¹ U Yesu akhafuma mkanisa na kusogola. Abhalandati bhakwe bhakha mbhalila na kumulanga inyumba uwuzenje wi kanisa. ² Akhabhabhuzya akhati, "Ishi, pe mtakuzilola imbombo izi zyonti? Kweli nawaambia, hakuna jiwe litalobaki juu ya lingine bila kubomolewa." ³ We ayinhaye Pigamba ilya Mizeituni, abhalandati bhakwe bhakhambhalila kukwilu na kuti, "Tubhuzye genaga gakhayifumila lino? Khatu khoni khalilolesya kwinza kwakho na kumpelela ya mnsi?" ⁴ U Yesu akhabhabhuzya akhati, "Mubhanje ninjele atakhize umuntu abhatezye. ⁵ Yikhayibha abhinji bhakhayinza kwitawa lyani. Bhakhayiti, 'Ine nena Kristi', na kubhatezya abhinji. ⁶ Muhayivwa uwulugu ni mpembu izya wulugu. Mwenyaje mtakhinze mbhe ni lyoga, kunongwa ikuti ganago galoleshe; ilelo kumwisho we kushili. ⁷ Insi yimo yikha yidamukha kulwa ninsi iya mwabho, uwumwene nu wu mwene. Kukhayibha inzala ni viyinga yinga ivwinsi pala na pala. ⁸ Iga gonti kukuwandilo wa mayimba iga kuyisatula. ⁹ Bhalibhafumwa kunongwa ya mayimb na kubhagoga. Bhakhayibhilamwa insi zyonti kunongwa yitawa lyani. ¹⁰ Pe abhi bhakhayilamwa na kuvitana na kuvitama na kuvisanya bhibho kwa bhibho. ¹¹ Abhakuwi abhinji abhilenga bhakhayifumila nakubha khopela abhinji. ¹² Uwubhibhi wukha yonjela, ulugano lwa bhinji luhayikhatala. ¹³ Ilelo we ajimbilila kufikha ku mwisho we akhayifulwa. ¹⁴ Indumbililo ini iya wu mwene itilumbiriwe mnsi yonti kubha wuketi mnsi yonti. Na pe akhabhalilo akhakumpelela khalifikha. ¹⁵ Kuti, anga mwalola ilakha ilya wunanjisu, lyelyalongiwe nu mkuwi uDanieli limilila aoafunjile [we akubhazya amanyaje], ¹⁶ pe bhebhali ku Yuda bhashimbililaje mmagamba. ¹⁷ Nawope wali kwiguru ilyi nyumba atangikha pasi kwega vwe vili mkasi mnyumba yakwe, ¹⁸ wope we alikuvwizi te akhinushe kwega umwenda wake, ¹⁹ Ilelo ahelee bhebhalil nu mwanna na bhebha kwonsya kunsiku izyo! ²⁰ Labhaji anga kushimbila kwinyu kutakhabhe khabhalilo khimpepu, iwinza litakhabhe li siku lya sabato. ²¹ Kulifumila amyimba amapiti, gegata fumiye na lumo kufuma kupelwa insi kufikha ishi, iwinza te gakhafumile iwinza kha. ²² Anga insiku izyo zitakha fupilaga, numo we amile anga pona. Ilelo kunongwa ya bhasewa, insiku izyo te zifupile. ²³ Anga umntu wonti angabhabhuzya kuti 'Yenya, uKristi alipo ipa! awe, 'Ukristi alipo kula' mtitikhaje inongwa zyabho. ²⁴ Kulibha Akristo igilenga na makwi igilenga bhakhayinza kulorosya indoresyo impiti na mayele, kunongwa ya kutezy, pe anga yabhanga pope nabhasewa. ²⁵ Yenyi, inkubhasokha wegashili igo kufumila. ²⁶ Angabhanga bhabhuzya kuti, "U Kristi ali mulwuma,' mtakhabhalaje ukwo kulwuma. Ewe, 'Yenyi, alimksi mnyumba,' mtakhitikhaje inongwa izyo. ²⁷ Anza she intalala vwe