¹ Akhabhalilo wu Yesu akhikha pasi kufuma mwigamba, ishilundilo ishipiti shikha mlandata. ² Yenya, uwa maketa akhinza kumsugamilila pilongolela papakwe, akhati, "Mwene, anga uyiganile, unga zerufwa". ³ U Yesu akhagolosya inyobhe yakwena kumpalamansya, akhati, "Initishile. Uzelupe." Panapo akhazelupa akhapona amaketa gwakwe. ⁴ U Yesu akhambhuzya umuntu anga weka lema idala lyakho, "Ubhalanje umuputi." Iwinza ufumwe ivintu inza she umusa alajizizye, kunongwa ya lusimishizyo kukwabho. ⁷ Akhabhalilo wu Yesu afikha Mkapelenaumu, Umlugu akhinza kukwakwa akha mbhuzilizya ⁶ akhati, "Mwene, umbhombi wakho agonile kukhaya iwinza akhataye afuye kundwimo ali na mavune gakwogofwa." ⁵ U Yesu akhalonga akhati, "Intiyinze kumponya". ⁸ Umlugu akha mwitishila nakumbhuzya kuti, "Mwene, inete namlunjisu kuti uyinze uyinjile mwigulu mmwani khalonga bhulo umbhombi wani atipone. ⁹ Kunongwa nine ne mtu na mpiti, indi na bhalugu bhebhali pasi yani. Anga nalonga kwunu, "Nati bhalaga' akubhala, nu wamwabho nzaga akwinza mlandataga, umbhombi wani anganati, 'Bhomba ishi,' akubhomba wope shinisho" ¹⁰ U Yesu wagivwa igo, akhaswiga nakubhabhuzya bhebhakhamlandataga, "Yoli inkubhabhuzya, Kuti inta mlolile umntu wali nu lwitiko inza umwizilaeli inzunu. ¹¹ Inkubhabhuzya, abhingi bhakayinza kufuma kuwutukulo na kuwuswelo, bhakhayikhala pameza peka nu Abrahamu, Isaka, nu Yakobo, kushina mwene kumwanya. ¹² Ilelo abhana bha wumwene uwa pasi bhakhayisumbwa mkhisi kunzi, kwe kulibha na kulila nakusya amino." ¹³ U Yesu akhambhuzya Umlugu, "Umskali! Kuti bhalaga anza vwuyitishile gabhombeshe shinisho kukwakho". Umbhombi wakwe akhapona akhabhalilo hakhala. ¹⁴ U Yesu we afike mnyumba ya Petro, akhamlola umayi vwala wakwe uPetro agonile mbhinu inzegema. ¹⁵ U Yesu akhampala masyaninyobhe yakwe, inzegema yikhepa. Pa akhadamukha akhanda kumbhombela. ¹⁶ Naweyafikha akhalebhela, abhantu bhamletela uYesu abhingi ibhi mpepu. Akhazibhinga impepu na bhahinu bhakhapona. ¹⁷ Kushinishi gakhafushila gegalongiwe nu Yisaya umkuwi, "'Iwene wuyo ayejile amabhinu gitu akhapimba amayimba gitu" ¹⁸ U Yesu wayilola impuga yimzunguluye, akhalonga kuti akwanza kubhala kundyimo kumo Kusumbi iya Galilaya. ¹⁹ Pe umsimbi akhinza kukwakwe kumbhuzya, "Kuti Mmanyizi, intikufwate ponti punga bhala." ²⁰ U Yesu akhambhuzya akhati, "Imbila zili na mina iwinza inyonyi zili ni vwanswi, ilelo umwana wa Adamu atali ni pakugonya itwe lyakwe." ²¹ Umlandata uwamwabho akhati, "Mwene, nefwe isuti imbale imsyile uyise wani." ²² Ilelo uYesu akhambhuzya akhati, "Iwe ndandate, bhaleshe abhafwe bhabhasyile abhafwe bhabho." ²³ U Yesu akhingila mshituli, abhalandati bhakwe bhakhamlandata. ²⁴ Nalubhilo ishinvulungwa ishipiti nhani mwasumbi ishituli shinha gubishiwa na mabhilingwa. Ilelo uYesu agonile. ²⁵ Abhalandati bhakwe bhakhabhala bhanha mdamsya bhanhati, "Mwene, tuposhe, tukwanza kufwa!" ²⁶ U Yesu anhabhabhuzya, "kuti khoni khe mkwogopa, imwe mbhalwitinho ulunsi?" Pe akhadamukha na kushemela impepu(ishi vulungwa) nu sumbi, peku kukhapuma kunhabha zwii, ²⁷ abhasakhala bhakhaswiga bhahati, "Umntu unu alibhulibhuli, impepu ni sumbi vikumtinikha wene?" ²⁸ We uYesu afumila usumbi akhafikha mnsi iya bha Magadala, kukhaaba abhasanhala bhabhili ibha mapepu bhahakhomana inawo. Bhakhafumila kumpipa bhakha letaga akhalanga nifya, kubhantu bhebhakushila idala lila. ²⁹ Pe bhakha khola bhakha dandizya kuti, twinakhoni kukwakho, mwana wa Mlungu? Uyinzile kututesa we akha bhalilo khashili kufikha?" ³⁰ Kwali impuga impiti iyi ngulubhe zikha dimwaga, patamile patali nha na pebhamile, ³¹ amapepu gegendeleye kukhola kuyibhunanzya kwa Yesu na kutonga. Anga ungatufumwa, tutwale mpuga mngurubhe." ³² U Yesu akhazibhuzya, "Kuti bhalaji!" Amapepu gakhafuma kubhala kwinjila mngurubhe. Kwenya, impuga lonti likhinha kufuma mwigamba kwikha msumbi lonti likhafila mminzi. ³³ Abhasanhala bhebhakhadimaga ingumbhe bhakha shimbila. We bhabhala mnhaya akhapanga vwezyamile zyondi, na peka nabhasakhala bhala bhebhali na mapepu. ³⁴ Abhantu bhonti kufuma munhaya bhakhagola kunhomana nu Yesu. Webhamlola bhakhamlaba kuti ayepe mnhaya yobho.