¹ Kwisiku lyeka ilyo uYesu akhasogolo kukhaya akhikhala pambali pa sumbi. ² Ishilundilo ishipiti shabhunganile shikha longaga nawo, pe akhinjila mshituli mkasi akhikhala. Ishilundilo bhakhimilila mumbili mwasumbi. ³ U Yesu akhalonga amazwi aminji kuvikholanyo, Akhati, "Yenya, umuwali akhabhala kuwara. ⁴ Pe we alikuwala imbeyu zimo zikha lendela mwidala inyonyi zikhinza zikhalya. ⁵ Imbeyu izyamwabho zikhagwila pamwanya pa mwala pezita khalwaga ulusuto nalumo zikhamela na linali kunongwa patakhabha ulusuto ulwingi. ⁶ Imbeyu zimo zikhalendela mmakwi iga minvwa amatata iga mimvwa amatali gakha gubishile. ⁷ Imbeyu zimo zikhalendela mmakwi iga minvwa. Amatata mimvwa amatali gakhagubishile. ⁸ Imbeyu izya mwabho zikhalendila palusuto ulwinza zikha papa imbeyu, zimo amashumi ishumi(100) nakwonjela, zimo amashumi sita nizya mwabho katatu ⁹ We ali na makutwi atejelekwaje. ¹⁰ Abhalandati bha khinza kumbhuzya uYesu kuti, "Khoni khukulonga nu lubhungano kuvikholanyo?" ¹¹ U Yesu akhati, "Mpewiwe kuzyaganya izya kukwilu ku shina mwene kumwanya, ibhene bhatapewiwe kha. ¹² Ilelo wonti we alinavyo, kukwakwe vikwonjela khani, habhili akupata apapiti. Yoli angawe atali navyo na mwalinavyo bhakufwula.. ¹³ Ishi inkulonga nabho kukholanyo kunongwa anga bhakwenya, bhatalolaje lyoli. Pope anga bhakwivwa bhati vwaje bhatazyanganyaje. ¹⁴ Uwukuwi wa Yisaya wuloleshile kukwabho, wewukuti, "Angamkwivwa mwivwe, ilelo kwida lyolyonti temzyaganye kha, akhabhalilo khe mkulola, ilelo mtangazyaganya kha. ¹⁵ Amoto gabhantu ibha gali na khisi, pagomu kwivwa bhasinziliye amiso gabho, anga bhatakhalole kumiso gabho, ewe kwivwa kumakutwi gabho ewa kumanya kumi yo gabho, nhani bhagarushiye anga imbaponye.' ¹⁶ Amiso ginyu gasayiwe, pekakwenya, na makutwi ginyu pe gakwivwa. ¹⁷ Zyanalyoli inkubhabuzya abhakuwi abhinji na bhantu abhanalyoli bhayiganile kugalola ganaga gemkugalola, bhakhapotwa kugalola. Bhayiganile kwivwa garagemkwivwa bhatakhagivwa. ¹⁸ . Ishi tejelevwi ishikholanyo sha mpanzi(umpasa mbeyu). ¹⁹ Akhabhali khe umuntu wowonti akwivwa amazyi ga mwene atakumanya pe umbhibhi akwinza na kugunya sheshiwaliwe mmwoyo wakwe. Ini mbeyu yeyikh walwa pidala pambali. ²⁰ Wa we akhawalwa pa mwala wuwula we akwivwa izyi nakuposhela nalinali na kuseshela. ²¹ Ashili kubha na mazi mkasi yakwe, akujimbilila akhabhalilo akhafupi. Uwubhinu awe amayimba anga galolekha kunongwa yizyi lya mulungu akukuntila na kugwa nalubhilo. ²² We awaliwe pamakwi iga minvwa, unu we akulyivwa izyi ilelo amayimba iga mnsi na kumkhopenhanya kuwu dumbiwe vikudinda izwi pelitakupapa ishanga kha. ²³ We awaliwe palusuto ulwinza, unu we wuwula wakwivwa izyi na kulimanya(kulyaganya). Unu wakupapa insanga na kujendelela kupapa yeka nakwonjela amashumi ishumi, zimo amashumi sita, lyamwabho amashumi gatatu." ²⁴ U Yesu akhabhapa ishikholanyo ishamwabho. Akhati, "Uwumwene wakumwanya wukholine nu muntu we akhawala imbeyu inyinza mshinzi shakwe ²⁵ We abhantu bhagona umlugu(umwufi) wakwe akhinza akha wala indezya(amkoko) mngano akahsogola. ²⁶ Ingano weyamela yafumwa insanga zyakwe, amakoko gope gakhalolekha. ²⁷ Abhabhombi bhakwe iwishizi bhakhabhala kwa mweneshizi kuti, mwene utawalile imbeyu inyinza kushizi shakho? Pezilibhuli lili na makoko? ²⁸ Akhati, Umbhibhi umwufi abhombile linili.' Abhabhombi bhakhati ukwanza tubhale twipe?" ²⁹ Uwashizi akhati, 'Kha mtakhipe we mkwipa amkoko mtakhipe peka ni ngano. ³⁰ Galeshe kakulaje peka paka mvuno. Akhabhalilo ikinvuno anga khafikha ikhayilonga