¹ Biecha biaba mbwe Yesu niyaamala obola chimbosi chino chiosi, yabolera abeki baye ari ² "Mumanyire muri Ipasaka yicha inyuma yechinyanga chibiri ne omwana womundu anabukulwa huchiobambwa."

³ Makuhani bahongo, nende abahulundu beebusia mudala riomukuhani wakulu owalangwa Kayapa. ⁴ Bapanga alala bamudire mani bamwire mubwekisi. ⁵ Hubera bari babola mbwe omwimo kubwe mberi luyoka lurabao akari waabandu.

⁶ Yesu yari Bethania munyumba ya Simoni owamakere, ⁷ Ngayari niyehale hu mesa, omuhasi undi yamwichira nari nende ahabuka ha alabasta ahakingire mafura kobukusi bwakulu, namuchuha humurwe. ⁸ Abeki baye nibaalola bario, basambiha nibabola bari "Asara ino neyasi? ⁹ Amafura kano kahakusibwe amapesa mangi muno mani baberesie masikini.

¹⁰ Ne Yesu namanyire ario, yababolera ari "Husina nimunyasia omuhasi uno? Aholere sindu silayi. ¹¹ Masikini mubechanga nabo, nasi simunaba nasi chindalo chiosi. ¹² Ngaachuhire amafura kano humubiri kwange, aholire ario hulwamasika kange. ¹³ Mbabolera adieri, buri abundu aimbosi ino iyalwa musialo siosi, esiomuhasi uno aholire sialomalomweho nibamupara.

¹⁴ Mulala hulihumi nende babiri owalangwa Yuda Isikarioti, yachia humakuhani bahongo ¹⁵ Mani nabola ari "Mukanya humberesia sina, mbarerere Yesu? Bamuberesia chisilingi amahumi kadaru. ¹⁶ Ohurula siha esio yakonya chingira chiohubairira Yesu.

¹⁷ Inyanga yomwimo kwomugati abeeki beecha babolera Yesu bari "Wenya huhwalire abundu sina nolia siahulia sieipasaka?"

¹⁸ Yababolera ari "Muchie mutauni mubolere musacha undi muri " Omwekesia abola ari "Esiha siange siri ambi. Ndalia ipasaka munyumba yao alala nende abeki bange." ¹⁹ Abeeki bahola nga Yesu yabekesia, handi bahwania biahulia bieipasaka.

²⁰ Nibiola sichiambo, yehala asi ohukakula nende abeeki baye rihumi nende babiri. ²¹ Ngabari nibalia, Yababolera ari mbabolera adieri endi mulala hweng'we yecha hungusia."

²² Bari nesibera muno handi buri mulala yachaka omureba ari "Omwami, nesie adieri?"

²³ Yabakalusia ari "Onangusia nie wahudonganga naye musikaye silala. ²⁴ Omwana womundu anabwaosa kori nga biandikwa. Ne ole humundu owahakusie omwana womundu! Biahabere bilayi humundu Oyo yahaya hwibulwa." ²⁵ Yuda, owahamukusie yabola ari "Rabi, nesie?" Yamukalusia ari "Mbao obolire mwene.

²⁶ Ngabari nibalia, Yesu yabukula mugati, yakulamira mani yamekula. Yaberesia abeki baye nabola ari "Mubukule, mulie. Kuno nomubiri kwange." ²⁷ Yabukula esikombe, yahuba orio muno mani yababeresia nabola ari "Mung'we mwosi. ²⁸ Kano niko machai kange keindagano akedihira abangi, hubureheri bwebibi. ²⁹ Ne mbabolera endi, sindang'weho handi ebiamo biomusabibu ohula inyanga yandahang'we biyiaha alala neng'u mubwami bwa Baba.

³⁰ Nibamala hwemba lwimbo, bachia hulugulu lwa Olivia.

³¹ Yesu yababolera ari "Mwosi munandulaho siro siarero, Huber'a biandikwa mbwe, "'Ndahuya omwayi ne amakondi kanasalana.' ³² Ne nimala olamuha, ndachia imberi weng'we mu Galilaya.

³³ Naye Petero yamubolera ari, "Bosi nibahurulaho, esie sinyala ohurulaho."

³⁴ Yesu yamubolera ari "Hubolera adieri, esiro siarero, idaywa niisiri oholioha, onandekana mara hadaru."

³⁵ Petero yamubolera ari, "Ata nihurihufwa nawe sindahwekane." Abeeki baye bosi babola bario.

³⁶ Yesu yachia nabo abundu alangwa Getisemani mani nabolera abeki baye ari, "Mwihale ano nasi njie eria olama." ³⁷ Yabukula Petero nende abasiani babiri ba Sebedayo nachaka oba nesibera nesinyasio. ³⁸ Yarulao nababolera ari "Omwoyo kwange kuri nesibeera singi, ohula hufwa. Mudong'e ano muringale nasi. ³⁹ Yasega imberi bididi mani nakwa asi nobweni bwaye nachaka olaama. Yabola ari "Baba, nibinyalihana, reha esikombe sino siimbire. Ne sihulwange lakini huhwenya hwao. ⁴⁰ Yakaluha nanyola abeki baye beyalisie, nabolera Petero ari " Sonyala orinda nasi atasa risa rilala? ⁴¹ Tang'a muno orengira mumatemo. Omwoyo kukanyire, ne omubiri kubula mani."

