¹ Wekwabha ishilabhila, abhapiti bhonti ibha bhaputi nabhasongo abha bhantu bhakhalya inhongo(rushwa) kuti bhamge uYesu. ² Bhakhampinya, bhakhamlongolezya, na kumfisya kwa Liwali Pilato. ³ Pe uYuda, we akhamlonjelela, akhalola kuti uYesu alongwa, akhayisibha akhasungama nakuganisya insabhazya amashumi gatatu inhela kubhapiti wabhaputi na bhasongo, ⁴ akhati, "Nabhomba imbibhi kwita ibhanda lyelitali na khami ilelo bhakha mwamla bhakhati, "Ikutwa vya ashi itwe? Yenyaga wewe wunewe." ⁵ Akhataga pasi inhela insabhazy mkanisa, khsogola nakubhala kuyigoga wuyo. ⁶ Umpiti wa bhaputi akhega inhela zila nakuti, "Te khinza kubhikha inhele izi mzya mwabho, kunongwa ye zyitile ibhanda." ⁷ Bhakhakhivwana peka inhela zila ikhamba kukalila ishizi sha mfinyanzi ishakusyila abhajeni. ⁸ Kunongwa ini ishi zisho bhakushitekha kuti, "Shizi shi bhanda paka umsanyunu. ⁹ Izwi ilyo lyalongiwe nu mkuwi uYeremia likhafishila, kuti, "Bhakhega insabhazya amashumu gatatu inhela, ibeyi yeyapimiwe na bhantu abha Izraeli kunongwa yakwe, ¹⁰ nabhakhabhombela kushizi sha mfinyanzi, anza vwe uwene andanga nizizye." ¹¹ Pe uYesu akhimilila pilongolela pa liwali, uliwali akhambhuzilizya, "Akhati! Iwe wa mwene wa Bhayahudi?" U Yesu akhati, "Wewe walonga shinisho." ¹² Ilelo pakhabhalilo webhamsitakile abhapiti bhabhaputi na bhasongo atamuye nalimo. ¹³ U Pilato akhati, utivwa gebhakusitachile gonti ganago wunewe?" ¹⁴ Ilelo atakalonga angalyeka pe uliwali akha ni shiswigo. ¹⁵ Ishi pisiku ipiti yamile mwata ya liwali kuwmigulila umfinywa weka wakusebhwa ni mbuga ya bhatu. ¹⁶ Akhabhali ikho kwamile numpinywa ukulu umtwamwe itawa lyakwe wu Baraba. ¹⁷ Pe webhabha bhanganyinye peka, uPilato akhabhabhuzilizya kuti, "Wunani we mkwanza tumsatule kunongwa yinyu?" U Baraba ewe uYesu Kristi?" ¹⁸ Kunongwa amanyele kuti bhamlemile kunongwa ya kumwilamwa. ¹⁹ We akuti anyikhale pitengo lyakwe ilya wulonji, mshi wakwe akhasonteleza izyi kuti, "Utakhabhombe lyolyonti kwa muntu uyo watali ninongwa. Nayimba sana umsanyu nu kutulo kulota kunongwa yakwe(kwajili yakwe)." ²⁰ Abhapiti bha bhaputi nabhasongo bhakhabhasonganya ulubhungano lya bhatu bhamlabhe uBaraba, nu Yesu bhamgoje. ²¹ Ilelo akhabhuzilizya akhati, "Ali kwi kubhabhabhi ibha we mkwana imuleshele kukwinyu?" Bhakhati, "Baraba." ²² U Pilato akhati, "Imubhombe akhoni uYesu Kristi?" Bhonti bhakhati, "Msulubishe" ²³ Wope akhati, "Khoni atulile akhoni?" Ilelo bhakhajendelela kuzanzala, kudandizya inhani kuti, "Msulibisye mgoje." ²⁴ Pe wu Pilato alola kuti atangabhomba nalimu, wekwa ishongo shanda, akega aminzi akhagena mnyobhe, pilongolela pa mbuga, na kuti, "Ine intali ninongwa kwibhanda lya mundu unu we atananjile nakhamu. Yenyaji ganaga mnemwe." ²⁵ Abhantu bhonti bhakhati, "Ibhanda lyakwe libhe mnyobhe zyitu peka nabhana bhitu." ²⁶ Akhamsatulila uBaraba kubhene, ilelo akhamkhoma ni ndisa uYesu na kufumwa kukwabho kubhala kumkhoma na mayimba amapiti. ²⁷ Pe abhalugu bha liwali bhakha mwega uYesu paka ku Praitorio ni mbuga impiti iya bharugu bhonti bhakha mubhunganila. ²⁸ Bhakhamzula amenda gakwe nakumkwatizya igolole siha ishamamu. ²⁹ Pe bhakhagomba ishipambwi isha mivwa na kumkwatizya kwitwe, iwinza bhakha mbhishila ilanzi kunyobhe yakwe iya kundilo. Bhakhasugamila pilongolela yakwe na kumjebhula, kuti, "Wagona, Mwene wa Bhayahudi?" ³⁰ Bhakhamswila amati, bhakhega ilanzi na kumkhoma kwitwe. ³¹ Pe we bhakumjebhula bhakha mzula igolole lila(inkanzu) na kumkwatizya amenda gakwe, nakumlongolezya kubhala kumukhomela. ³² We bhafuma panzi, bhakhamlola umntu afuma ku Krene itawa lyakwe wu Simeoni, we bhamubijiye kubhala nabho anga apimbe ishinhobhenhanyo