¹ Kwa maana utawala wa kumaunde ufanine na ywautawala ng'unda, ywayumwika kindae na mapema linga apeleke ibarua kung'unda wake wa mizabibu. ² Baada ya yoyeketyana nabo dinari jimo kwa kuwa, abayite bayende kung'unda wake wa mizabibu. ³ Ayuin kae baada ya masaa gatatu na abweni apanga kazi benge bayemi bila kazi karibu na soko. ⁴ Ngabakiya na mwenga muyende kung'unda wango wa mizabibu na chochoti chakibi alali nalowa kunepa. "Nga nyo bayei panga kazi." ⁵ Ayei kae baada ya masaa sita, na kae katika masaa tisa, apangite nyonyonyo. ⁶ Mara yenge kai majira ya saa komi ni jimo atiyenda na kwakokeya bandu benge bayemi bila kazi ya Atikwabakiya, "Mwanja namani muyei paa bila panga kazi lisoba lizima?

⁷ Kabankokeya, kwa sababu ntopo mundu ywoywoti ywatuajiri. Akabakokeya, "mwenga kae muyende katika ng'unda wa mizabibu.' ⁸ Kitamunyo, mwenye ng'unda wa mizabibu asimamizi bake, wakeme apanga kazi walepe mishahara utubwa wa mwisho mpaka wa kwanza.

⁹ Pabaisi babayei saa komi na jimo, kila mundu apeyilwe dinari. ¹⁰ Pabaisi apanga kazi ba kwanza bawasage balowapala yanansima lakini bapoki kila mundu dinari jimo. ¹¹ Baada ya pokya kila mundu malepo gake, batikunlalamikya mwene ng'unda. ¹² Kababaya 'haba apanga kazi bamwisho batumi lisaa limo bai yabapangite kazi, lakini walupitae Katitwe twenga tupotwi mizigo nzma na lumia na liumu.

¹³ Lakini mwene ng'unda kayangwa nikummakiya yumo nkati yabe,' Wa bwiga wango, mbangite kwaa likowelibaya. Je! Tuyeketyanikwe kwaa na nenga panga dinari yimo? ¹⁴ Upoki chelo chakibile halali yako ni uyende kachako. Puraha yango kwa apeya aba anapunzi babayei mwisho sawasawa ni wenga. ¹⁵ Je kana ibi haki kwango panga chelo chanikipala na mali yango? Au liyo lyako lilau kwa mwanza nenga na mwema? ¹⁶ Nga nyo wa mwisho aba wa kwanza ni wa kwanza abi wa mwisho."

¹⁷ Yesu pabile kaboka kuyenda Yerusalemu apotwi na anapunzi bake komi na ibele pambwega, na mundela kabakokeya, ¹⁸ "Linga tuyenda Yerusalemu, na mwana wa Adamu alowa abilwa mmoko ga akolo ba makuhani na baandishi. Balowa kumwukumu kiwo. ¹⁹ Na balowa kumpiya kwa bandu ba mataifa ili kun'geya, kunkombwa na kunikongeara. Lakini baada ya masoba gatatu alowa yoka."

²⁰ Na mao bake Zebedayo aichi kwa Yesu na bana bake. Atikilitika nnonge yake na kunnoba kilebe boka kichake. ²¹ Yesu kaankokeya, "Upala namani?" kaamakiya "Ulazimishe panga aba bana bango abele batame, yumo atame liboko lya kummalyo ni ywenge luboko lwako lwa kukeya mu'utawala wako.'

²² Lakini Yesu kayangwa ni kubaya, "Ulangite kwaa chaukiloba. Je wenda weza kukinywelya kikombe saniweza nywelya nenga?" Ngababaya, "Twenda weza."

²³ Kabaakokeya, kikombe chango hakika mwalowa kukinywelya. Ila tama luboko lwangu lwa kumalyo na tama luboko lwango lwa kukeya kazi yangu nenga kwaa, ila balo babayomwile changulilwa na Tate bango." ²⁴ Anapunzi benge komi pabayowine ago, bati chukya muno kwa bana balo abele. ²⁵ Lakini Yesu atikuwakema bene nakwabakiya "Mutangite panga atawala ba mataifa kwa kwalazimisha, na apendo babe kwitimiza mamlaka kunani yabe. ²⁶ Lakini kana ipange nyoo kachinu. Badala yake, ywoywote ywapala panga mpindo pa nkati jinu lazima abe mtumishi winu. ²⁷ Ni ywalowa panga ywa kwanza kati yinu lazima abe mtumishi winu. ²⁸ Kati mwabi Mwana wa Adamu aichi kwaa kutumikilwa, ila tumika na kupiya mwomi wake panga ukombozi kwa bingi."

²⁹ Wakati kaba buka Yeriko, kipenga kikolo sa bandu chatikuwakengama. ³⁰ Bababweni ipofu abele batami bwega ya ndela. Pababweni Yesu endapita, batikemelya no baya, "Ngwana, Mwana wa Daudi, utuponeye." ³¹ Lakini kipenga satikwabendya, na kwabakiya mukotoke, hata nyo, batikemelya lilobe likolo no baya, "Ngwana, Mwana wa Daudi, utuponeye."

³² Mwisho Yesu atiyema atikwakema na kwalalaya, "Mupala niatende namani?"

³³ Kabankokeya, "Ngwana tupala tubone." ³⁴ Bai Yesu, kaumiya mwoyo wa huruma, kagakunywa minyo gabe, sa yoyo, kabalolekeya kabankengama.