¹ Siku yeliyo aboi Yohana mbatizaji atiisa kuhubiri kupongoti ya Yuda kakoya, ² "Muyope samaha mana utawala wa Nnongo ubi karibu." ³ Maana ayoo nga mmaite manabii Isay kakoya, "Lilobe lyamundu buka kupongoti, mwibika tayari ndela ya Bwana, mwigoloye ndila yake.

⁴ Nambeambe Yohana aweti manyoya ga ngamia na nkanda wa likingo nkibuno chake chakulya chake chai mapai na busi wa mmwitu. ⁵ Boka po Yerusalemu, Yuda yote, na lieneo lyoti lya litindiyite libendo lya Yordani bayei kachake. ⁶ Bendeyenda batizilwa mulibende lya Yordani kuno kabatubu sambi yabe. ⁷ Ila paabweni mafarisayo ni Masadukayo banyansima kabankengama kwabe kupala batizwa, kabakokiya, "Mwenga mwa lukolo lya nng'ambo ywabile sumu nyai nyai ywakwelike mwitile gadhabu yaisa? ⁸ Mupambike matunda gagalendine ni toba. ⁹ Kana muwaze ni longela nkati yinu, 'Tubile ni Ibrahimu kati tate bitu.' Kwa kuwa nenda kuwakokiya Nnongo awesa kutondobekeya Ibrahimu bana kuoma mu'maliwe aga. ¹⁰ Libago tayari liyomwike bekelwa mu, mikega ya mikongo. Na nkongo wange pambika matunda wakatilwa na kutaikulya pa mwoto. ¹¹ Nendakumatisa kwa mase kwaajili ya toba, Lakini ywembe ywaicha nchogo yangu nenga na nchene ni nenga ngwesa kwaa hata kwipotwa ilatu yake, ywembe alowa kwabatiza kwa Roho Mtakatifu na kwa mwoto. ¹² Na kipukatio sake kibii muluboko lwake pwaya sana lubanja lyake na kumba ngano yake muligala. Lakini atinie makapi pa mwoto waimika kwaa.

¹³ Na Yesu atiisa boka Galilaya mpaka libende lya Yordani abatizwile na Yohana. ¹⁴ Lakini Yohana apalage kunkaniya kakoya, "Nenga nipalikwa nibatizilwe na wenga, na wenga wicha kachangu?" ¹⁵ Yesu atiyangwa na kumakiya, Uyeketi nyonyo saa yeno yeno, kwa sababu ipalikwa timiza haki yoti." Na Yohana atiyeketya. ¹⁶ Baada yabatizilya, mara Yesu apitike mumase, linga, kunani kwatiyogoka kayaken na amweni Roho wa Nnongo kauluka kwa mfano wa nngunda atamii pantwe wake. ¹⁷ Lola, lilobe lyatiyowanika kunani kumaunde na kukoya, "Ayo nga mwana wango jwanimpendike muno."