¹ U Yesu amala kubhalinganizya abhalandati bhakwe ishumi na bhabhili akhepa ku plaekubhala kumanyizya na kulumbilila mnhaya zyabho, ² uYohani amile mwijela ikhivwa walipamwanya imbombo zya Kristi akhasontelezya intumi kushilila ku bhalandati bhakwe, ³ bhakhambhuzilizya kuti, "Iwe wewewe weakhayinza, emwe alipo uwunji tumgulilaje?" ⁴ U Yesu akhagalusya kulonga kubhibho kuti "Galushi mubhale mmubhuzye uYohani gala gemkukola na gala ge mkwiwa. ⁵ Abhantu bhebhata kwenya bhakwenya, abhadendelukha bhakujenda, ibhamaketa bhakuzelupa, abhantu bhebhatakwivwa bhakwivwa, abhantu bhebhafuye bhakuzyukha bhakubha bhapuma, na bhantu bhebhasobheliwe abhapina bhakulumbiliw amazyi aminza. ⁶ Asayiwe ula watakulola ilyogakukwani. ⁷ Akhabhalilo wa bhantu ibho bhasogola, uYesu akhanda kubha bhuzya abhantu impuga akhati uYohani, "Nhoni inyeno khemwabhalile kwenya kushilozu__litete lyi mpepu yikhayinzanya? ⁸ Ilelo nhoni khe mwabhalile kwenya__mntu wakwatile amenda amatelembu? Nalyoli, bhala bhebhakwatile amenda amatelemusu bhakwinhala inyumba ziya wu mwene. ⁹ Pemwabhalaga kwenya akhoni? Mwabhalile kwenya umkuwi? Nalyoli uYohani mpiti kushila Umkuwi. ¹⁰ Wununu wasimbiwe, yenya inkumsontelezya we akutwala intumi mwilongolela mmiso gakho, watilinganya idala lyakho mwiongolela mmiso gakho, watilinganye idala lyakho mwilongolela. ¹¹ Nalyoli inkubhabhuzya kuti kubhantu bhonti bhebhapapiwe nu mwantanda atafumiye numo we apapiwe kushila uYohani Umwozyi. Ilelo we mnsi kushina mwene kumwanya we mpiti kushila iwene. ¹² Kufuma insiku izya Yohani Umwozi kufikha ishi uwuna mwene wakumwanya wa makha, abhantu bhebhali na makha, bhakwega kumakha. ¹³ Kwekuti abhakuwi bhonti ni ndajizyo, bhafumwizye uwukuwi kufishila mkhabhalilo akha Yohani. ¹⁴ Anga mkwitikha unu wu Eliya, wakwinza. ¹⁵ Pe walina mkutwi iga kwivwa ayivwaje. ¹⁶ Inga kholanya nakho impapo iyinsikuzi? Bhakholine na bhana bhebha kwanga mmnalo, bhakwinhala na kubhilishila ¹⁷ kuti anga, 'Twabha khomela ifwilimbo mtakwimba tukuzonda, mtakulila.' ¹⁸ Iwene uYohani akhinza atakha lyanga iwinza atakha mwelaga, bhakhanda kuti, 'Ali ni mpepu.' ¹⁹ Umwana wa Adamu akhniza akhalyanga na kumwala bhakhati 'Yenyi, mntu we mpafu iwinza wachakulwa, manyani wa bhasonhola nsonho na bhabhomba mbibhi!' Ilelo injele zikulolekha kumbombo yakwe." ²⁰ U Yesu akhanda kukhajila mnhaya zabho zimo zye imbombo amayele, gakwa amapiti gakhabhombekha kuongwa bhakha khana kupindukha, ²¹ Akheele iwe, Kolazini, Ahelee iwe Betsaida anga amayele iga amapiti gabhombekhaga ku Tiro na ku Sidoni gegabhombeshile ipa, khani bhapindushile yimandi kukwata amafuku na kuyipakha amalota. ²² Ilelo kukhayibha uwujimbilizu ku Tiro na Sidoni isiku ilya wulonji kulikimwe. ²³ Iwe, Kapelenaum, utukuti utuyimishiwe paka kumwanya? Kha utuyishe paka pasi pilongo. Anga ku Sodoma gakhabhombekhagaamapiti, anza ganaga khani yilipo paka umasanyunu. ²⁴ Ishi inkuti itibhe kwashi mnsi iya Sodoma kwimilila isiku ilya wulonji kulikiwe. ²⁵ Kukabhalilo khanakho uYesu akhalonga kuti, "Inkuku pala wewe, Tata, wa Kumwanya na Pasi, kunongwa wabhafisile ibhinjele ni nsibho, inongwa izi pe ukhabhalanga bhebhatali nuwubhazye ngati bhana abhansi. ²⁶ Tata gegakukhondeye shinisho pa miso gakho. ²⁷ Imbombo zyonti impewiwe ine kufuma kwa Tata. Numo wammanyile Umwana yoli Utata, yoli Umwana, habhili wowonti we Umwana ayigana akumlanga. ²⁸ Nzagaji kukwani, imwe mwenti mwe mkuyimba na kumwamiwa na mazigo amamwamu, ine inkubhatula. ²⁹ Mukwataje ijokha ikuti mmanyilaje kukwani ine na mtonsu wa mwoyo nimwe temtuzye mmoyo ginyu. ³⁰ Kunongwa ijokho lyani litelelezu ni zigo lyani lipupusu.