¹ U Yesu akhinjila mshituli anhafumila nakufikha kunhaya ya akhadilaga. ² Yenya bhakha mletela umntu umkhatazu kundwimo bhamugonizye pigodoro. Walola ulwitikho lwobho, uYesu akhamubhuzya umntu we afuye kundwimo kuti, "Mwanawani, ubhe nuluseshelo, Utuyiwiwe imbibhi zyakho" ³ Pe bhamu abha manyizyi bhi ndajizyo bhakhalonga bhene bhene, "Kuti umntu unu mnanzi wa mulungu" ⁴ U Yesu azimanye insibhu zyabho akhalonga kuti, "Khoni she mkusibha imbibhi mmoyo ginyu? ⁵ Ipuposu lilikwi kuti imbibhibhi zyakho ukhobhosheliwe' ewe kuti, 'Yimilila jendaga?' ⁶ Ilelo mmanye kuti Umwana wa Adamu ali na mamlo(amakha) iga kunhobhoshela imbibhi..." alonjile ganaga kunongwa ya mbhinu wafuye kundwimo, "Kuti yimilila yega igodoro lyakho, ubhalaje ku kwakho" ⁷ Pe umntu ula anhimilila nakusogola kubhala kunyumba yakwe. ⁸ Ulubhungano ulupiti webhalola ganago, bhakhaswiga nakumwimikha Umulungu, wabhapiye amakha inzigo abhantu. ⁹ U Yesu wakushila kufuma ipo, anka mlola umutu umo itawa lyakwe bhakuti wu Matayi, we akhinhalaga mwe bhakusonsyezya insonho. Wope akhambhuzya, "Kuti ndandataje ine" Pe anhimilila na kumlandata. ¹⁰ U Yesu we ayikhala kuti alye ishakulya mnyumba, bhanhinza bhebha kusonsezya insonho abhingi peka na bhimbibhi bhakha sangana peka nu Yesu na bhalandati bhakwe. ¹¹ We Abhamanyakalata bhazilola zinizyo, bhakhabhabhuzilizya winyu akula ishakula peka na bhansezya nsonho na bhantu ibhi mbibhi?" ¹² U Yesu wayivwa ganago, wope akhalonga " Ahati abhantu bhebhata bhinile bhatakwanza unganganha, yoli abhabhinu. ¹³ Ikuti mbhale mmanyile kuti we nhoni shinishi we kukuti bhuli, "Inkuyigana uwila te vintu kha" Yolo ni nzilete kubhana lyoli kuti bhapindushe, yoli kubhi mbibhi. ¹⁴ Pe abhalandati bha Yohani bhahabhala kwa Yesu kuti, "Khoni itwe na bhamanya kalata tukuputa na kuyima, ilelo abhene abhalandati bhakho bhatakuyima?" ¹⁵ U Yesu akabhabhuzya, "Akhati abhalolelezibha weeji bhanga sungama we Umwene wehi alipo pupo? Ilelo isikuzikwinza we Umwene aweji asongola kufuma kukwabho, pebhakhayanda kuyima. ¹⁶ Numu umntu wa kupatinha ishilaka ishipwa mmwenda umkuru, shiwezizya kudebula umwenda uwudebusu uwupiti inhani. ¹⁷ Kutali abhantu bhebha nga bhikha idivayi impwa mntembe inkulu, anga bhangabhomba shinisho, ikwembe linga debukha, yingitikhana ni kwembe kunanjikha. Yoli, bhakubhikha idivai impwa mwikwembe ipwa pevwonti vikubha anhinza. ¹⁸ Akha bhalilo khe uYesu akhabha bhuzyaga zinizyo yenya, umlongozi umo akhinza anhasugamila pilongolela yakwe, Wope anhati, "Umwana wani umlindu afuye shinishi, ilelo nzaga ubhushe inyobhe pamwanya papakwe wope atizyushe abhanje iwinza. ¹⁹ Pe uYesu ankumilila akhafwatana na bhalandati bhakwe. ²⁰ Yenya, umwantanda unu we akhafumaga amabhanda kumanha ishumi na gabhili, akhapalamila pa Yesu na kumpalamansya muwupintilwi wamwenda wakwe. ²¹ Akhayilonga akhati, "'Inginga palamansya umwenda wakwe, indipate kupona." ²² U Yesu akhagalunhana akhenya akhati. "WeMwali wani, yipe umwoyo, ulwitinho lwakho lwakupokha wapona," Panapo umwantanda akhapona anhabhalilo khakhala. ²³ U Yesu we afinha mnyumba ya mulongozi ula akhabhaga abhantu abhanji bhabhiunganile bhakulila impungo bhamu bhakha khomaga ifiwilimbo. ²⁴ U Yesu akhabhabhuzya akhati, "Yepi ipa, umlindu unu atafuye kha yoli asupiliye bhulo abhantu bhakha msekha na kumsufwa. ²⁵ Abhantu bhala we bhabha fumwa panzi, wope anhinjila kukasi akhamlema inyobhe umlindu ula akhadamukha. ²⁶ Intumi izi zikhavwikha mnsi yila yonti. ²⁷ U Yesu wasogola pala, abha mbubhila bhabhili abha sakhala bhakha mfwata. Bhakhabhilishilaga kudandizya bhahatingi, "Tukulabha tulolele uwila, we Mwana wa Daudi." ²⁸ Pe uYesu we afinha mnyumba, abha mpubhila bhanhinza kukwakwe. U Yesu akhati, "Mkwuitinha kuti inga bhomba?" Bhahati "Ena, Mwene" ²⁹ Pe uYesu akhapalamansya amiso gobho akhati "Zibhe shinisho ulwitinho lwinyu anza vwe lulibhubhulo" ³⁰ Amiso gabho gakhadamula. U Yesu akhabhasokha kuti "Mtakhashele kumbhuzya umntu numo zinizi." ³¹ Ilelo abhantu bhanabha bhabhili bhakhabhala bhakhatangazya inongwa izyo mnsi yonti. ³² Pe abhasanhala bhala bhahili webhakusogola, akhalolekha umntu umo wububu we amapepu gamulemile bhakhamleta kwa Yesu. ³³ Amapepu wegamwepa ububu ula anhandana kulonga. Impuga yikha swiga na kuti "Iga gataloleshile nalumo mu Izraeli. ³⁴ Abhamanya krata bhakhanda kutonga kuti kubhi pepu ipiti, akwefwa impepu" ³⁵ U Yesu akhabhala mnsi yonti na mvijiji. Akhajendelela kumanyizya mvipanga, kulumbilila indimbililo izya shina mwene, na kuponya impango zyonti nu uwubhinu woti. ³⁶ We alola impuga ya bhantu impiti, akabhalolela uwila, kunongwa bhakha yimbaga na kuvunzikha umwoyo. Bhali ngati ngole zyezitali nu mdimi. ³⁷ Akhabhabhuzya abhalandati bhakwe. "Iviyabho vwinji, yoli abhabhombi bhansi. ³⁸ Ishilelo mmlabhaje umwene uwa viyabho, angakuti atwale abhabhomba mbombo bha viyabho vwakwe."