¹ Akhabhalilo ikho uYesu akhabhala isiku ilya sabato akhashilila mvwizi. Abhalandati bhakwe inzala yibhaluma bhakhanda kutema amansali na kulya. ² Ilelo abhamanyakalata we bhalolo isho, bhakha mubhuzya uYesu "Yenya abhalandati bhakho bhakunanganya indajizyo bhakubhomba isiku lyelitakwanzuiwa isiku ilya Sabato" ³ U Yesu akhabhabhuzya kuti, "Mtabhazizye uDauti vwa khabhomba, we inzala yamluma, peka na bhantu bhamile nabho? ⁴ Vwe akhinjila mnyumba ya Mulungu nakulya amakati iga wufinjile, ge gali mwinho kulya wene peka na bhala bhe amile nabho, yoli Abhaputi? ⁵ Mushili kubhazya mndajizyo, kuti pisiku ilya Sabato Abhaputi mkasi mwikanisa bhakwilufwa iSabato, ilelo bhatakubha bhananzi? ⁶ Inkubhabhuzya imwe kuti umsongo uwa shibhanza alipo panapa. ⁷ Anga mwamanyile kuti iga kwekuti bhuli amazwi iga ikwanza uwila te nfinjele; mtabhalongaje bhe bhatali ni nongwa nha, ⁸ Kunongwa ye Umwana Muntu we Mwene wa Sabato." ⁹ U Yesu akhasogola pala akhinjila mwikanisa lyabho. ¹⁰ Mwikanisa mla alipo umntu we alemaye inyobhe. Abhamanya kalata bhakha mbhuzilizya uYesu, bhakhati. "Bhuli, khinza kuponya isiku ilya Sabato?" bhakhanzaga idala anga bhamsitake kuti abhombile kha bhibhi. ¹¹ U Yesu akhabhamula kuti, "Wunanu mkasi yinyu, we angabha ni ngole uyaje ingole nyene yalendela mlyina pisiku ilya sabato, anga atangabhala kuyifumwa kumakha kuyefwa mlyina? ¹² Ishi, Pe khoni akhashindamu, kushila ingolee! Khinza bhulo kubhomba aminza isiku ilaji Sabato." ¹³ U Yesu akhambhuzya umntu ula," Golosya inyobhe yakho" Akhagolosya, yikhanyinza anzi ya mwabho. ¹⁴ Ilelo Abhamanyakalata bhakafuma panzi bhakhakhivwana kuti vwe bhangamgoga bhakabha shingunga inawo. Bhakhanzaga kuti bhamgoje. ¹⁵ U Yesu wamanya isho akhepa penepo. Abhantu abhinji bhakhamulandata, akhabhaponya bhonti. ¹⁶ Akhabhalajizya kuti bhatakha vwinsye kubhanji, ¹⁷ kukuti gafishe amazwi iganalyoli, gegalongiwe nu mkuwi uIsaya, akhati, ¹⁸ Yenya, umbhombi wani we imsabhuye, unkundwa wani we umwoyo wani wukumseshela. Ikhayibhikha Mpepu wani mwumwakwe, kulumbilila uwulonji wa Bhapanzi. ¹⁹ Kutalipo kwelela kutalipo kulila ku makha; kutalipo wowonti kuvwikha msogela. ²⁰ Te akhapwote ilanzi lyelilandile; paka pe akhayibhikha uwulonji kutola. ²¹ Abha mnsi bhakhayibha na makha kwitawa lyakwe. ²² Kwali umntu umo umpubhila nu shinunu, alina mapepu bhakhamleta pilongolela pa Yesu. Akhapona pekanakuti umuntu umpubhila ushinunu akhalonga na kulola. ²³ Ulubhungano bhonti bhakhaswiga nakuti,"Zingabha umuntu unu kuti mwana wa Daudi?" ²⁴ Akhabhalilo pe webhivw abhamanya klata amayele iga, bhakhalonga kuti, "Umuntu unu atakwefwa impepu kumakha gakwe yoli kumakha ga Belzebuli, umpiti wi mpepu. ²⁵ "Ilelo uYesu akhazimanya insibho zyabho akhabhabhuzya kuti, "Anga uwu mwene walegana wene wukunanjikha, iwinza inhaya pope inyumba anga yalekhan a nyene itangimililanka. ²⁶ Anga Ushetani, angamwefwa uSetani, pe weakujikhana wuyo. ²⁷ Pe uwu mwene wakwe wungimilila bhuli bhuli? Na kama natoa pepo kwa nguvu za Belizabuli, wafuasi wenu huwatatoa kwa njia ya nani? Kwa ajili hili watakuwa mahakimu wenu. ²⁸ Anga inkwefwa amapepu kumakha ga Mpepu