yikukhamba kufuma kuwutukulopaka kulamwa kuwuswelo, vwe zikhayibha kwinza kwa Mwana Mntu. ²⁸ Poponti pe vifuye(vibholile), pe amkunguru gakukhomaana(kubhungana). ²⁹ Ilelo wegashila amayimba igo amapiti iginsikuzila, izubha lilibha khisi, umwezi te wukhafumwe ulukhozyo lwakwe, inzota zililenda kufuma kumwanya, na makha iga kumwanya gakhayiyingana. ³⁰ Pe indolesyo ya Mwana wa Adamu ililolekha mmabhingo, ivikholo vwonti ivwa mnsi bhakhayilila. Bhakhayimlola Umwana wa Adamu akwinza mmabhingo iga kumwanya kumakha na kuwufinjile uwupiti. ³¹ Akhayibhasontelezya abhakhabhizya bhakwe kuzwi ipiti ilyi kakavu, pe bhakhayibha bhunganya peka abhasewa bhakwe kufuma kumbali zini mnsi, kufuma kumbali ini ni mbali iya mwabho. ³² Manyilaji imanyizyo kufumilana ni kwilya maonsongwa(umtini). Ikwi welikulemba nakufumwa amtundu, aganji. ³³ Shiniso we mwalola gonti igo, mmanyaje kuti ishisanya shafikha. ³⁴ Lyoli inkubhabhuzya, impapo ini teyishile, gonti iga we gefishile. ³⁵ Kumwanya na pasi zikhayishila, ilelo amazyi gani tegakhashile nalumo. ³⁶ Ilelo isiku lila nakhabhalilo khala numo umntu wa manyile, tebhakha bhizya ibhakumwanya wope Umwana, yoli uYise mwene. ³⁷ Anza vwezyamile kunsiku zya Nuhu, vwezikhayibha kwinza kwa Mwana wa Adamu. ³⁸ Pe kwamile kusiku izyo weyishi insi kulongwa kuminzi abhantu bhakha lyanga na kumwela, bhakhagaga na kwejewa paka pisiku lye uNuhu akhinjilaga mmbogoso, ³⁹ bhatakha manyaga na shimo inkula pikhatinji na kwinza na kubhasezya bhonti - vwezikhayibha kwiza Umwana Muntu. ⁴⁰ Pe abhantu bhabhili bhakhayibha kushizi- umo akusogola umo akusyala mlusalo. ⁴¹ Abhantanda bhabhili bhakhayisyanga peka - weka akusogola, weka akusyala. ⁴² Pe mbhanje, amiso kunongwa mtamanyile isiku lya kwinza Umwene winyu. ⁴³ Ilelo mmanye kuti, anga umwene nyumba amanyile kuti khabhalilo khoni umwibha angiza, anga gonele shalindiliye atanga lekha kuti bhananganye inyumba. ⁴⁴ Kwe kuti myilinga nyaje, Umwana wa Adamu akwinza akhabhalilo khe mtakha manyile. ⁴⁵ Ishi pe wunanu we mgolosu, umbhombi uwi njele, we umwene wakwe ampiye kubhalongozya bhebhali mnyumba yakwe, anga abhapanje ishakulya akhabhalilo khe khakwanziwa? ⁴⁶ Asayiwe umbhombi uyo, we umwene wakwe akhayaga akubhomba shinisho wakwinza. ⁴⁷ Yoli inkubhabhuzya kuti umwene akhayimbhikha pamwanya pa vintu vwe vwakwe vwonti. ⁴⁸ Ilelo umbhombi umbibhi akulonga mmwoyo wakwe, 'Umwene wakwe akhabha,' ⁴⁹ na kwanda kubhakhoma abhabhombi bhakwe na kwanda kulya na kumwela kukholwa, ⁵⁰ Umwene wa mubhombi uyo akwinza isiku latalimanyile, ni sala akhabhalilo yatamanyile. ⁵¹ Umwene wakwe angamdumulanja pabhili na kumbhikha peka nabha malenga, kwe kulila na kusya amino.