¹ Ishinu mwene ishakumwanya shikholine nu muntu uwishizi, we akhadamkha akhilabhila mpwili kukubhikha abhabhomba mbombo kushizi shakwe isha mizabibu. ² Pe wayitikhana na bhimbombo idinari yeka kwi siku, akha akhabhatwala kushizi shakwe isha mizabibu. ³ Akhabhala iwinza wekhashila akhabhalilo isala zitatu akhabhalola abhabhombi abhamwabho bhimiliye bila mbombo pamunalo. ⁴ Akhati, 'Nimwe, bhalaji kushizi isha mizabibu, vwonti vwe vikwanziwa intibhape.' Pe bhakhabhala kubhomba imbombo. ⁵ Akhabhala iwinza wepashila amasala sita iwinza isal tisa, akhabhomba shinisho. ⁶ Akhabhalilo iwinza ikha isala ishumi na kheka akhabhala akhabhaga abhamwabho bhimiliye sita mbombo. Akhati, 'khoni khe mwimiliye ipi sita mbombo nayimo isiku lonti? ⁷ Bhakhati, kunongwa numo umntu angaweka watubhishile pa mbombo. Akhabhuzya, 'Kuti namwe bhalaji kushizi isha mizabibu.' ⁸ Akhabhalilo ikhilebhela wekhafikha, umwene shamba ilya mizabibu akhambhuzya umwimilili wakwe, 'Bhabhilishile abhabhombi ubhaposhelezye idinari, kwandila uwakumwisho paka uwakwanda.' ⁹ Pe webhinza bhala bhebhandile isal ya ishumi na yake, 'Kila weka wabho aposhela idinari.' ¹⁰ Webhinza abhabhombi ibhakwanda, bhakhasibha kuti tebhaposhele inyinji, ilelo bhakhaposhela kila mntu yeka. ¹¹ Pe webhaposhela idinari zyabho, bhakhanda kumbhuna uwishizi. ¹² Bhakhanda kuti, 'Ibha abhabhomba mbombo abha kumalilo bhabhomba isala lyeka imbombo, ilelo bhabhalinganya nitwe, nitwe twapimba amazigo msanya wonti na kupwa na khasanya.' ¹³ Pe uwishizi ula akhambhuzya umo wabho akhati, 'Manyani, intabhombile ibhibhi nalimo. Ishi! tukhitinhananine ku dinari yeka? ¹⁴ Poshelaga sheshanho kuwugolosu sogolaga. Shigane shani kubhapa ibha abhabhomba mbombo bhe bhandile ku kumwisho(kumalilishilo) kuti bhaposhele inziwe. ¹⁵ Ishi! Te shigene shani kubhomba vwenayigana ni mali zyani? Iwe ilyiso lakho libhibhi kunongwa ine pe indi nu wila? ¹⁶ Isho kukuti uwakwanda akhayibha wa kumwisho" ¹⁷ U Yesu wakhazubhaga kubhala ku Yerusalemu, akhega abhalandati bhakwe ishumi na bhabhili pambali, mwidala akhabhabhuzya akhati, ¹⁸ "Yenyi tukubhala ku Yerusalemu, Umwana wa Adamu atile mwe mnyobhe zya bhasongo bha bhabhaputi na bhasimbi. Tebhamlonje kufwa ¹⁹ tebhamfumwe kubhapagani kumzalabhula, kumkhoma kumgwegwalula kumnhomela. Ilelo ishiku ilya wutatu akhayizyukha." ²⁰ Unyina wa bhana bha Zebedayo akhniza kwa Yesu nabhana bhakwe. Akhasugamilapilongolela papakwe nakulabha akhatu kufuma kwa Yesu. ²¹ U Yesu akhati, "Ukwanza akhoni?" Akhambhuzya akhati, "Bhape abhana bhani bhabhili bhikhale, wekakunyobhe yakhoindilo weka kunyobhe yanho imongo muwu mwene wakho." ²² U Yesu akhamwamula akhati, "Utakhamanyile khala khukulabha. Kumwelela mlupindi lwinti mwelele?" Bhakhati, "Tunga mwelela." ²³ Abhabhuzya akhati yoli mngamwelela. Ilelo kwinhala kunyobhe yani indilo na kunyobha yani imongo tenene ingabhapa, yoli bhabhala bhebhakha sebha nu Tata wani." ²⁴ Abhalandatiabhamwabho ishumi we bhivwa isho, bhakhasukumila ninfwa na bhamwabho bhala bhabhili. ²⁵ Ilelo uYesu akhabhabhilishila wuyo nakubhabhuzya, akhati, "Mumanye kuti bhebha kutabhala mnsi bhakubhogofwa, abhapiti bhabho bhakufwata indajizyo ku kwabho. ²⁶ Pe zitakhabho shinisho kukwinyu. Yoli, wonti wakwa kuti abhe mpitilumsongo mkasi yinyu ikuti abhe mbhombi winyu. ²⁷ Anga we akwanza abhe wa kjwanda mkasi yinyu ikuti abhe mbhombo winyu. ²⁸ Anza vwe zili Umwana wa Adamu atinzile kubhombelwa, yoli kubhomba, na kufumwa uwupuma wakwe kubha wuponelo wa bhinji." ²⁹ We bhafuma ku Yeliko, impuga impiti yikha mlandata. ³⁰ Bhakha bhalola abhampubhila bhabhili bhighaye pambo ali pidala ipiti(imbalabala). We bhivwa kuti uYesu akushila, bhakhadandizya izwi bhakati, "Mwene Mwana wa Dauti, tutuyile(utufwile uwila)." ³¹ Impuga yonti bhakhabha khalalila, akhati ishongo pumi. Pope ibhulo, bhope bhakha dandizya inhani bhahati, "Mwene, Mwana wa Daudi, ututuyile." ³² Pe uYesu akhimilila na kubhabhilishila na kubhabhuzilizya, "Kuti mkwanza imbabhombele akhomi?" ³³ Bhakhambhuzya kuti, amiso gitu gadamule." ³⁴ U Yesu akhlolela uwila, akha palamasya amiso gabho, panapo bhakhaposhela bhakhalola na kumlandata.