¹ Yesu yalomaloma nende omuhung'ano alala nende abeki baye ² Nabola ari "Abaandiki bamalako nende Abafarisayo behalanga husisala sia Musa. ³ Nibababolera ohola bindu, muhole lakini mubalingale. muralonda bihole biabwe, hubeera babolanga bindu nesibabihola. ⁴ Baboya emisigo misiro kiabaranyala okinga nibarulao bakereha humabeka kabandu. Nabo abene sibanyala ata hweduiha. ⁵ Bahola bihole biabwe mbwe, abandu babalole. Bafwala migasa miyaku handi barambiyia chingubo chiabwe. ⁶ Bahera hwihala abundu woburie nende hubisala biesiriibwa muchisinagogi. ⁷ Badaha mahesio kakabuhane nabandu bandi mubiro handi beenya balangwe 'Rabbi.' ⁸ Simuhoya mulangwe 'Rabbi' hubera muri nende omwekesia mulala yong'one handi muri bamuganda. ⁹ Muralanga mundu yosiosi husialo mbwe Baba, hubera muri nende Lareng'u mulala yong'one ne arimuikulu. ¹⁰ Muralangwa mbu "Omwekesia" hubera muri nende omwekesia mulala yong'one, Kristo. ¹¹ Ne orimuhongo obahira muosi anaba musumba wen'gu. ¹² Yosiosi oweninia akulu yahehisibwe, Ne owewoya yahaninisibwe.

¹³ Ne ole hueng'we abandiki nende abafarisayo, abohwekadia! Mwikarira bandu bwami bwomuikulu. Hubera eng'we bene simuingira ne mukaira baria abariambi hwingira. ¹⁴ Ole hweg'we, abandiki nende abafarisayo, abohwekadia!

¹⁵ Mukenda munyanja nende husialo hukalula mundu mulala, ne namala okaluhana, ne handi mumuhola marahabiri omusiani wa saitani ngeng'we.

¹⁶ Ole hweg'we, eng'we bofu, eng'we mubolanga mbwe omundu niyebwaba neikanisa, nebihaya, ne niyebwaba neidhahabu iri mukanisa biri abwene. ¹⁷ Eng'we aboofu, basiru! Sina sihongo sihiraho, idhahabu kose ikanisa eilafuyia idhahabu? ¹⁸ Handi buri, 'Yosiyosi webwaba nende alitari nebihaya, ne owebwaba nende ebianwa biri hu altari ariabwene. ¹⁹ Abandu bofu eng'we! Sina sihongo sihiraho, esianwa kose altari eikera nisiba silafu? ²⁰ Huako burimundu owebwaba nende altari yebwaba nende burisindu siriho. ²¹ Owebwaba neikanisa yebwaba nayio alala nende owamenyamo. ²² Ne owebwaba nerikulu, yebwaba nesisala sia Nyasaye alala nende osihalangaho.

²³ Ole hweng'we, abaandiki nende abafarisayo, abohwekadia! Muana ebianua, ne mureha bindu bisiro biamalako - ohenga misango, esisa nende obwesike. Ne bino nebindu bia mwahahorire. ²⁴ Abofu eng'we, murusia obuuha nimumira ingamia!

²⁵ Ole hweng'we, abandiki nende abafarisayo, abohwekadia! mwosiangia rwanyi wesikombe neisani, ne mukari muichule obung'usi nende ohwepakapaka. ²⁶ Ewe omufarisayo omuofu yosia mberi mukari wesikombe neisani huruanyi yosi ibe indafu.

²⁷ Ole hweng'we, abandiki nende abafarisayo, abohwekadia! muri nga ching'ani echiabahwa irangi ya rachari, chiloloha chindai rwanyi ne mukari chichule makumba kabandu nende bindu bimali. ²⁸ mwosi muri murio, muloloha balafu imberi wabandu ne mukari muri nende ohwekadia handi simulonda malako.

²⁹ Ole hweng'we, abandiki nende abafarisayo, abohwekadia! Mwimbaha ching'ani chiabanabii handi muhwania ching'ani chia balafu. ³⁰ Mubola mbwe 'huba nihwabao muchindalo chia balaarefu, sihwahahonyane nabo ohwidisia amachai kabanabii.' ³¹ Huako murusia buloli mbwe muri bana babandu abeera manabii. ³² Mwaka nende balaareng'u. ³³ Echinjuha eng'we, abana bechindemi, mwaheruhe murie omusango kwomuliro? ³⁴ Ne mulola, Mbarumira banabii nende abakesi alala nende abaandiki. Abandi hunibo muneera handi munababamba, abandi munabahuya muchisinagogi handi munabeerusia hurula muchitauni chieng'u. ³⁵ Esilondaho, amachai kabalafu boosi akediha musialo hurula hu Abeli, hula hu Sakaria omusiani wa Berekia wamwera hundulo ya altari, kanaba hweng'we. ³⁶ Mbabolera adieri, ebindu bino biosi biicha hwehola mulwibulo luno.

³⁷ Yerusalemi, Yerusalemu, oneera banabii handi onahuya namakina abo bosi abarumirwe hwewe! Malire hwekomba obusia bana bao alala kori nga ingoho ibusiangia bimwinyu biayio mumbaya ne siwenya! ³⁸ Lola, inyumba yao ibiiyire. ³⁹ Hubolera mbwe sonaandola hurula isaino hula nga oboola ori "Nowechihabi uria owicha murira riomwami