¹ Weyabha lyebhela isiku ilya Sabato, izubha welyaswa isiku ilya kwanda kumlungu, uMariamu magedelena, nu Maliyamu uwa mwabho bhakhabha kwenya impipa. ² Kufumila ishiyingayinga ishipiti, kunongwa ukhabhizya wa Mwene akhikha na kubhungulusya iwe lila, nakwinhalila. ³ Kumisho ali ngati wumwene(umwoto umhali), amenda gakwe gamile mazeru ngati sementi inswagara. ⁴ Abhalandati bhala bhakhatuya bhakhabha ngati bhafuye. ⁵ Ukhabhizya ula akhabhaloleshela bhantanda bhala akhati, "mtogopaje imanyile kuti mkumwanza uYesu, we bhamgojile. ⁶ Numo ipa, ilelo azyushile anza vwe amalonjile. Nzaji mwenye Umwene pamagonile. ⁷ Bhalaji shinishi mbhabhuzye abhalandati bhakwe, 'Azyushile kufuma kubhafwe, yenya alongoleye ku Galilaya. Ukwo kwete mmulole.' Ine nabhabhuzya." ⁸ Abhantanda bhala bhakasogola bhakhepa pala pampipa nalubhilo kumo bhatuyile kumo bhashiye nhani bhakhashimbila kubhabhuzya abhalandati bhakwe. ⁹ U Yesu akhakhomana inabho, "Akhabhalamukha."abhantanda bhakhagwa mvinama na kulema lema ivinama bhakha vuluvumba bhakha mputa. ¹⁰ Pe uYesu akhabhabhuzya akhati, "mtogopaje, bhalaji mbhabhuzye abhanholo bhalongolele ku Galilaya. Ukwo te bhandole. ¹¹ Pe wabhantanda bhala bhakubhala, kufumilana na bhakolokoloni bhala mkasi yabho bhakha bhala mkhaya yila mwonti mmanalobhakha abhapiti bha bhaputi gala gegaloleshile. ¹² Bhope abhaputi webhakhomana na bhasongo bhakha pangana peka nabho, bhakhafumwa impiya inyinji kubhapa abha kolokoloni bhala ¹³ bhakhabhabhuzya kuti, "Mbhabhuzyaje na bhanji kuti, 'abhalandati bha Yesu inze bhinza uwusiku na kwibha umbhili wa Yesu itwe we tugonile tusupiliye.' ¹⁴ Anga intumi ini inga yamfishila uliwali umpiti tetumsonganye abhatuyile mtatuyaje nha kugonti." ¹⁵ Abha kolokolo ni bhala bhakhega ikhela zila na kubhomba anza shebhabha panganizizye. Intumi izyo zikhavwinha ku Bhayahudi zinhabha shinisho paka umsanyumu. ¹⁶ Ilelo bhala abhasundikwa ishumi na weka bhakhabhala mu Galilaya, kwigamba lila lye abhalanganizizye. ¹⁷ Bhope we bhamlola, bhakhamsuga. milila kumputa mkasi yabho bhambhakhabha nilyoga. ¹⁸ U Yesu akhinza kukwabho akhati, "Impewiwe amakha mnsi umu na kumwanya. ¹⁹ Mubhale mnsi yonti mbhombe bhonti bhabhe bhalandati bhani. Mbhozyaji mwitawa lya Tata, ni lya Mwana, ni lya Mpepu Umfinjile. ²⁰ Mubhamanyizye kulema gonti ge imba bhuzizye, inkwenya ine indi peka nimwe wila paka kumpelela winsi.