¹ Uwu mwene wakumwanya ungakholanya na bhalindu ishumi bhebhakhega inyale talazyabho na kwepa kubhala kumposhela umwene weji. ² Bhasanu mkasi yabho bhali bhalema na bhasamu abhamwabho bhali ni njele. ³ Abhantanda abhalema we bhega amatala gabho, bhatakhega na mafuta ninga geka. ⁴ Abhinjele bhakhega ivililo vwevili na mafuta peka na matala gabho. ⁵ Pe wu mwene weji akhabha kwinza, bhonti bhakhalemwa nutulo bhakhasupila. ⁶ We khafikha akhabhalilo pawusiku isala nane pakasi kukhabha ni shongo, 'Yenyi, umwe weji! Fumaji kumposhela.' ⁷ Pe abhantanda ibho bhakhati damukha bhonti na kukhozya amatala gabho. ⁸ Abhalema bhala bhakha bhabhuzya ibhinje kuti mtupe gamu amafuta ginyu kunongwa itala zyitu zikuzima.' ⁹ Ilelo bhala ibhinjele bhakhabhamula bhakhati, 'Gantanga tukwila itwe nimwe, ikuti mbhalaje kubhebha kukazya mkale gegabhayanile imwe.' ¹⁰ Pe we bhabhala kukala ukwo, Umwene weji akhafikha, bhonti bhebhayilinganyinye bhakhabhala nawo kulaja nakuseshea uweji nu mlyango wukha galiwa. ¹¹ Wepakhabha bhope bhala bhakhafikha na kuti, 'Mwene mwene, twigulile.' ¹² Ilelo akhabhabhuzya akhati, 'Ine intabha manyile.' ¹³ Ishi mwenyaje kuti mtalimanyile isiku na khabhalilo(saa). ¹⁴ Kukholine nu muntu we akhanzaga kushula kubhala insi iyinji. Akhabhabhilishila abha bhombi bhakwe akhabhalemekha uwudumbwe wakwe. ¹⁵ Umo weka akhampa itaranta zisanu, umo akhampa zibhili uwa mwabho akhampa italanta yeka. Uyo akhaposhela kuyanana navwangabhombela, umntu ula akhashula akhabhala ukwo. ¹⁶ Nalubhilo ula we aposheleye italanta zisanu akhodela ivintu, na kupapizya izya mwabho zisanu. ¹⁷ Shinisho wope we aposheleye zibhili, akhapapizya izya mwabho zibhili. ¹⁸ Ilelo umbhombi we aposhele ye italanta yeka, akha akhabhala akha bana ilyina pasi, na kufisa impiya ya mwene wakwe. ¹⁹ We padila inhani umwene wa bhabhombi bhala akhinukha na kubhazanya nabho imbazyo izyi mpiya. ²⁰ Umbhombi ula we aposheleye italanta zisanu akhinza na kuleta italanta izya mwabho zisanu, akhati, 'Mwene, wampiye italanta zisanu. Yenya, napata izya mwabho zisanu.' ²¹ Umwe wakwe akhati, 'Wasalipa, we mbhombi umwinza nu wusunji! Wamsunji kuvintu ivinsi. Intikupe kwimililila kusunjilila ivwinji. Yinjila kuseshela nu mwene wakho.' ²² Umbhombi waposheleye italanta zibhili akhinza na kuti, 'Mwene, wampiye italanta zibhili. Yenya, napata izya mwabho zibhili,' ²³ Umwene wakwe akhati, 'Wasalipa, mbhombi umwinza na wa msunji ukusunga ivintu ivinsi. Intikupe kutabhala pamwanya ivintu ivwinji. Yinjila kuseshela nu mwene wakho.' ²⁴ Pilongolela umbhombi waposheleye italanta yeka akhinza akhati, 'Mwene, imanyile kuti iwe we muntu