¹ Khukhafumila akhabhalilo uYesu we amala kulonga igo, akhasogola ku Galilaya, iwinza akhabhala kumpakho mu Yudea kwilongolela kulwizi ulwa Yordani. ² Ishilundilo ishipiti bhakha mfwata, akhabhaponya kukwo. ³ Abhamanya klata bhakha bhala kumlinga, bhakhati, "Ishi khinza kumlekha umntu umshi wakwe kunongwa yoyonti?" ⁴ U Yesu akhabhamla akhati, "Mtakhabhazya, kuti uwene wabhapelile kuwando apelile umsakhala nu mwantanda? ⁵ Pe akhati, 'Kunongwa iyo umsanhala akhayimlekha uyise wakwe nu nyina wakwe na kupatinha kukhomana nu mushi wakwe, bhonti bhabhili kubha umbhili weka?' ⁶ Pe bhatakubha bhabhilinka, yoli umbhili weka. Pe khala khe akhomanya Umlungu, umntu numo atakha lekhanye." ⁷ Bhakhambhuzya bhakhati, "Ishinhoni uMusa khaati tufumwaje italakja na kumlekha?" ⁸ Akabhabhuzya akhati, "Kuwugomu wa moyo ginyu uUMusa akhabhigulila kuti mbhalekhage abhoshi bhinyu, ilelo kufuma kuwandilo vwezitamile shinisho. ⁹ Inkubhabhuzya kuti umuntu wonti we angamlekha umshi wakwe, yoli kunongwa ya wubhembu. Na kwega uwunji abhembukha wope umsakhala wayega umshi we bhamleshe abhembukha." ¹⁰ Abhalandati bhakha mbhuzya uYesu, "Anga vwezili kwa msakhala na kwa mshi, petenhinza kwega." ¹¹ Pe uYesu akhabhabhuzya kuti, "Te bhantu bhonti bhangaposhela imanyizyo izi, yoli kukubhala bhebhitishiliwe kuposhela. ¹² Kunongwa bhalipo bhebhapeliwe kuti bhategaje kufuma pebhakha papwa mnyanda zya bhanyina bhabho. Nashinisho bhalipo abhatowashi bhakha gombwa na bhantu. Bhalipo abhatowashi bhebhakhayigana bhibho kunongwa ya shinamwene sha kumwanya. We angaposhela imanyizyo izi aposhele." ¹³ Bhakhamletela abhana abhansi kuti abhabhishe inyobhe pitwe na kubhasanya, abhalandati bhakwe bhakha bhadindaga na kubha khalalila. ¹⁴ Pe uYesu akhati, "Bhaleshe abhana abhansi, mtabha khanaje kwinza kukwani, ikuti ishina mwene isha kumwanya inyobhe anzibho. ¹⁵ Akhabhabhikha inyobhe akhabhasaya akhepapala. ¹⁶ Yenya umntu weka akhinza kwa Yesu akhati, "Mmanyizyi, khantu bhuli akhinza khe ingabhomba anga impate uwumi uwa wila na wila?" ¹⁷ U Yesu akhati, "Nhoni khe ukumbuzilizya kuti khantu nhoni akhinza? Alipo umwinza weka mwene wa mwinza, ilelo anga ukwanza kuwaga uwumi, uleme indajizyo zya Mulungu." ¹⁸ Umuntu ula akhambhuzilizya akhati, "Indajizyo zilikwi?" U Yesu akhati, "Utagogaje, utabhembukhaje, utibhaje utabhanje wamketi uwilenga, ¹⁹ ushindikhaje uyise wakho nu nyina wakho, iwinza umgane upalamani wakho anza uwuntu wakho." ²⁰ Umntu ula akhati, "Ganago inga manyile na kugalema. Pe khasyalile akhoni? ²¹ "U Yesu akhati, "Anga ukwanza kubha wa wanalyoli, bhalaga khakazye vwuli navwo, ubhape abhapina pe utubhe ni shanga kumwanya. Anga pe uyinze undandataje." ²² Ukijana umtunta ula we ayivwa gala ge uYesu alonga, akhasogola, kumo asungamile, kunongwa ali ni shuma ishipiti. ²³ U Yesu akhabhabhuzya abhalandati bhakwe kuti, "Lyoli inkubhabhuzya, papala kwa mntu udumbwe kwinjila kushina mwene kumwanya. ²⁴ Habhili inkubhabhuzya, kuti kwashi ingamila kwinjila pilyazi lya lusindani, te wudumbwe nkha kwinjila ku wu mwene kumwanya." ²⁵ Abhalandati we bhivwa shinisho, bhakhaswiga ninfya bhakhati, "Wu nanu we angapona?" ²⁶ U Yesu akhabhenya na kulonga kuti, "Kubhantu ilo litakumanyinhana, ilelo kw Mulungu gonti gakubhombekha." ²⁷ Pe uPeteli akhamwamula na kumbhuzya kuti, "Yenya, tuvileshile vwonti na kukulandata iwe. Hantu khoni khoni khetulipata?" ²⁸ U Yesu akhati, "Zyanalyoli inkubhabhuzya, iwene wakundandata ine, mnsi ipwa Umwana Mntu we ayikhala pitengo ilya wu mwamu nu wu finjile wakwe, nimwe namwe amatengo ishumi na gabhili ivwa wupiti, kulonga ivinholo ishumi na vibhili ivwa Israeli. ²⁹ Wonti imwe wayileshile inyumba, ukhambaku uwamwabho, uyilumbu, uyisye, unyina, abhana ewe ishizi kunongwa yitawa lyani, atiposhele amashumi kumi na kupwanila uwupuma uwa wila na wila. ³⁰ Ilelo abhingi bhebhaku wandilo ishi, bhakhayibha bhkumwisho, bhebhali kumwisho bhalibha bha kwandailo.