¹ Yesu akemite anapunzi bake komi na ibele pamope na kwapeya ngupu kunani ya nsela achapu, kwabendya na kwabenga kila aina ya malasi goti na matamwe. ² Maina ga mitume komi na ibele nga aga. Lya kwanza Simeoni (ywakemelwa Petro), na Andrea kaka bake, Yakobo mwana wa Zebedayo, na Yohana kaka bake: ³ Philipo, na Bartelemayo, Thomaso, na Mathayo, ntoza kodi, Yakobo mwana ba Alfayo, na Tadeo, ⁴ Simoni mkananayo, na Yuda Iskariote, ywa ansalitiye.

⁵ Haba komi na ibele Yesu atikubatuma. Na ywembe atibaelekeza kabaya, "Kana muyende seemu yabatama amataifa ni kana muyjingii mumji wa asamalia. ⁶ Badala yake, mwayendeli kwa ngondolo babaobite ba nyumba ya Israel. ⁷ Na mana kamuyenda, muhubiri na kubaya, upwalume wa Nnongo waisa.' ⁸ Mwaponye atamwe, mwayoye babawile, mwaponeye bene ukoma na kugabenga nsela. Mupeyilwe bure, mwapeye bure. ⁹ Kana mtole dhahabu, almasi, ao shaba mu'pochi yinu. ¹⁰ Kana mwaputwe mpuko nkati ya safari yinu, ao ngobo ya ngalabwa, ilatu au fimbo, kwa sababu mpanga kazi apalikwa alepelwe. ¹¹ Mji wowoti ao ijijicha mujingii, mumpale ywa aminike mtame palo kachake pamwapala buka. ¹² Na nyumba yamwalowa jingya mwailobi, ¹³ Mana itei nyumba yastahili, amani yinu ibaki palyo, lakini kati nyumba istahili kwaa, amani yinu imuyangani na mwenga mwabuka. ¹⁴ Na kwa balo babakotoka kumpokya mwenga na kulipekaniya kwa likowe lino, mana kamubuka munyumba au pamji woo, muikung'unde hata vumbi ya kulwayo yinu. ¹⁵ Kweli nenda kuakokeya, bora mwabapumiliye bandu ba Sodoma na Gomora lisoba lya ukumilwa kuliko nnema woo.

¹⁶ Linga niatuma kati ngondolo nkati ya mabwa mwitu, nga eyo mube mwamutangite na mwapolw kati ngambo, namube apole kati ngunda. ¹⁷ Mube aangalifu na bandu, balowa kushitakya na balowa kumkombwa mu'masinagogi. ¹⁸ Na mwalowa potwa nnonge ya akolo na afalme kwaajili yango, kati ashuhuda kwabe na mataifa. ¹⁹ Pabalowa kunshutumu, kana mube na mashaka kinamani chabakokeya, kwa kuwa kilebe sa longela mwalowa pewa wakati woo. ²⁰ Kwa kuwa mwenga kwaa mwawalowa koya, ila Roho ba Tate binu ywabile longela nkati yinu. ²¹ Alongo balowa bulangana, tate na mwana wake. Bana balowa inuka kunani ya azazi bao, na kwabulaga. ²² Na mwenga mwalowa chukilwa na kila mundu kwamwanja ya lina lyango. Lakini ywoywoti ywalowa pumuliya mpaka mwisho mundu ywo alowa okoka. ²³ Pabalowa kuntesa pamuji goo mwatili wenge, kweli nenda kuakokeya, mwaiyomwa kwa milema ya Israel bila mwana wa Adamu buya.

²⁴ Ilengani kwaa mwanapunzi kana abe nkolo kuliko mwalimu wake, wala mmanda ywabile kunani ya Ngwana wake. ²⁵ Mana itei bankemite Ngwana wa nyumba Belzabuli, mwenga si muno balowa kuwageya na nyumba yake! ²⁶ Nga nyo bai kana muyogope, mana ntopo chachakotoka ba chapala, na ntopo chabaijile sasakotoka bonekana. ²⁷ Chalo chaniakokeya mulubendo, mukibaye pabweya, na chalo chamukiyowa mbolembole mmasikio yinu, mwakitanga kunani ya nyumba. ²⁸ Kana muyogope balo bababulaga yega lakini baweza kwa bulaga roho. Ila, mwayogope yolo ywaweza bulaga yega na roho kwipeleka kuzimu. ²⁹ Je kasuku abele bapemeya kwa senti njene? Hata nyoo ntopo ywaweza tomboka pae bila Tate binu kufahamu. ³⁰ Lakini ata nywili yimo ibalangilwe. ³¹ Kana mube na mashaka, mana mube na thamani kuliko kasuku bananchima. ³² Kwa eyo, kila mundu ywalowa kuniyeketya nnonge ya bandu, na nee nalowa kun'yetya nnonge ya Tate bango ywabile kumaunde. ³³ Na ywangana nnonge ya bandu, na nee nalowa kunkana nnonge ya Tate bango ywabile kumaunde.

³⁴ Kana muwase panga niletike amani mukilambo, ila lipanga. ³⁵ Maana niisi kumpanga mundu bayumanie ni akina tate bake, na mwenye na mao bake, na mkamwana na mao bake nchengowe. ³⁶ Na adui ywa mundu ywa nyumba yake. ³⁷ Na ywalowa kuwapenda mao na tate muno kuliko nenga abwaika kwaa na ywapenda mwana wake nnalome au mwana wake nnwawa ne aywo abwaka kwaa. ³⁸ Ywembe ywa kotoka putwa msalaba wake na kunikengama abwaika kwaa. Ywa lowapala maisha agaopeya. ³⁹ Lakini ywalowa abeya maisha kwaajili yango alowa kugapata.

⁴⁰ Ywalowa kunikaribisha mwenga anikaribisha nenga, na ywanikaribisha nenga akaribisha jwembe ywaniletike nenga. ⁴¹ Na ywembe ywalowa kunkaribisha nabii kwa mwanja nabii alowa pokya sawabu ya nabii. Na ywoywoti ywankaribisha mwene haki kwa mwanja mwene haki alowa pata sawabu ya mundu wa haki. ⁴² Ywoyoti ywalowa kumpeya kati bana baa, angalau kikombe cha mache go nywaa maimu, kwa mwanja anapunzi bango, kweli nenda kuwamakiya, ywembe aweza kwa kosa kwandela yoyoti sawabu yake."