakini Yesu gan'yangwa no kunkokiya, "Itiandikwa, 'Mundu kana atama kwa nkate kichake, ila kwa kila likowe lyapita munkano wa Nnongo.'"

⁵ Boka po nchela antinkuleka kunnema mtakatifu na kunbeka kunani muno ya kuliyengo lya hekalu, ⁶ na kunkoya, "Mana itei wenga wa mwana wa Nnongo, witomboye pae, maana itiandikwa, 'Alowa kwalazimisha malaika bake bakupoke,' ni 'kuku kakatuya kwa maboko gabe, linga wakana kobala lungolo lwako muliwe."

⁷ Yesu kaakoya, "Kae iandikilwe, kana un'ge Bwana Nnongo Wako."

⁸ Boka po nchela ngamputwike yendya mahali pa kunani muno ngamnaya utawala wote wa dunia na ikowe yake yoti. ⁹ Kakoya, "Nalowa kukupeya ilebe yoti yino mana kunkilikitia na kunnoba."

¹⁰ Boka po Yesu kankoya, "boka uyende wa nchela! Mana iandikilwe, 'Ipalikwa kumwabudu Ngwana Nnongo wako, ni umtumikie yembe kichake.'"

¹¹ Nchela atekunneka, nga linga, malaika ngaisa kunyangatia.

¹² Yesu nga yowine panga Yohana ateboyolwa, atiboka mpaka Galilaya. ¹³ Abokite Nazareti yenda na kutama Karperanaumu, yaibile papipi ni bahari ya Galilaya, mpakani mwa lijimbo lya Zabuloni ni Naftali. ¹⁴ Ayee yapiti lenga litimii chelo chalongei nabii Isaya, ¹⁵ Ku nnema wa Zabuloni ni nnema wa Naftali yendelya kubari, kwiye ya Yordani, Galilaya ya bamataifa! ¹⁷ Kooma muda woo Yesu atumbwi hubiri kakoya, "mutubu, mana utawala wa kunani uwegelile." ¹⁸ Abile katyanga mbwega ya bahari ya Galilaya, abweni apendo abele, Simoni ywa kemela Petro, na Andrea nkowe bake, kabatengwa mbelete yabe mubahari, mana babile wavuvi ba omba. ¹⁹ Yesu kaakoya, "Muiche munikengame, nilowa kuwapeya uvuvi wa bandu." ²⁰ Nga bailekite belele yabe na kumkengama. ²¹ Yesu abile kayendelya buka abweni bandu benge, Yakobo mwana wa Zebedayo, na Yohana nkowe. Babile mungalaba pamope na tate babe Zebedayo kaba sokota mbelele yabe, Nga akema, ²² Na mara jimo baileka ngalaba na tate babe na bembe kabankengama.

²³ Yesu ayei karibu na Galilaya yoti, kapundisha mumasinagogi gabe katangasa Injili ya utawala, nopon eya kila matamwe ga bandu. ²⁴ Habari yake yayowanike Siria yoti, na bandu kabaleta balo bote atamwe, bababile na matamwe goti na babaminya, bababile na moka, na bene kiundaundani baba lemile. Yesu kabaponiya. ²⁵ Kipenga sa bandu bati kunkengama kuoma Galilaya ni Dekapoli, ni Yerusalemu na Uyahudi na uma ng'ambo ya Yordani.