¹ Pabaikite kindae, akolo bote ba Makuhani ni apindo ba bandu babile na njama kwaajili ya Yesu linga bamulage. ² Batikuntaba, batikunongoya, na kumwikiya kwa liwali Pirato.

³ Boka po wakati Yuda, ywabile atikunsaliti, amweni panga Yesu bayomwile kumwukumu, atijuta no kelebuya ipande thelathini ya mbanje kwa akolo ba makuhani na apindo, ⁴ no baya, "Nipangite sambi kwa kwisaliti myai yange makosa." Ngaban'yangwa, "Twena ituhusu namani? Ugalinge ago wa mwene." ⁵ Boka po kaitakulya pae yelo ipande thelathini ya mbanje muhekalu, kabuka kachake kwikongela mwene. ⁶ Nkolo wa Makuhani atikuitola yelo ipande thelathini ya mbanje no baya, "Halali kwaa kwibeka mbanje yeno mu'hazina, mana yabile garama ya mwai." ⁷ Batishaulina kwa pamope batikwitola yelo ipande thelathini ya mbanje batumi kupema mgunda wosikiya ageni. ⁸ Kwasababu yelo mgunda woo walowa kemelwa, "Mgunda wa mwai" mpaka leno. ⁹ Linga lelo likowe lyaalongei nabii Yeremia latimii, kabaya, "Batwelile ipande thelathini ya mbanje, garama yaipangilwe na bandu ba Israel kwaajili yake, ¹⁰ Na baatumi kwa mgunda wa mfinyanzi, kati Ngwana mwaanibakiye."

¹¹ Nga Yesu ban'yemike nnonge ya liwali, na liwali atikunaluya, "Wenga wa mpwalume wa Ayahudi?" Yesu kayangwa, "Wenga wabaya nyoo."

¹² Lakini pabansitaki akolo ba Makuhanini apindo, ayangwi kwaa kilebe chochote. ¹³ Boka po Pilato kammakiya, "Uyowine kwaa masitaka goti kunani yako? ¹⁴ Lakini anyangwi kwaa hata likowe limo, liwali atisangala muno. ¹⁵ Yabile mu'sikukuu kati yabile desturi ya liwali kunyogolya mtabilwe yumo ywabachalwa no kipenga sa bandu. ¹⁶ Muda woo abile mtabilwa sugu lina lyake Baraba. ¹⁷ Tubwe pabakwembine pamope, Pilato atikwalaluya, Nyai ywamupala ninyogoli kwa hiyali yinu?" Baraba au Yesu ywaikema Kristo. ¹⁸ Kwa mana atangite panga bammoywe kwa kunchukya.

¹⁹ Patami pakitego chake cha hukumu, nyumbowe atumite neno kabaya, "Kana upange likowe lyolyote kwa mundu ywange hatia. Mana nititeseka muno mundoto ya leno kwa mwanja ywembe."

²⁰ Tumbwe akolo ba Makuhani na apindo, batikwakingindwa bandu bannobe Baraba, na Yesu bamulage. ²¹ Liwali atikwalaluya, "Kati ya haba abele ywako nin'yogolii?" Ngababaya, "Baraba."

²² Pilato kaabakiya nipange kele kwa Yesu ywakemelwa Kristo?" Bote kabanyangwa, "Anyongelwe."

²³ Na ywembe kabaya, "mwanja namani, kosa gani lyaapangite?" Ngabatondobiye lilobe kabakemelya, "Anyongolwe."

²⁴ Kwa eyo wakati Pilato paibweni aweza kwaa panga kikowe chochote, ila furugu yende tumba, atweti mache auluwi maboko gake noge yabe, no baya, "Nenga ntopo atiya kwa mundu yoo ywange likosa. Mugalinge gaa mwabene."

²⁵ Bandu bote kababaya, "Mwai yake ibe kun ani yitu na bana bitu." ²⁶ Boka po anyogoli Baraba kasabe, lakini akombwi na mjeredi Yesu atikwapeya kwabe bayende kusulubilwa.

²⁷ Na askari ba liwali kabantola Yesu mpaka Praitorio na likundi lya maaskari bote batikusanyika. ²⁸ Kabamwulike ngobo yake na kungwalika likanju lya rangi ngele. ²⁹ Boka po ngabatengeneza lukamba lyene mimimwa na kulibeka nnani ya ntwe wake, na kubonikiya nai muluboko lyake lwa kumalyo. Bapigite magoti nnongi yake kaban'geya, kababaya, "Twenda kusalimu, Mpwalumea Ayahudi?" ³⁰ Ngaba muniya mata, ngatola nainkabankombwa mutwe. ³¹ Muda kabayendelya kunkebei gaba mwula ngobo yake, nganongoya yenda kukongela.