wa Mulungu, pe uwu mwene wa Mulungu wubhafishiye imwe. ²⁹ Umuntu anginjila mnyumba ya muntu uwa makha kuti ayibhe, watampinjile uwa makha isuti? Yoli isho pangibha kufuma mkasi mnyumba. ³⁰ Unu watali peka nine alishingunga nine, unu watakubhunganya peka nine uyo akusasanya. ³¹ Ishi inkulonga kukwinyu, imbibhi zyonti ni ndigo zya bhantu bhakhayi tuyiwa, yoli kusufanya Umpepu wa Mulungu nakumo kubhatuyila. ³² Umuntu wowonti wakulonga izwi lyelili shingunga nu Mwana wa Adamu, ilyo akutuyiliwa. Ilelo wowonti we angalonga khabhibhi kwa Mpepu Ufinjele, uyo takhatuyiwe kha te munsi umu ninsi yeyikwinza ³³ Ikwi libhe lyanza ninsanga nzyakwe zibhe inyin nyinza, ewe ikwi inanjisu ninsanga zyakwe, ikwi likumanyikha kunsanga nzyakwe. ³⁴ Imwe shikholo shinjokha, imwe mwebhabhibhi, mngalonga bhulibhuli aminza? Gega kufuma mwilomu gegali mmwoyo. ³⁵ Umuntu umwinza kuminza gegali mumwoyo wakwe pe gakufuma aminza, umuntu umbibhi mkasi mabhibhi gegali mumwoyo wakwe, gakufuma amabhibhi. ³⁶ Inkubhabhuzya kuti isiku ilya wulonji abhantu bhakhayifumwa imbatinko zyonti peke ni nongwa izya wulema zyebhakha longaga. ³⁷ Kumazu gakho ukhayibhaziwa kui we mgolosu na kumazwi gakho ukhayilongwa." ³⁸ Pe abhamanya krata na bhasimbi bhaka mwamla uYesu kuti" Mmanyizyi tukuyigana amayele kufuma ku kwako." ³⁹ U Yesu akhabhamla akhati, "Ishipafi ishi mbibhi nu wubhembu shikwanza indolesyo. Nazimo indolesyo zyezinga lolekha kukwabho yoli ivwiga ivwindolesyo ya Yona umkuwi. ⁴⁰ Inza vwe uYona ayikhaye mulwandalwi nsamaki impiti insiku zitatu samsanya nu wusiku, hivyo ndivyo Mwana wa Adam atakavyo kuwa ndani ya moyo wa nchi kwa siku tatu mchana na usiku. ⁴¹ Abhantu bha mNinawi bhakhayimilila piongolela pawulonji peka ni shinholo isha bhantu ibha kushilonga. Pe bhakhitikha kupindunka kundumbililo zya Yona, kwenya, umuntu umo umpiti kushila uYohani. ⁴² Umwantanda uwakumbali akhayidamukha isiku ilya wulonji peka na bhantu ashinholo ishi na kushilonga. Anhinza kufuma kumpelela yinsi kwinza kwenya injele zya Sulemani, inkwenya, umuntu umo umpiti kushila uSelemani alipo. ⁴³ Akhabhalilo khe amapepu amabhibhi gakumwepa umuntu, gakushilila pepatali na minzi gakwanza ipakutuzya, ilelo atakupona ⁴⁴ Gakwanda kulonga kuti, 'ingalusha mnyumba yani mwena fumile.' Kugalukha yikwaga inyumba yila nyuse ilakhinza. ⁴⁵ Pe yikusogola kubhala kwega izyamwabho impepu imbibhi saba imbibhi kushila zila, zyonti zikwanda kwinhala mla. Pe umntu akubha mbhinu inhani kushila uwubhinu uwa kuwandilo. Shinishivwe zinhayibha kubhantu abhakha bhalilo inka akha bhibhi. ⁴⁶ U Yesu wakulonga ni mbuga yenya, unyina wakwe na bhanholo bhakwe bhimiliye panzi, kuti bhalonje nawo. ⁴⁷ Umuntu umo akhambhuzya kuti, "Yenya unyina wakho na bhamwinyu bhimiliye panzi, bhakwanza kulonga niwe". ⁴⁸ U Yesu akhagalusya kumbhuzya we bhamsontelezize kuti, "Unyina wani wunanu? Nabhamwitu bhe bhabhananu?" ⁴⁹ Anhagolosya(kusonta) inyobhe yakwe kubha landati akhalonga akhati, "Yenya ibha bha bhamayi iwinza bhebhana bhitu! ⁵⁰ Bhonti bhe bhakubhomba imbombo ya Tata wani wali kumwanya, umntu uyo yoli wawunholo wani, yilumbu wani na we wunyina wani".