nabhakuvuna, 'Kuti mwande na makoko kuvuna mpinyaje insuzu igada igada na kupemba, yoli bhunganyingano nakubhikha mshanga shani.'" ³¹ U Yesu akhabhapanjila ishinholanyo isha mwabho. Akhati, "Mwene sha kumwanya wukhoine ni mbeyu ya haradali(wulezi) ye umntu akhega na kuwala mshizi shakwe. ³² Imbeyu ini yoli nyisi kushila imbeyu zyonti. Ilelo angayamela ikubha mpiti kushi amalala gega melile mshizi, likubha likwi inyonyi zikwinza nakuzenga ivwanswi mpashwa zyakwe." ³³ Akhabhabhuzya ishikholanyo ishamwabho."Uwumwe wa kumwanya ngati wubandushizu wula we umwantanda akhega nakusanganya ivipimo vitatu uwusu wududushe. ³⁴ Igo gonti uYesu alonjile pambuga kukholanyo. Na stavimanyilo atakhalonga na limo ku kwabho. ³⁵ Ili lyamile kuti gala gegalongiwe kushilila kwa mkuwi gafishile, pala pe akhati, "Inti yasame ilomu lyani ku nholanyo. Intilonje galage galimafise kufuma pawandilo winsi". ³⁶ Pe uYesu akhalekha ulubhungano na kubhala kunhaya abhalandati bhakwe bhakhabhala nakuti, "Tumanyizye ishikholanyo ishamakoko iga mshizi." ³⁷ U Yesu abhamula akhati we akuwala imbeyu inyinza Mwana wa Adamu. ³⁸ Ishizi yensi yonti imbeyu inyinza, bhana bha shina mwene. Amakoko(indezya) bhana bha mbhimbi ula usetani, umlugu umwufi we akha wala we wusetani. ³⁹ Na invuno insi yonti kumpelela, ibhakuvuna bhabha malaika. ⁴⁰ Anza she amampunyuzu tukubhunganya nakupomba mmwoto, shinisho vwezi khayibha pisiku ilya kumwisho winsi yonti. ⁴¹ Umwana wa Adamu akhayisontelezya abha malayika bhakwe, kubhunganya kufuma muwumwene wakwe gonti gala gegaletaga imbibhi na bhala bhebha bhombaga amabhibhi. ⁴² Bhakhayibhasumba bhonti mwitamuli lyelikwanha umwoto, kwe kukhayibha na kulila na kusya amino. ⁴³ Pe abhantu ibhana lyoli bhakhayilama ngati lizubha kuWumwene uwa Yise wobho. Iwene wali na makutwi ayivwaje. ⁴⁴ Ishina mwene kumwanya ngati nsanduka iyi mpiya ye bhafisile mshizi. Umuntu akhayilola bhakufisa. Kuseshela kwakwe akhabhala kukazya vwonti vwe alinavwo, na kukala ishizi. ⁴⁵ Iwinza, uwunamwene kumwanya ngati muntu we akhabhomba uwuchululuzi wakwanza insanduka(ilulu) iya shuma. ⁴⁶ Pe weayolola insaduka, akhabhala kukazya vwonti vwamile navwo na kukala. ⁴⁷ Ishi na mwene shakumwanya ngati nkusa izyakusikulila insi wezili mkasi msumbi, yikubhunganya ivinhanu ivikho ni vikho. ⁴⁸ We zyizula inkusa bhakanyuntila kwisyila. Pe bhakhikha bhakha bhunganya vwe vwinza bhakhabhikha mvililo, vwetevwinza bhakhataga ukutali. ⁴⁹ Zikhayibha shinishi kunsi kumpelela abhakhabhizya bhakhayinza na kupagula abhantu abhabhibhi kufuma mkasi ya bhantu abhanalyoli. ⁵⁰ Nakubhasumba mkasi mwitanuri ilya moto, kwekulibha kukhola na kusya amino. ⁵¹ Mmanyile gonti iga? Abhalandati bhakhati, "Ena." ⁵² U Yesu akhabhuzya akhati, "Wonti umsimbi wamile mlandati wa wumwene akukholana nu mwene nyumba we akwefwa mshanga shakwe ivintu ivipwa ni vikulu." ⁵³ Pe wu Yesu amala inholanyo zyonti izyo, akhasogola kwenekwo. ⁵⁴ U Yesu akhafikha kunhaya(mkoa) kwe akhabha manyizya abhantu mkanisa. Kufumila isho bhakhaswiga nakuti, "Kukwii umntu unu kwe inza ayaga injele ini na mayele igaa? ⁵⁵ Umntu unu te mwana wa selemala? U Mariyamu tewu nyina? Abhamwabho abhansi bhakwe te wu Yakobu, uYusuph, uSimoni nu Yuda? ⁵⁶ Nabhayilumbu bhakwe tulinabho panapa papitu? Ishilelo umuntu unu agagakwoshi ganaga gonti?" ⁵⁷ Akhabhavisya. Ilelo uYesu akhabhuzya kuti, "Umkuwi atakupungukha kubha nulutinikho yoli kukwbho na mnsi yabho. ⁵⁸ Atakhabhomba amayele aminji kunongwa bhatali nu lwitiko inawo(bhatakha mwitikhaga kha).