³² Pabapitike panja, bamweni mundu yumo boka Krene lina lyake Simeoni, batikunlasimisha alongwane nabo lenga atweti nsalaba wake. ³³ Pabaikite pandu papakemelwage Goligotha, mana yake, "semu yalipakala lya ntwe." ³⁴ Kabampei siki yayengabanike ni nongo aywe. Lakini paipayite nywele kwaa. ³⁵ Muda kabansulubisha, bangine ngobo yake kwa kwipigya kura. ³⁶ Na batitama ni kunnola. ³⁷ Nnani ya ntwe wake paandikilwe gastakilwe kangasomeka, "Ayo nga Yesu, mpwalume Ayahudi." ³⁸ Anyang'anyi abele batikwakongela pamope na ywembe, yumo upande wa kumalyo na ywembe wa kunkeya. ³⁹ Balo bababile kabapeta palobende kaban'geya, kabatikisa mitwe gabe, ⁴⁰ no baya, "Wenga wa upalange kulibomwana hekalu na kulichenga kwa masoba gatatu, "Wilopwe wa mwene! Mana itei wa mwana wa Nnongo, uuluke pae uboke mu'nsalaba!"

⁴¹ Kati ya hali yeyelo akolo ba makuhani babile bakin'geya, pamope na baandishi na apindo, no baya, ⁴² Aokowile banansima, lakini aweza kwaa kwilopwa mwene. Jwembe mpwalume Ayahudi. Aulwike pae boka munsalaba, nga twamwamini. ⁴³ Atikuntumaini Nnongo, leka Nnongo anopwe nambi yambe mana kapala, kwa mwanja atibaya Nenga na mwana wa Nnongo." ⁴⁴ Na balo anyang'anyi babauyongilwe pamope na ywembe balongei makowe gakun'geya.

⁴⁵ Buka saa sita kwabi na lubendo nnema wote mpaka saa tisa. ⁴⁶ Payaiikite saa tisa, Yesu kalela kwa lilobe likolo, "Eloi, Eloi, lama thabakithan?" mana yake Nnongo wango, Nnongo wango, mbona wenda nileka?"

⁴⁷ Wakati woo baadhi yabe babile bayemi palo kababekaniya, kababaya, "Ankema Eliya."

⁴⁸ Mara jimo yumo ywabe atibutuka yotola sifongo kwitweleya kinyo kikale, ngabaibeka nnani ya nkongo na kumpeya anywe. ⁴⁹ Nababaigalile kabakiya, "Muneke kichake, lulole panga Eliya apala isa kunopwa." ⁵⁰ Boka po Yesu atilela kae kwalilobe likolo na awile.

⁵¹ Linga, pazia lya hekalu ngalipapwanike ipande ibele boka kunani mpaka pae. Na nnema watilendema na miamba yatipapwanika ipande. ⁵² Makaburi ngayongoka, na yega ya atakatifu banansima babagonjike kabayoka buka mu kiwo. ⁵³ Batipita mumakaburi baada ya kuyoka kwabe, kabayingii mu mji mpeletau, batibonekana na bandu banyansima. ⁵⁴ Bai yolo akida ni balo bababile kabannola Yesu babweni lilendemo na makowe goti yapangike palo, batiyogopa muno no baya, "Kweli ayo abile mwana wa Nnongo.' ⁵⁵ Alwawa banansima babankengime Yesu boka Galilaya linga kumudumia babile palo kabanlolekeya boka kutalu. ⁵⁶ Nkati yabe abile Mariamu magdarena, Mariamu mao bake Yakobo na Joseph, na mao bake Zebedayo.

⁵⁷ Paikite kitamunyo, aichi mundu tajiri boka Arimathayo, lina lyake Yusufu, nembe kae ywabile mwanapunzi wa Yesu. ⁵⁸ Anyendeli Pilato kunnoba bwega wa Yesu, Pilato atilagya apeyelwe. ⁵⁹ Yusufu apeyilwe bwega ni aubilingile na ngobo ya sufi inoyite, ⁶⁰ Ayei kusika mulikaburi lya yambe lyake atikulichonga muliwe. Ngaimbiliya liwe likolo ngaliwekelya pannyango wa likaburi kaboka kachake. ⁶¹ Mariamu magdarena na Mariamu yolo ywenge babile palo, watitama kabalolekeya kulo kulikaburi.

⁶² Lisoba lyenge lyabile lya maandalio, akolo ba makuhani na Mafarisayo batikwembana pamope kwa Pilato. ⁶³ Kabammakiya, "Ngwana, tukombokile panga wakati yolo mmocho abile nkoti, atibaya, 'Baada ya masoba ga tatu alowa yoka kae,' ⁶⁴ Kwa eyo ulangi panga likaburi bakalilende libesalama mpaka masoba gatatu, Yalowa wezekana, wanapunzi bake baweza kun'yiba no baya kwa bandu, atiyoka boka mu kiwo! No ubocho wa mwisho walowa mbaya kuliko wa kwanza.

⁶⁵ Pilato kaayangwa, "Mutole alinzi. Muyende mkapange kati mwa muweza. ⁶⁶ Ngabatiyenda no kulipanga likaburi panga salama liwe balikombwi muhuri na kubeka alinzi.