¹ Akhabhalilo khana khanakho abhalandati bhakhinza kwa Yesu kulonga kuti, "Wunanu we msongo kushina mwene kumwanya?" ² U Yesu akhamwega umwana umnsi akhamubhikha pakasi yabho, ³ akhati, "Lyoli inkubhabhuzya, anga mtakupindukha kubha anza umwana umunsi, mtanginjila kuwumwene kumwanya. ⁴ Yoli wakuyisya anza umwana umunsi, umuntu anzayo mpiti kushina mwene kumwanya. ⁵ Umuntu wonti wakumposhela umwana kwitawa lyani akumposhela nene. ⁶ Umuntu wonti we akumtezya weka kubhansi ibhabhebha kunitikha kunanjikha, ingabha akhinza umuntu anzuyo iwe ipiti ilya kusyela bhamkunje mnsingo mmwakwe, nakumdwimvwa pasi musumbi. ⁷ Ahere munsi kunongwa ya khabhalilo ikha kuvisya! akhabhalilo ikho ikuti yinze, ilelo aheree kwa mntu ula we akhabhalilo ikho khakwinza kunongwa yakwe! ⁸ anga inyobhe yakho ewe ishinama shakho shikukupuvwa ukwilamwa, udumle nakutaga ukutali niwee. Pe khinza inkani kukwakho kwinjila kuwupuma bila nyobhe ewe nishilema, nakuti bhakusumbe ku mwoto uwa wila na wila wuli ni nyobhe zyonti ewe ni vinama vwonti. ⁹ Anga ilyiso lyakho likukupuvwa, ulyipe na kutaga ukutali. Pe yikubha khinza kukwakha iwe kwinjila ni lyiso lyeka kuwupuma, nakuti usumbwe mmwoto uw wila na wila wu uli na miso gonti. ¹⁰ Mwenyaje mtakha msufwe weka kubhansi ibha yoli inkuhabhuzya kuti kumwanya kuli abhakha bhizya ibhene insiku zyonti bhakwenya pa miso pa Tata wani wali kumwanya. ¹¹ (Linganizya: Amazwi gegakulolekha ngati ga mstari uwa 11, "Kunongwa Umwana wa Adamu ayinzile kupokha shila she shitejile" gatakhalolea mmakalata aminza ngi mandi). ¹² Wilenga? Anga umuntu aliningole imiya yeka, anga yeka yatega, pe atangazilekha tisini na tisa mwigamba nakubhala kuyifwata yeka yeyitejile? ¹³ Anga ayaga, lyoli inkubhabhuzya, kuti akusha kushi zila tisini na tisa zyezitatejile. ¹⁴ Anza shinisho, teshingane sha Tata winyu uwa kumwanya kuti weka iwa bhansi ibha kuti afwe. ¹⁵ Anga unholo wakho akumanjila, bhalaga, ubhale umbhuzye vwakunajiye iwe nu wene imwene anga anga akutejelevwa, we mwivwana nu nunholo wakho. ¹⁶ Anga atakutejelevwa, mweje unholo wakho weka pope bhabhili na kwonjela peka niwe, ikuti amalomu iga bhantu bhabhi ewe bhatatu amazwi gonti gakumanyikha. ¹⁷ Anga asufwa(kusholanya) kubhivwa libhuzye ikanisa(ishibhanza) inongwa iyo, anga pope atabhivwa abhashi bhanza, umuntu uyo abhe ngati ngati mpagani we msonshezya nsonho. ¹⁸ Yoli inkubha bhuzya, lyolyonti lye mngapinya mnsi na kumwanya lipinyilwe iwinza anga mnga satula lyolyonti munsi nakumwanya likusatulwa. ¹⁹ Habhili inkubhabhuzya kuti anga abhantu bhabhili mkasiyinyu angabhivwana lyolyonti pansi ya pasi lyebhakulabha, ilyo uTata wani uwakumwanya akubhomba. ²⁰ Anga bhabhili ewe bhatatu bhabhunganile peka kwitawa lyani, Ine indi pakasi yabho. ²¹ Iwinza uPeteli akhinza akhambhuzya uYesu akhati, "Mwene, khalinga anga unholo wani ananjiye ine imutuyile? Pope zibhe saba?" ²² U Yesu akhati, "Intakukubhuzya kuti yibhe saba, yoli yibhe amashumi saba iwinza saba. ²³ Kunongwa iyo ishi na mwene kumwanya ngati wu mwene umo we akhanza kuti abhazye ishuma kubhabhombi bhakwe. ²⁴ We ayanda kubhazya anga amanyinknanye, umbhombi weka bhakhamleta kukwakwe akha daiyiwaga inhela(ishuma) amashumi ishumi. ²⁵ Pe atamile ni dala ilya kusomba(kulipa), umwene wakwe akhalajizya kuti bhamkazye, umushi wakwe peka na bhana bhakwe ni vintu vwonti vwali navwo, anga asombe. ²⁶ Umbhombi ula akhagwa pasi, akhasugamila pilongolela papakwe, akhati, 'Mwene, ungulilile peka nine, intikusombe kila khantu.' ²⁷ Pe umwene wa mbhombi ula, akhamlolela uwila, akamleshezya nakumtuyila ideni(vwakhopile) ²⁸ Umubhombi ula akhasogola akhamwaga umubhombi uwa mwabho, wepe bhakhamdayaga ishuma idinali ishumi. Ahamlema, akhampita kunsingo, akhati nambe vila vwinkukudaya.' ²⁹ Pe shinisho umbhombi uwa mwabho wula akhikha akhamlamba ninfwa, akhati, 'Ngulilile nani, intikusombe intitabhule.' ³⁰ Umubhombi uwakwanda wuwula akhakhana. Yoli pe akhabhala akhamsumba mwijela, paka pe akhasombe vwakumdaya. ³¹ We bhalola abhabhombi abhamwabho lila lyelyalolekha. Bhakhaswiga nhani. Bhakhinza kumbhuzya lyelyalolekha. ³² Pe umwene uwa mbhombi ula akhambhilishila, nakumbhuzya kuti, 'Ewe we mbhombi umbhibhi, inze na kutuyila iwe ideni lyani lyonti kunongwa yukhandabha inhani. ³³ Ishi! Pe khoni kuti ubhe nu wila kwa mbhombi uwa mwinyu, anza she nakutuyiye iwe? ³⁴ Umwene wakwe akhilamwa akhabhuzya abhalugu kuti bhamyinvwe nhani paka alipe zyonti zye adayiwaga. ³⁵ Isho vwezili uYise wani uwakumwanya vwalibhabhomba, anga weka mkasi yinyu atanga mtuyila uwa mwabho wakwe kufuma mmwoyo winyu."