¹ Utalongaje ukhayilongwa. ² Uwulonji wukulonga, niwe ukhayilonjiwa ishipimo shukupima nawe ukhayipimilwa shinisho. ³ Khoni khukwenya akhagola khikwi mlyiso lya wamwinyu, utakumanya ibabazula ilyaluzinga lyelili mlyiso lyakho? ⁴ Punga mbhuzya bhuli bhuli uwamwinyu, kuti inkwefwe ikoko mlyiso lyakho, wenawe ibabazula lili mlyiso lyakho? ⁵ Iwe uli nu wila uwilenga; isuti yefwa ikoko mlisyo lakho, punga wezya kumwefwa uwamwinyu ikoko lyeeliti mlyiso lyakwe. ⁶ Utakhazipe imbwa ivifinjile, utahazi sumbile ingulubhe ivintu ivwinza ivwa shuma pilongolela yabho. Wangana nganya na kukhanyanya nivinama, nabhatakhinze bagaluhane kukwakho na kukudebulanya ivibina ni vibina. ⁷ Labhaji, mliposhela. Bhonti bhebhakwanza bhakuvwaga anga mkwinguzya mkwiguliwa. ⁸ Wonti wakulabha akuposhela wonti wakwanza, akuvwaga. ⁹ Na umntu wonti wakwiguzya, akwiguliwa. Bhuli wunanu mkasiyinyu wenga umwana wakwe akumlabha ikati angampa iwe? ¹⁰ Ewe angakulabha inswi, angampa injokha? ¹¹ Anga mbhabhomba mbibhi mmanyile kubhapa abhana bhinyu ivwinza, ilelo! Anga vwetukubhomba patajinile uTata witu uwakumwanya kubhapa ivintu ivwinza bhebha kulabha kukwakwe? ¹² Kunongwa iyo, zyemyiganile kuti abhanji bhabhabhombelaje, zye mbhabhombelage abhanji zinizyo. Izyo ndajizyo na bhakuwi. ¹³ Yinjilaji kushilila pa mlyango umnyela. Ishi lyango shi zevu nidala lizebhile lyelikulongo kuwubhibhi, kuli abhantu abhinji bhebha kujenda kwidala ilyo. ¹⁴ Umlyango mnyela, idala linyela lyelikubhala kuwupuma bhansi bhebhangalilola. ¹⁵ Nabhe amiso na bhakuwi ibhilenga, bhakwinza bakwatile, ikwembe wingolee, fwani mbila inkhali. ¹⁶ Kusanga zyabho mkhayibhamanya. Ishi abhantu bhangatungula insanga mmimvwa, ewe insanga izyikwi insugwa unga tungula mwipana? ¹⁷ Kushinisho ikwi ilyinza likupapa insanga inyinza, ikwi ibhibhi likupapa insanga imbibhi. ¹⁸ Ikwi ilyinza litangafumwa insanga imbibhi khalyope ikwi ibhibhi litaga papa insanga inyiza kha. ¹⁹ Ikwi lyonti lyelitakupapa insanga inyinz likudumlwa nakutaga mmwoto. ²⁰ Pe shinisho, mtibhamanye mnsanga zyabho. ²¹ Te mntu wonti wakuti, 'Mwene, Mwene,' anginjila kushi na mwene shakumwanya. ²² Abhantu abhinji bhakhayimbozya isiku ilyo kuti, 'Mwene, Mwene, tutakhafumwaga uwu kuwi kwitawa lyakho, tutakhabhinganga na kwefwa impepu mwitawa lyakho, nakwitawa lyakho twabhombile imbombo impitii?' ²³ Pi ankayibhabhuzya kuti, 'intabhamanyile imwe! Yepi kukwani, imwe mwebhabhomba mbibhi!' ²⁴ Pe wonti wakwivwa amazwi gani na kuyisya akukholana nu muntu uwinjela wakha zenga inyumba yakwe pamwanya pamwala ilyalawe. ²⁵ Invula ikha aminzi gakhizula, impepu ibhavugula ikha yinzanya inyumba, ilelo inyumba ita khagwakha, kunongwa ikhabha izengiwe pamwala. ²⁶ Inkuti umuntu woti wakwivwa amazwi gani atakulema, akubha anza umuntu umpambavu umlema wazenjile inyumba yakwe pamwanya pa mselesenga. ²⁷ Imvula yikha tonya, aminzi gakhizula, impepu impiti yikhamgula na kuyi bhushila inyumba yila. Yikhagwa kulushindo umpiti." ²⁸ Wu Yesu amala kulonga amazwi ganago, impuga ya bhantu yikhaswiga nhani ni manyizyo yakwe, ²⁹ kunongwa akha manyizya ngati muntu umwamli tengati bhasimbandajizyo kha.