¹ Yapiti wakati Yesu payomwi makowe go, ayei Galilaya na ayei kupaka wa Yudea nnonge ya libende lya Jordani. ² Kipenga kikolo chatimkengama, na atikwaponiya kwo.

³ Mafarisayo gabauyendelya, kabampaya, kabammakiya, "Je halali mundu kunneka nyumbowe kwa sababu yoyoti?

⁴ Yesu kayangwa na kwaabakiya, "Musomite kwaa, panga ywembe ywaumbite hapo pakwanza aumbite nnalome na nwawa? ⁵ Na kae kabaya, 'Kwasababu ya nnalome alowa kunneka Tate bake na mao bake no longela na nyumbowe, na abele balowa ba mundu yumo?' ⁶ Kwahi abele kwaa kae, Ba chalumbine Nnongo, mundu yoyoti kana atenganishe."

⁷ Ngabamakiya, "Tubwe mwanza mani Musa atubakiye tupiye hati ya talaka na kunneka?"

⁸ Ngabakiya, kwa sababu ya nonopa kwinu kwa mwoyo Musa atikuarusu kwaleka akina yumbo binu, lakini boka zamani yabinyo kwa. ⁹ Nenda kumakiya, jwalowa kunneka nyumbowe, ila kwa mwanza amalaya na katola ywenge, enda zini. Nalome ywalowa kutola nwawa ywalekilwe endazini."

¹⁰ Wanapunzi kabammakiya Yesu, "manaibile nyoo kwanalome na nyumbowe, bora kutoka tolakwe."

¹¹ Lakini Yesu kaabakiya, "Mundu kwaa ywaweza tama kichake, ila kwa balo babapeyilwe. ¹² Kwasababu babile benembende bababelekwile buka kwa mao bake. Na kae kwi na bene mbende babaipangite kwa sababu ya utawala wa kumaunde ywaweza pokwa mapundisho ga na agapoki."

¹³ Alafu baneti baadhi ya bana achene linga abeki maboko kunani yabe na kwalolya, lakini wanapunzi bake bende kwakerebuya. ¹⁴ Ila Yesu atikwabakiya, "Mwaleke bana achene, wala kana mwakanikiye icha kachango, kwamana utawala wa kumaunde na wa bandu kati baa. ¹⁵ Na ywembe nga abekya maboko gake kunani yabe, na mwisho ngaboka palo.

¹⁶ Linga mundu yumo kaisa kwa Yesu na kumakiya, mwalimu kikowe gani kinanoga champalikwa panga linga nipate jingya kukoto wa wange yomoka?

¹⁷ Yesu ngamakiya, mwanja namani unilaluya kila begani kinanoga? Kwi na yumo bai ywabile mwema lakini mana upendi kupata ukoto, mwikamwe saliya ya Nnongo."

¹⁸ Yolo mundu nganaluya, saliya yako? Yesu ngabaya, kana usalau, kana wabe malaya, kana wabe mwii, kana walongela ubocho. ¹⁹ Uwaeshimu Tate bako na mao bako, na upende jilani wako kati mwawipendi wa mwene."

²⁰ Mundu yolo ngammakiya, 'Makowe goti nigakamwile. Bado nipalikwa kinamani?

²¹ Yesu ngamakiya, mana kupala ube wa mkamilifu, yenda, ukapemeye yobile nayo, nawapei maskini, na walowa baa na akiba ya kumaunde. Alafu wiche unikengame." ²² Lakini kijana yolo payowe galo gamakiye, atiboka kwo uzunika, kwa mwanja abi na mali yanansima.

²³ Kae nenda kaamakiya anapunzi bake, "Kweli nenda kuamakiya, ngumu kwa mundu tajiri jingya, mu'utawala wa kumaunde. ²⁴ Kae nenda kuamakiya, rahisi ngamiya petta palembwa lya sindano kuliko tajiri jingya mu utawala wa Nnongo."

²⁵ Wanapunzi pabayowine ago, batisangala muno no baya, "Nyai le ywapala okoka?"

²⁶ Yesu atikwalinga no baya, kwa alyo liwezekanika kwaa, lakini kwa Nnongo goti gendawezekana."

²⁷ Petro nganyangwana kumakiya, linga twilei yoti na kukukengama wenga, kilebe gani chatulowa kukipata?"

²⁸ Yesu kayangwa, "Kweli nenda kuwamakiyanga, ywembe ywanikengama nenga, mubelei wayambe wakati mwana wa Adamu palowa tama pakitengo cha utawala cha utukufu wake, na mwenga mwabembe mwalowa tama paitengo kumi na ibele ya enzi, kwahukumu makabila komi na ibele ya Israeli. ²⁹ Kila mundu yumo ywailei nyumba, kaka, mnombowe Tate bake mao bake, bana na mingunda kwa ajili ya lina lyango, alowa wapokiya mara mia na kurithi ukoto wangeyomoka. ³⁰ Lakini baingi bababile bakwanza balowa bamwisho, na bababile bamwisho baba ba kwanza.