¹ Nga upwalume wa kumaunde ulandine na aija komi babapotwi taa yabe no boka yenda kupokya ngwana arusi. ² Atano nkati yane babile apumbafu na atano benge babi bene lunda. ³ Balo ainja apumbafu bapotwi taa yabe, bapotwi kwaa mauta. ⁴ Ilabalo batano belevu bapotwi taa na mauta. ⁵ Tubwe wakati ngwana arusi pacheliye icha, bote lwatweti lungono no gonjanga. ⁶ Lakini kilo cha kungoko kwabi na ndoti, linga, ngwana arusi, mupangite panja mukampoki.'

⁷ Nga abo bainja bote bayumwike no washa taa yabe. ⁸ Balo apumbafu baabakiye balo bene lunda, Mutupongoli mauta ginu mwanja taa yitu yenda imika.'

⁹ Lakini balo bene lunda batikwayangwa na kwabakiya, 'Ngatulengani twa bene ilabu yende dukani mukapeme kiasi kwaajili yinu. ¹⁰ Wakati kabayenda pema, ngwana arusi kaicha, na bote babile tayari bayei nakwe muukumbi wa sherehe ya arusi, na nianga watiyigalwa.

¹¹ Baadae balo ainja wenge pia kababuyangana na kababaya, 'Ngwana, ngwana, utuyogoli.'

¹² Lakini atikwayangwa na kuwabakiya, 'kweli nenda kwamakiya, nenga niatangite kwaa mwenga.' ¹³ Kwa eyo mulinge, mana mutangite kwaa lisoba au saa.

¹⁴ Kwa kuwa kati mundu ywa yei nema wa kutalu. Akemite atumwa bake na kwapeya utajiri wake. ¹⁵ Yumo wabe ampei talanta tano, ywenge ampei talanta ibele, na yolo ywenge ampei talanta yimo. Kla mundu apeyilwe lengana na uwezo wake, na yolo tajiri atiboka mwanja wake. ¹⁶ Mapema yolo apeyilwe talanta tano ayei kwizungusha, no kwizalisha talanta yenge tano. ¹⁷ Nyonyonyo yolo apeyilwe talanta ibele, atizalisha zenge ibele. ¹⁸ Lakini yolo mmanda apeyilwe talanta yimo, ayei kachake, ayei kwiebya lembwa na kwikulya ela ya ngwana wake. ¹⁹ Na baada ya masoba peta, ngwana wa amanda abo atibuya nabalanga hesabu nabo. ²⁰ Yolo mmanda ywapeyilwe talanta tano kaisa na kumpeya talanta zenge tano, kabaya, 'Ngwana, unipeile talanta tano. Linga, nipatike faida yenge tano.'

²¹ Ngwana wake atikummakiya, 'Sapi sana, wa mmanda wananoga na uaminike! Ubile na uaminifu kwa ilebe njene. Nilowa kukupeya utawala kwa ilebe yanansima. Ujingii mupuraha ya Ngwana wako.'

²² Mmanda ywa apoki talanta ibele kaisa na kubaya, 'Ngwana, unipeyile talanta ibele, linga nipatike faida ya talanta zenge ibele.

²³ Ngwana wake kammakiya, 'Hongera, mmanda unoyite na mwaminifu! Ubile mwaminifu kwa ilebe njene. Nipala kukupeya madaraka kunani ya ilebe yote. Jingya mupuraha ya ngwana wako.'

²⁴ Baadae yolo mmanda ywapoki talanta yimo nembe kaisa no baya, 'Ngwana, nikutangite panga wenga wa mundu wa nkale, uuna pange panda. ²⁵ Nenga natiyogopa, natiyenda kasango no iya talanta yako pae. Linga, ubile nayo pano yelo yaibile yako.'

²⁶ Lakini ngwana wake kayangwa no baya, 'wenga, wa mmanda muou ni nzembe, watangite panga niuna pandu panikotwike panda no una pange lema. ²⁷ Bola ngabeka talanta yango kwa bandu ba benki, na wakati wa kubuya kwango mbaitepokya talanta yango pamope na faida. ²⁸ Tubwe mumpokonye ayo talanta na mumpei yolo mundu ywabile na talanta komi. ²⁹ Kila mundu ywabile nacho, alowa yongelekwa hata kwotweleya muno. Lakini ywange ba nacho alowa pokonyolwa. ³⁰ Muntaikwe panja palubendo aywo mtumwa ywange faika, nakwo kwabana kilelo no sagamino.

³¹ Wakati mwana wa Adamu paisa mu'utukufu wake na malaika bote pamope na bembe, ngatama pakitengo chake cha utukufu. ³² Mataifa gote balowa kusanyilwa nnonge yake, najwembe alowa kwabawa bandu, kati mchungaji mwabawa mbwii na ngondolo. ³³ Alowa kwabeka ngondolo luboko lwake lwakumalyo, ila mwii alowa kwabeka luboko lwa kukeya. ³⁴ Alapu mpwalume alowa kwabakiya balo bababile luboko lwake lwakumalyo, 'Mwise, mwamubakilwe na Tate bangu ba kumaunde. ³⁵ Kwa mwanja nabile na njala mwanipei chakulya, nabi na ng'eni mwatikunkaribisha; ³⁶ Nabi na bula na mwambei ngobo; nabile nangonjwa mwatinitunza. Nabile natabilwe na munilekite.'

³⁷ Nga bene haki kabannyangwa na kummakiya, 'Ngwana, lisomangani lyatubweni wi njala, na kukupeya chakulya? Au ubi na nyota tukupei mase? ³⁸ Na lisoba ngani tukubweni wiwang'eni, na twatikukaribisha? Au ubi na bula tukupei ngobo? ³⁹ Na lisoba gani twakubweni watamwe, au utabilwe, twaisi kukulola.

⁴⁰ Na mpwalume alowa kwayangwa na kwabakiya, 'Kweli nenda kuamakiya, cha mupangite pano kwa yumo wa nongo bango achunu, mwanipangii nenga.' ⁴¹ Nga alowa kwabakiya balo bababile luboko lwake lwakunkeya, 'Mubokange kachango, mwamulanilwe, muyende kumwoto wange yomoka wautayarishwe kwaajili ya nchela na malaika bake. ⁴² Kwa mwanja nabi na njala mwambei kwa chakulya; nabi na nyota mwabei kwa mache gonywa. ⁴³ Nabi na ng'eni mwangalibishwe kwaa; nabi na bula mwambei kwaa ngobo, nabi naatamwe na natitabilwa, lakini mwaisi kwa kunilola!

⁴⁴ Nga nabo nembe balowa kun'yangwa na kumakiya, 'Ngwana lisoba gani tukubweni ubile na njala au ubile na nyota au wang'eni, au ubile bula au ubi waatamwe, au utabilwe, na tukuhudumiye kwaa?

⁴⁵ Mwisho alowa kwayangwa na kwabakiya, kweli nenda kumakiya, chelo chamukotwike kwapangya jumo ywa balo bana, mwambaki kwa nenga. ⁴⁶ Aba balowa yenda katika adhabu yangeyomoka ila bene haki katika uzima wange yomoka.