⁴² Yarulao handi yachia olama. Yabola ari "Baba, nibiri mbu sino sisinyala obira paka ng'wesa, mani leha biehole olondohana nohwenya hwao."

⁴³ Yafunya nanyoola nibeyalisie handi hubera bari nobusiro mumoni chiabwe. ⁴⁴ Yabaleha handi yachia olama olwohudaru nabola chimbosi chiria, chiria. ⁴⁵ Yesu yakaluha hubeki baye, yababolera ari "Musieyalisie nohu uluha? Esiha siriambi handi omwana womundu akusibwa mumahono kabandu bahola bibi. ⁴⁶ Musingire hubweo. omundu onangusia ariambi."

⁴⁷ Ngayari nasilomaloma, Yuda, mulala hurihumi nende babiri yecha. Omuhung'ano muhongo kwecha naye hurula humakuhani alala nabahulundu babandu. Becha namahande nechindabuhi. ⁴⁸ Haro omundu owari achiokusia Yesu yari ababeresie esiekesio mbwe "Owandahuba kisi nioyo. Mumukweho." ⁴⁹ Esiha sienesio yachia huYesu nabola ari "Bukula mahesio, Omwekesia"! narulao amuba kisi.

⁵⁰ Yesu yamubolera ari " "Omwicha, holasa biawahecha ohola." Mani nibecha nibamukwaho. ⁵¹ Mulala hubandu abari nende Yesu yokolola muhono kwaye, yarusia lugangala Mani yarema musumba womukuhani muhongo, yahalaka hurwi hwaye. ⁵² Yesu yamubolera ari. "Funyia lugangala lwao abundu aluhoya lube, hubera boosi abalibukula lugangala bafwe hulondohana nolugangala. ⁵³ Opara ori sinyala osaba Baba angobere chilegioni rihumi nende chibiri chia malaika? ⁵⁴ He ebiandikwa biahola birie?

⁵⁵ Esihesio Yesu yabolera omuhung'ano ari "Murulire namahande nechindabuhi ohundira ngomung'usi? Buli inyanga ndehalanga mukanisa ninjekesia ne simwandira. ⁵⁶ Ne bino bieholire mbwe obwandike bwa manabii bube abwene." Abeki baye bosi bamujwang'a mani beeruha.

⁵⁷ Bosi abadira Yesu bamuyira imberi wa Kayafa omukuhani muhongo, abaandiki bamalako nende abahulundu bari bebusisieyo. ⁵⁸ Ne Petero yalondaho inyuma hula mulwanyi lwomukuhani muhongo. Yengira mukari mani yehala asi alala nabasikari alole ngabinaba.

⁵⁹ Makuhani bahongo abo baribakonya obuloli bwobubeyi hubaruleo bamwire. ⁶⁰ Bangi becha imberi lakini sibanyola buloli bwosibwosi. Babiri becha imberi, ⁶¹ mani nibabola bari. "Omusacha uno yabola ari 'Esie nyala omukula ikanisa ya Nyasaye nindulao njimbaha munchindalo chidaru.'"

⁶² Omukuhani muhongo yasingira yamureba ari " Nawe sokalusia? Buloli sina buno bwabahusitaka nabuo? ⁶³ Yesu yabulerasa. Omukuhani yamubolera ari "Huba amuri murira ria Nyasaye mulamu, "Rwekesie nori Kristo omwana wa Nyasaye."

⁶⁴ Yesu yamukalusia ari "Obolire orio mwene. Ne hubolera, hurula isaino huchia imberi, wicholola omwana womundu niyehale omuhono mulungi kwamani handi niyechera humaresi komuikulu."

⁶⁵ Omukuhani muhongo yarandula chingubo chiaye nabola ari "Abolire rinyeko! Husina husikonyanga baloli? Haro mumalire ourira rinyeko. ⁶⁶ Mupara murie? Bakalusia bari " Ahoya hwirwa." ⁶⁷ Bafucha mare mubweni bwaye handi bamuhuya amakonde abaandi bamupama. ⁶⁸ nibabola bari "Rulakurireho ewe Kristo. Wina ohuhuire?

⁶⁹ Petero yari niyehale rwanyi, omuhosi muhana yamwichaho yamubolera ari "Wosi wari nende Yesu wa Nasareti."

⁷⁰ Naye yakana imberi yabu nabola ari "Simanyire biamubolanga."

⁷¹ Niyola hu siribwa omuhosi muhana undi yamulola, nabolera bandu abaliao ari, "Omusacha uno yosi yari nende Yesu wa Nasareti"

⁷² Petero yakana handi nabola ari "Omundu oyo ndamukorwa!"

⁷³ Abandu bari nibemire ambiao becha babolera Petero bari, "Adieri orimulala hubandu abo, nga olomaloma bihukusia.

⁷⁴ "Yachaka hwebwaba nabola, "Esie simanyire omundu oyo."Esiha sienesio, idaywa yaholioha.

⁷⁵ Petero yechulisia chimbosi chia Yesu yabola ari "Idaywa niisiri oholioha onandekana mara hadaru. Petero yarula rwanyi màni nachaka orira masika.