¹ Abhamanyakrata na Bhasadukayo bhakhabhala kumlinga uYesu abhalolesye indolesyo yikufuma kumwanya. ² Ilelo uYesu akhabhamla nakubhabhuzya kuti "Anga yabh shilyebhe mkuti kwashi kunzi kwinza, pe kumwanya ibhingo lishamamu. ³ Anga kwaba shilabhila mkuti kunzi kushiye kha bhibhi pe ibhingo lishamamu iwinza amabhingo gagubishiye kumwanya kwonti.' Mmanyile kuzyaganya we mkwenya kumwanya, yoli ilelo mtangawezya kuzyaganya indolesyo izya khabhalilo. ⁴ Impepiwa iya khabhalilo ikha ikha wubhembu bhakwanza indolesyo, zitalipo indolesyo nazimo zye bhangazilola yoli iya Yona. U Yesu akhabhalekha akhasogola. ⁵ Abhalandati bhakhinza kufumila kumbali iya wubhili, ilelo bhahabha bhiwiwe kwega amkati. ⁶ U Yesu akhabhabhuzya akhati "Mweyaje nakubha ni njele kumanyikhanya uwubhibhi wa Bhamanyaklata na Bhasadukayo." ⁷ Abhalandati bhakha bhuzilizanya mkasi yabho kuti. "Kunongwa bhuli anzetutega amakati." ⁸ U Yesu akhamanya linilyo akhati, "Imwe mubhalwitiho ulunsi, khoni mkusibha na kulonga mkasi yinyu kuti khoni khe mtegaga amakati? ⁹ Emwe mshili kumanya na kukumbukha gala amakati gasanu kubhantu elfu tano, nivitundu vilinga mkhabhunganya? ¹⁰ Ewe amakati saba kubhantu elfu zi zini, vitundu vilinga muhega? ¹¹ Zikubha bhuli pemtakuzyagaya kuti intalongaga nimwe izya makati? Myidimaje nakuyenya nuwubhibhi uwa Manya klata na Bhasadukayo." ¹² Pe bhakamanya kuti atalonjelaga amakati amabhibhi(amasafu), yoli atinji twenyaje imanyizyo izya Bhamanyaklata na Bhasadukayo. ¹³ U Yesu we afikha ku Kasalia iya ku Filipo, akhabhuzilizya abhalandati bhakwe, akhati, "Abhantu bhakuti Umwana Muntu wunanu?" ¹⁴ Bhakhati," Bhamu bhakuti wa Yohani Umwozyi; bhamu, wa Eliya; bhamu, wa Yelemia, ewe kubhamu abha kuwi. ¹⁵ Akhati, imwe mkuti ine ne nanu? ¹⁶ Kubhonti uSimoni uPetro akhamwamla, "Iwe we Kristo Umwana wa Mulungu we mpuma" ¹⁷ U Yesu akhamwamla na kumbhuzya kuti, "Usayiwe wewe, Simoni Bar Yona, ibhanda ni nyama vitakupanjile linili, yoli uTata wani uwa kumwanya. ¹⁸ Ishi nani inkuku bhuzya kuti wewe wa Petro, napamwanya pilyalawe ili intizenje ikanisa lyani(ishibhanza). Amalyo iga kuwuzimu lyete gakhalitole nha. ¹⁹ Intikupe iwe ifungulu izya wu mwene uwa kumwanya. Gonti ge ungapinya mnsi umu weshipinyilwe na kumwanya, na chochote utakachokifungua duniani kitafunguliwa na mbinguni." ²⁰ U Yesu akhabhabhuzya abhalandati kuti bhata mbhuzyaje umntu anga weka kuti iwene we wu Kristi. ²¹ Kufuma akhabhalilo inho uYesu akhanda kubhabhuzya abhalandati kuti ikwanziwa kuti imbale ku Yerusalemu, kuyimba kuminji, kunyobhe zya bhasongo nabhapiti bha bhaputi na bhasimbi, kungoga na kuzunha isiku ilya wutatu. ²² U Petro akhamwega uYesu pambali na kumkhalalila, kuti, "Inongwa izi zibhe ukutali niwe, Mwene, ili litakhafumile kukwanho. ²³ U Yesu akhagalunhana na kumbhuzya uPetro kuti, "Galukha kulusalo kukwani setani! Iwe lipinjinho kukwani, kunongwa utakusajili imbombo ya Mulungu, yoli imbhombo zyabhandu." ²⁴ Pe uYesu akhabhabhuzya abhalandati bhakwe, "Kuti anga umutu wowonti akwanza kundandata ine, ikuti ayikhane wuyo mwene, apimbe ishinhobhe nhanyo shakwe andandate. ²⁵ Kwe kuti wakwanza kutangana uwinhao wakwe akitezya, wakutezya kunongwa yani akutengana. ²⁶ Eya! Khoni akhinza khe umntu angapata angabha nivintu vwonti mnsi umu ilelo atezye upuma uwinhalo wakwe? Pe! Khantu bhuli umuntu angafumwa kutananya nu wupuma wakwe? ²⁷ Umwana wa Adamu akhayinza nu wusisya wa Tata wakwe nabhakhabhuzya bhakwe. Akhayimposhelezya kila muntu kulingaana kujelana ni mbombo yakwe. ²⁸ Yoli inkubhabhuzya kuti kubhamu mwe mwimiliye ipa bhetebhanhalinje uwufwe paka pe bhakhamlole Umwana wa Adamu we akwinza uwumwene wakwe.