1 U Yesu na bhalandati bhakwe bhakhafikha pepa palamiye naku Yerusalemu iwinza bhakhabhala paka ku Bethfage, kwigamba ilya mizeituni, pe uYesu akhasontelezya abhalandati bhabhili, 2 akhati, "Mubhale inhaya yeyikufwata pilongolela, lyekabhulo mkhati indogomi nkuje pala, ni nyana yindo gomi yope. mzisatulile na kuzileta kukwani. 3 Anga umntu wonti akubhabhuzya limo ku linilo, mkhambhuzye mkhati, `Umwene akuzyanza, ` umntu uyo lyeka bhulo akubhala kubhapa mwinze peka nazyo" 4 Iga ge gakulolea gegagala gegalongiwe kushilila kwa mkuwi ikuti galoleshe. Akhabhabhuzya, 5 Bhabhuzye abhalindu abha Sayuni, yenya, umwene wakho akwinza kukwinyu, umtonsu apandile indogomi, ni nyana yi ndogomi insakhala, indogomi inyisi. 6 Pe abhalandati bhakha sogola bhakha bhomba anza uYesu vwabhalajizizye. 7 Bhakha yilete indogomi ni nyana yindogomi, bhakhabhikha amenda gabho pamwanya yabho, uYesu akhikhala pupo. 8 Abhinji palunhomano bhakhala amenda gabho mwidala, bhamu bhaka pwota amakwe impaswa bhakhala mwidela ipiti. 9 Impuga yimo yalongo leye kwa Yesu bhala bhebhamfwataga bhakha dandizya kunholela kwizwi ipiti bhakhati,"Hosana kwa mwana wa Daudi! Msayiwa we akwinza kwitawa lya Mwene. Hosana pamwanya khani!" 10 U Yesu we afikha mu Yerusalemu, inhaya yonti ikha gandukha bhakhati, "Unu wu nanu? 11 "Impuga yonti bhakhalonga bhakhati, "Unu wu Yesu Umkuwi, kufuma ku Nazareti iya ku Galilaya." 12 U Yesu akhinjila mshibhanza isha Mulungu. Akhabhabhinga bhonti panzi bhebhakha kalaga na kukazya mkanisa. Iwinza akhabemulanya ineza ivitalati vwe bhakha vunzilaga impiya na matengo iga bhebhakhazyaga inkunda. 13 Akhabhabhuzya akhati, "Isimbiwe, `'Inyumba yani iti tenhwaje kuti nyumba yimputo, `ilelo imwe mubhishile matongo amagwila iga bhibha." 14 Abhampubhila na bhavilema bhakhinza mkanisa, mulawope akhabhaponya. 15 Ilelo akhabhalilo abhapiti bha bhaputi na bhasimbi we bhalola amayele gegabhombekha, we bhivwa abhana bhakukhoma ishongo mwikanisa wakuti, "Hosana kwa Mwana wa Daudi," bhakhilamwa. 16 Bhakhati, "Wivwazye zikulongwa na bhantu ibha?" U Yesu akhati, "Ena! Ilelo mtakha sambila kubhazya, 'Kufuma kwiloma kubhana na bhana abhansi bhebha kwonha mli impalo izyana lyoli?" 17 U Yesu akhasogola akhabhala ukunji na kunzi ni nhaya yila akabhala ku Betania akhagona kukwo. 18 Ikhilabhila wakugalukha mkhaya yila, akhalola inzala. 19 Akhalilola mmbali mwidala mumbalabala. Akhabhala, ilelo atakha pata na khamu mumwanya akhaga matundu mene. Akhalibhuzya ikwi, "Kuti kutakhabhe insanga wila khabhili." Panapo ikwi lila likhuma. 20 Abhalandati we bhalola, bhakhaswiga na kuti, "Zabha bhuli ikwi lyuma lyeka ibhulo?' 21 U Yesu akhagalusya na kubhabhuzya kuti, "Lyoli inkubhabhuzya, kuti mulimu lwitinho mtakutuya, mungabhomba gegabhombeleshile kwikwi ilyo ibhulo, pope mngalibhuzya igamba ili, ` ukumpule na kusumba musumbi, `zinga bhombekha. 22 Lyolonti lye mngalabha kuyiputa, na kwitikha mkuposhela." 23 U Yesu we afikha mkanisa, abha piti bha bhaputi na bhazekhe abhasongo bha bhantu bhakhinza kukhabhalilo khakumanyizya na kumbhuzilizya kuti, "Kwidala lya nanu ukubhomba ganaga? Wunanu wakupiye amakha ganaga?" 