shakwe. ³³ We bhafikha pibhakuti pa Goligotha, kwe kuti, "Pi fupa Lyitwe." ³⁴ Bhakhampa uwupandushizu we wusanganile ni nyongo kuti amwele. Ilelo walinga atakhamwela. ³⁵ Pakha bhalilo webhamkhomela, bhakhagabhana amenda gakwe kwa kwimilisya inyobhe(ikura). ³⁶ We bhinhaye bhakumwenya. ³⁷ Pamwanya pitwe lyakwe bhabhishile amsitako iga wene gegakhabhaziwaga kuti, "Unu wu Yesu, umwene wa Bhayahudi." ³⁸ Abhibha bhabhili bhakabhakhomela peka nu Yesu, weka imbali ya kundilo uwa mwabho kumongo. ³⁹ Bhala bhe bhakha shilaga bhakhamligaga na kumsupizya nakuyinzana amatwe gabho ⁴⁰ na kuti, "Iwe iwe wanzaga kunanganya(kubongola) ikanisa na kuzenga kunsiku zitatu, yiposhe wewe! Anga wa Mwana wa Mulungu, yiha pasi kufuma pashinhobhenhanyo!" ⁴¹ Shishi bhope abhapiti bha bhaputi bhakha ligaga, peka na bhasimbi na bhasongo bhakhatinji, ⁴² "Abhavwizye abhanji wope ayavwe wuyo. Iwene wu Mwene wa Bhayahudi. Na ayishe pasi kufuma pashihobhe khanyo, petetu mwitishe. ⁴³ Amusubhiye Umulungu. Amwavwe ishi anga akwanza, kunongwa atili Mwana wa Mulungu."' ⁴⁴ Na bhala abhibha bhebha khomeliwe peka nawo bhope bhakhanda kumliga. ⁴⁵ Kufuma saa sita kukabha akhisi insi yonti paka saa tisa. ⁴⁶ We yafikha saa tisa, uYesu akhalila kwinzwi ipiti akhati, "Eloi, Eloi, lama thabakitani?"wakuti, "Mulungu wani, Mulungu wani, khokhe undeshile?" ⁴⁷ Akhabhalilo ikho bhalipo bhamu bhe bhimiliye pala bhakivwa, bhakhati, "Akumbhilishila uEliya." ⁴⁸ Panapo umo mkasi yabho akhashimbila kwega intembe na kwizuzya ishakumwela ishikhali, akha bhikha mwikwi na kumpa kuti amwele. ⁴⁹ Bhope bhebha salile bhakhati, "Mleshe imwene tulole anga uEliya atiyinze amtule." ⁵⁰ U Yesu akhalila iwinza kwizwi ipiti na kwefwa uwupuma wakwe. ⁵¹ Yenya, Umwenda umpiti mkanisa wukha debhukha wukhabha pabhili kufum pamwanya peka pasi. Ninsi ikhayinga nilyawe likha bhazukha ukunuku. ⁵² Impipa zikha gubhukha na mabhili gabhfinjile abhinji bhebhagonile utulo bhakhazyukha. ⁵³ Bhakha fuma mmpipa wazukha wene, bhakhinji munhaya ifinjile, na bhakhalolekha nabhanji. ⁵⁴ Pe uakida ula nabhala bhebhakha mwenyaga uYesu bhakhalola ishiyingayinga na gonti gegakhafumiye, bhakhabha ni lyoga inhani na kuti, "Yoli unu amile Mwana wa Mlungu." ⁵⁵ Abhantanda abhinji bhebhakhamlandataga uYesu kufuma ku Galilaya kuti bhamsunje bhanile pala bhakhenyaga kufuma apatali. ⁵⁶ Mkasi yabha kwali abha Mariamu Magedalena, unyina wa Yakobo nu Joseph, nu nyina wa bhana bha Zebedayo ⁵⁷ We kwafikha lyebhela, akhinza umntu udumbwe kufuma ku Arimathayo, we bhakhatinji uYusufu, we amile mulandati wa Yesu. ⁵⁸ Akhabhala kwa Pilato kulabha umubhili wa Yesu. U Pilato akhalajizya kuti bhampe. ⁵⁹ U Yusufu akhega umbhili akhawupinya nu mwenda uwa sufi inyinza, ⁶⁰ akha wulambalikha kugona mpipa ipwa lyakwe yamabanile palyalawe. Akhabhungulusya iwe ipiti likha gubishila pamlyango pa mpipa akhasogola. ⁶¹ U Mariamu Magadalena nu Maliamu uw mwabho bhalipo pala, bhikhaye bhenyizye kumpipa. ⁶² Isiku lye likhafwata lye lyamile lisiku we bhalingany, abhpiti bhabhaputi na Bhamanyaklata bhakhabhungana peka kwa Pilato. ⁶³ Bhakhambhuzya bhakhati, "Mwene, twakumbukha uwilenga ula we amile mpuma, atili, 'Wezyashila insi ku zitatu atizyushe khabhili.' ⁶⁴ Ishi, lajizya kuti impipa yidimwe paka isiku ilya wutatu. Anga zitabha shinisho, abhalandati bhakwe bhanginza kumwibha na kulonga kubhantu, kuti, 'Azyushile kufuma kubhafwe.' Ilenga ilya kumwisho telibhe libhibhi kushila ilya kuwandilo." ⁶⁵ U Pilato akhati, "Yeji abhakolokoloni. Bhalaji mbhombe pabhe akhinza anzashe mngabhomba." ⁶⁶ Pe bhakha bhala nakubhomba pampipa pabhe nu winza, iwe likhakhomwa umhuri na kubhikha abha kolokoloni.