umkhali. Ukuyebhela naputa walile, na ukuyebhela pe utapesaliye. ²⁵ Ine inzilenogopa, pe inza nafisa italanta yakho mulusuto. Yenya, ulinayo ipa yila ye yakho.' ²⁶ Umwene wakwe akhamubhuzya akhati, 'Iwe wa mbhombi umubhibhi khabhili wamkhata, wamanyile kuti inkuyebhela pinta walile inkuyebhela pe inta pesile(kusansa). ²⁷ Yanziwaga kubhinha inhela yani kubhantu ibhi benki abhachululuzi, anga winkwinza anga impate yila ye yani na yeyonjeye. ²⁸ Ishi mfwule italanta iyo mmupe umbhombi ula wali ni talanta ishumi. ²⁹ Umuntu wonti we alinavwo, akupewa ivinji inhni. Ilelo kwa wowonti watali na vwope, na khali akufulwa. ³⁰ Mtaje kunzi panhisi uyo umubhombi watakhondeye kwetekubhe kulila na kusya amino.' ³¹ Akhabhali we Umwana wa Adamu akwinza nu wufinjile wakwe, na bhakha bhizya peka nabho, pe aliyikhala pamwanya pitengo lyakwe ilya wufinjile. ³² Insi zyonti zilibhungana pilongolela yakwe, wope alibha pagula abhantu, anza umdimi vwe akupagula ingole ni mbuzi. ³³ Akhayizi bhikha ingole inyobhe yakwe iya kundilo, yoli imbuzi akhayizi bhikha kunyobhe yakwe iya kumongo. ³⁴ Pe umwe akhayibhazya bhala bhebhali kunyobhe yakwe iyakundilo, 'Nzaji, mwemsayiwe nu Tata wani, mpwanile uwumwene we wubhishiwe imwe kufuma pawandilo winsi. ³⁵ Wenamile ni nzala mkhampa ishakulya; Namile na mjeni, mkhamposhela; ³⁶ Namile ishitali, mkhakwatizya amenda; Namile na mbhinu mkhambinya; Nali mwijela mkhinza kumenya.' ³⁷ Pe bhala abha nalyoli bhakhayimbhuzya kuti, 'Mwene, lino petwakuwenyi kuti uli ni nzala, tukhakulisya? Ewe uli ni shumi wa tukhakupa aminzi? ³⁸ Iwinza lino tukhakulola wamjeni, tukhakuposhela? Ewe wuli ishitali tukha kukwatizya amenda? ³⁹ Lino petukhakulola wa mubhinu, ewe mwijela tukha kwenya? ⁴⁰ Umwene ali bhamula kuti, 'Yoli gemwabhombile ipa kwa wek kubha mwitu abhansi, mwambombeye nene.' ⁴¹ Pe akhayibhabhuzya bhala bhebhali kunyobhe yakwe imongo, 'Yepi kukwani, mwe mguniwe, bhalaji ku mwoto uwa wila we wabhishiwe kunongwa ya setani na bhakhabhizya bhakwe, ⁴² kunongwa nali ni nzala mtkhamba ishakulya; Namile ni shumiwa ilelo mtakhampa aminzi; ⁴³ Namile na mjeni ilelo mtakhamposhela; namile iishitali ilelo mtakha nkwatizya amenda; nabha na mbhinu na windi mwijela mtakha nsunga(kunenya).' ⁴⁴ Pe bhope bhakha mwamla bhakhati, 'Mwene, lino pe tukhakulola kuti uli ni nzala, ewe ni shumiwa, ewe wamjeni, ewe wuli ishitali, ewe we wamubhinu, ewe wungiwe, tutakhakwenya na kukusunga? ⁴⁵ Pe akhayibhabhuzya kuti, 'Lyoli inkubhabhuzya, khala khe mtakha bhomba kwa weka wa bhansi ibha, mtakha mbombela nene.' ⁴⁶ Ibha bhakhayibhala kumayimba iga wila yoli abhana lyoli kuwupuma uwa wila."