¹ Kukabhalilo ikho, uHelodi akhivwa impempu zya Yesu.. ² Akhabhabhuzya abhabhombi bhakwe kuti, "Unu wu Yokhani Umwozyi azukha kufuma kubhafwe. Kwekuti amakha igo gali mmwakwe." ³ U Helodi akhamlema uYohani akha mpinya na kumsumba mwijela kunongwa ya Herodia, umshi Filipo umkulu wakwe. ⁴ Kunongwa uYohani akhambhuzya kuti, "Te nhinza kumwega kuti abhe mshi wakwe." ⁵ U Helodi khani amgojile akhogopa abhantu kunongwa bhammanyile uYohani kuti mkuwi. ⁶ Ilelo isiku we lyafikha ilya kupapwa uHelodi akhafikha umwali wa Herodia akhimba pakasi pa bhantu akhayigana uHerodi. ⁷ Pe akhanda kwamla kugala ge akhafinga kuti atimpe vwonti vwe alabha. ⁸ Unyina wakwe akhampanza, pe akhati, "Nambe ine ipa itwe lya Yohani Umwozyi." ⁹ Umwene akhaswiga vwa labha umwali, ilelo kunongwa ya kufinga kwakwe, kunongwa ya bhonti bhebhali pashakulya pala peka na wuyo akamla kuti vwe zibhombeshe. ¹⁰ Akha sontelezya kumleta uYohani kufuma kwijela ¹¹ anga bhamdumle itwe lyakwe bhakhaleta lilipamwanya pa mbakuli imbaba bhakhampa umlindu akhatwala kwa nyina wakwe. ¹² Pe abhalandati bhakwe bhanhinza bhakhega umbhili wula na kusyila, we zyaba bhubhulo bhakhabhala kumubhuzya uYesu. ¹³ U Yesu we ayivwa shinisho, akhepa kufuma pe amile akha panda mshituli akabhala kumbali kumo kwe kuli kwene. Pakhabhalilo wishilundilo shamaya kwali bhakhabhakha mlandata ulwa vinama kufuma ku nhaya. ¹⁴ U Yesu akhalolekha akwinza kwilongolela kukwabho akhalola impuga impiti. Akhabhalolela uwila na kubhefwa impungo zyabho. ¹⁵ We kwafikha lyebhela abhalandati bhakhinza kukwkwe kuti, "Ipa papa lwuma, (shilozu) isiku lya shila. Bhalekhanye abhantu bhabhale kunhaya kukala ishakulya shabho. ¹⁶ U Yesu akhabhabhuzya akhati, "Bhatanga sogolakha. Bhape ishakulya imwe" ¹⁷ Bhahambhuzya kuti, "Ipatuli na makati ga sanu ni nswi zibhili ibhulo."" ¹⁸ U Yesu akhati, "Leti kukwani." ¹⁹ U Yesu akhati impuga yonti bhikhale pasi pamaso le akhega amakati gasanu ninswi zibhili. Akhenya kumwanya, akhasaya na kumensula kubhapa abhalandati. Abhalandati bhakha gabhanya kumpuga. ²⁰ Bhakhalya bhonti na kwikuta. Khabhili bhakha avibhunganya ivwakulya vwe vwatola vikhizula ivitundu ishumi na vibhili. ²¹ Bhala bhebhaliye kwali abhasakhala elfu zisanu wutabhazizye abhantanda bhana. ²² Lyeka bhulo akhabhuzya abhalandati kuti bhinjile mkasi mshituli, pakhabhalilo ikho iwene abhalagaga abhantu impuga bhabhalaje ku kwabho. ²³ We abhalaga impuga bhasogola, akhazubha mwigamba kuputa ali imwene. Weyafikha lyebhela alikukwo imwene. ²⁴ Ishilelo ishituli weshili pakasi pasumbi shikuyingana kunongwa ya mabhilingwa, impepu yali ya kuwushelo(kumasho). ²⁵ Uwusiku uwa khabhalilo ikha wuni uYesu akhabhapalamila, akhajendaga pamwanya pa minzi. ²⁶ Abhasundikwa bhakwe bhakhamulola akujenda pamwanya pa sumbi, bhakhatuya bhakhati, "Mzimu," bhakha khola we bhogopa. ²⁷ U Yesu akhalonga nali nali, akhati, "Jimbaji amoyo! nene mtogopaje." ²⁸ U Petro akhamwamla kuti, "Mwene, anga wewe, mbuzye iminze kukwakho pamwanya paminzi." ²⁹ U Yesu akhati, "Nzagaa." U Petro akhepa mshituli akanda kujenda pamwanya pa minzi kubhala kwa Yesu. ³⁰ Pe wu Petro alola amabhilingwa, akhogopa, kwanda kuswibha, pasi, akhabhilishila kumakha akhati, "Mwene, nfwule(ntule!") ³¹ Nalubhilo uYesu akhagolosya inyobhe yakwe akhambhusya uPetro, (insitima) na kumbhuzya kuti, "Iwe ulinu lwitinho ulunsi, khoni khe watuyaga?" ³² Pe uYesu nu Petro bhakhunjila mnsitama, impepu yikhalekha kuvugula. ³³ Abhalandati mshituri mula puta kwa Yesu bhakhambhuzya kuti, "Yoli iwe Mwana wa Mulungu." ³⁴ Pe webhafumila, bhakhafikha mnsi ya Genesaleti. ³⁵ Abhantu munsi yila we bhammanya uYesu, bhakhasontelezya intumi mmbali zyondi, kuleta abha bhinu. ³⁶ Bhakhalabha kuti bhapalamansye ipintilwi lya mwenda wakwe, abhinji we bhapalamansya bhaha pona.