¹ Muda woo anapunzi bake batiicha kwa Yesu na kummakiya, "Nyai ywabile nkolo mu'utawala wa kumaunde?"

² Yesu kaankema mwana nchunu kammeka nkati yabe, ³ No baya, "Kweli nenda kuamakiya, mana mukotwike tubu no panga kati mwabana alele muweza kwaa jingya mu utawala wa Nnongo. ⁴ Kwa eyo woywote ywalowa kuuluya kati mwana mnele, mundu kati ywo nga nkolo mu'utawala wa kumaunde. ⁵ Na mundu ywoywoti ywalowa kumpokya mwana mnele kwa lina lyango anipokya nenga. ⁶ Lakini ywoywoti ywasababisha jumo kati ya alele aba babaniaminiya asi, yalowa panga bora kwa mundu ywp liwe likolo lyo sangya likatabilwa paingo yake na, tumbukilwa mu'bahari.

⁷ Ole kwa dunia kwamwanjaa kunumiya! Kwa mana ntopo namna kwa wakati woicha, lakini ole kachake kwa mundu yolo wakati woo yaicha kwaajili yake! ⁸ Kati luboko lwako lutikusababisha kukwazika, ukate na utaikwe kutalu na wenga bora kachako yega muzima ubile ntopo luboko au kilema, kuliko taikulikwa mumwoto wa machoba gangunganikwa ubile na maboko goti na magolo goti. ⁹ Liyo lyako mana likukoseyite, ulitupwe na ulitaikwe kutalu na wenga. Bora kachako wenga ujingii mu uzima na liyo limo, kuliko taikuliwa kumwoto wa masoba yangeyomoka ubile ni minyo yoti. ¹⁰ Linga panga kana mwazarau jumo ywa achene baa kwa mana nenda kuwamakiya panga kumaunde kwii na malaika bembe masoba goti, kaba ulolekeya kuminyo kwa Tate bango ywabile kumaunde. ¹¹ [Mugakamwe: Makowe gagabonekana kati ga mistari ya 11, "Kwa mwanja mwana wa Adamu atiicha lopwa chelo chachaobite." Ngabonekine kwa manakala bora ya zamani] ¹² Muwaza namani? Mana itei mundu abi na ngondolo mia jimo yumo aobe, Je! Aweza kwaleka tisini na tisa ya kitombe na yenda kwapala yolo yumo ywaobite? ¹³ Na mana amweni, kweli nenda kuwamakiya, alowa kumpulaikya kutiloo tisini na tisa babakotwike obe. ¹⁴ Nga nyo mapenzi kwaa ga Tate binu ywa kumaunde panga kati ya yumo ywa achene ba baobe.

¹⁵ Mana nongo wako akukoseite, uyende, ukanobe akusami abile kichake. Mana akuyowine wapanga ukelebwiye nnongo'wo. ¹⁶ Lakini mana akuyowine kwaa, wapotwe alongo benge abele au atatu mana kwa mikano ya ashahidi abele au atatu kila likowe liweza yomoka. ¹⁷ Na mana asalawile kukupekaniya, ulibakiye li'kanisa likowe lyoo, mana asalawite kae kulipekaniya likanisa, bai na abe kati mundu wa dunia na ywalonga ushuru. ¹⁸ Kweli nenda kuamakiya, chachatabilwa mu'dunia na kumaunde kilabilwe na chochote chachayongoyelwe mu'dunia na kumaunde kiyongolike. ¹⁹ Kae nenda kuamakiya panga bandu kati yinu mana bayeketyaniye kunani ya kikowe lyolyote mu'dunia kabaloba, halyo ²⁰ Tate bango ba kunani alowa panga. Kwa mwanja abele au atatu mana bakusawike pamope kwa lina lyangi, Ne nibi pakati kati yabe.

²¹ Na Petro kaisa na kummakiya Yesu, "Ngwana, mara ilenga nongo wango mana anikoseite na nenga nimsami? Hata mara saba?

²² Yesu kammakiya, "Nikubakiya kwa mara saba, lakini hata sabaini mara saba. ²³ Kwa mwanza nyo utawala wa kumaunde na sawa na tawala pulani ywapalage lekebisha esabu buka kwa atumwa bake. ²⁴ Patumbwi lekebisha esabu, mtumwa yumo batikunnetya kachake na ywembe alonge lwage talanta elfu komi. ²⁵ Mana abile nacho kwaa Cleopata, Ngwana wake alangi apemeyelwe, nyumbowe bana bake na kila kilebe chabile nacho, na alepe. ²⁶ Nga aywo mmanda ngagalabuka, agiyite majuwa nnongi yake kabaya, "Ngwana unipumiliye nenga, nalowa kukulepa kila kilebe.' ²⁷ Nga aywo Ngwana wa mmanda ywo, mana abina uruma, atikunneka na kusamwa deni lyo ²⁸ Lakini mmanda ywo atiboka na kumpata mmanda yumo katika amanda benge, ywa nnongage dinari mia. Atikumwuta, na kunkaba pa'ingo, na kumakiya, "Unilepe chanikulenga.'

²⁹ Lakini yolo mmanda ywenge atikukilikitya na kunnoba muno, kabaya, "Unipumiliye, nalowa kukulepa." ³⁰ Lakini mmanda ywa kwanza atikana. Badala yake ayei kuntaba kuligereza, paka palepa deni lyake. ³¹ Pababweni amanda wenge chelo chakipangite. Batikasirika muno Batiisa na kummakiya Ngwana wabe kila kilebe chakipitike.

³² Boka po ngwana wa atmanda yolo ankemite, na kummakiya, 'wenga wa mmanda mmaya, nitikusamya wenga lideni lyako lyoti kwa mwanja wati niloba muno. ³³ Ywabile na wenga ukaba na huruma kwa mmanda nyino kati nenga mwanikuhurumiye wenga? ³⁴ Ngwana wake atikasirika muno na kwapeya askari watesa mpaka apalepa lideni lyake. ³⁵ Eyo nga Tate bango ba kumaunde balowa panga, kati nuna winu yumo akotoka panga katigo."