24 U Yesu akhabhamula na kuti, "Nani imbabhuzilizye iswali lyeka. anga mwambuzya, nine pe intibhabhuzye kuti kumakha goni inkubhomba iga. 25 Ulwozyo lwa Yohani- lukhafuma kwii, kumwanya ewe kubhantu?" Bhakhayinong'ona ibhene, anga bhati, tuti, wakhafuma kumwanya, `atitilibhuzye kuti khoni khe mtakhamwitinhaga? ` 26 Anga twati, `wafumile ku bhantu, `tukubhogopa abhalukhomano, kunongwa bhonti bhakumlola uYohani ngati mkuwi." 27 Bhakha mwamla uYesu bhakhati, "Tutamanyile" Akhabhabhuzya akhatipe, "Nani te imbabhuzye kumakha inkubhomba ganaga. 28 Ilelo mkukwina akhoni? Umntu uwa bhana bhabhili. Akhabhala kwa weka kuti, `Mwana wai, bhalaga khabhombe imbombo kushizi isha mizabibu 29 leo.`Umwana akhati, `intakubhala, ' Ilelo wepakhabha akhayisibha akhabhala. 30 Umuntu ula akhabhala kwa mwa uwa wubhili akhalonga shishila. Umwana uyo akhitikha akhati, `intibhale, mwene', ilelo atakhabhala kha. 31 Alikwi kubhana bhabhili wakha bhomba izya yise wakwe? Bhakhati, "Umwana uwa kwanda." U Yesu akhabhabhuzya kuti, "Zyanalyoli bhebhakusonshezya insonho na bhamalaya bhakhayinjila kushina mwene kumwanya we mshili imwe kwinjila. 32 U Yohani ayinzile kukwinyu kwidala igolosu, ilelo mtakha mwitikha, ibhene abhasonshezya nsonho malaya(abhabhembu) bhakha mwitikha. Nimwe, mwemwalola ilyo likubhombekha, mtakha pindukha anga pilongolela wimwitishe. 33 Tejelevwi ishikholanyo ishamwabho. Kwali umntu, umntu wali ni shibhanje ishipiti. Ishapiti ishakulima akhawala imizabibu, akhasita ulubhaga, akhagomba ishililo isha kufinyila ivwa kumwela, akhazenga pamwanya abha kolokoloni, akhabhapanjizya bhebha kulimilila imizabibu. Akhashula kunsi izya kutali ukunji. 34 Akhabhalilo ikhinjebhelo iyi zabibu wekhafikha, akhasontelezya abhabhombi bhakwe bhamu kubhebhakulima imizabibu kwega izabibu zyakwe. 35 Abhantu bhala bhebhakulima bhakha bhalema umbhombi wakwe, bhakhamkhoma weka, bhakhamgoga uwa mwabho bhakhamkhoma na mawe. 36 Iwinza khabhili, Uwishizi akhabha sonteleza abha bhombi abhamwabho, abhinji kushila abhakuwandilo, pope bhebhakulima ishizi shila isha mizabibu bhakhabhabhomba sishila. 37 Wezyabha shinisho umwene ula akhamsontelezya umwana wakwe, akhati, `'Tebhamti mtinishe umwana wani.'` 38 Bhala bhe bhakuli ishizi isha mizabibu webhamlola umjana umsakhala bhakha bhuzyanya, `'Kuti unu we wakupwanini, Nzaji, tumgoje angatu tabhale nakupwanila'. 39 `Pe bhakhamlema, bhakha msumba kunzi kushizi isha mizabibu na kumgoga. 40 Ishi anga uwishizi shila isha mizabibu anga ayinza, pe akhayibhomba bhuli kubhabhala bhebhakulima ishizi isha mizabibu?" 41 Bhakhati, "Alibhananganya abhantu ibho abhabhibhi kuwinhali inhani, na kupanjiza ibha mizabibu, abhantu bhebhanga fuma izabibu we zela." 42 U Yesu akhabhabhuzya kuti, "Mtakhabhazya amasimbo, ' Iwe lyebhakhanile abhazenji liwe lipiti lyapawandilo. Ili lyafumile kwa Mwene, likuswijizya pamiso gitu?' 43 Ishi inkubhabhuzya kuti, Uwu mwene uwa Mulungu te mwikhalile mwemwe kufuma kukwinyu na kupata insi abhantu bhebha kusajila insanga(imbombo). 44 Wowonti we angagwila piwe pamwanya akupwote nhana kudumunhana ivituli tuli. Nawe lyamgwila, likumsya." 45 Abhapiti bha bhaputi na manyaklata we bhivwa ivikholanyo vwakwe, bhakhalola kuti aku akubhalonga bhibho. 46 Pe webhakwanza kubhusya inyobhe kunongwa yakwe, bhakhogopa ulubhungano, kunongwa bhalolaga kuti mkuwi.