¹ Yesu nende abeki baye boola Yerusalem mani bengira Betfagi mulugulu lwa Olivia, Yesu yaruma abeki babiri, ² Yababolera ari Muchie mulukongo lulondaho, munalola ipunda niiboyirwe abunduao, alala nende omwana wayio. Muchibolole mani munderere. ³ Omundu yosiosi nareba nimubola muri Omwami achienya ne omundu Oyo anababeresia.

⁴ Bino biosi biehola huusia chimbosi chiabolwa nende omunabii nabola ari ⁵ "Bolera omuhana wa sayuni, ringala, omwami wao ahwichaho naninire omwana weipunda."

⁶ Abeki bachia bahola bario, kori nga Yesu yabola. ⁷ Barera ipunda nomwana wayio mani baifuniha nechingubo chiabwe, Yesu yachihalaho. ⁸ Abandu abahira bungi baala chingubo chiabu hundara, abandi bakema masafu kemisala mani nibaala hundara. ⁹ Omuhung'ano okwari imberi wa Yesu nende boosi abamulonda bayokera nibabola bari "Hosana humwana wa Daudi! Arinemikisa oyo owicha murira riomwami! Hossana akulu muikulu!"

¹⁰ Yesu niyengira mu Yerusalem ridala riosi riesinduha nibareba bari "uno niwina?"

¹¹ Omuhung'ano kwakalusia kuri "Uno nie Yesu nabii hurula Nasareti mu Galilaya."

¹² Yesu yengira muhekalu. Yerusia boosi abahola buhala muhekalu handi yakaluhania echimesa chiabandu bakalula matongolo nende ebisala biabandu bakusia amagugu. ¹³ Yababolera ari "Biandikwa, "Inyumba yange irilangwa Inyumba yamalamo; nang'u muikalule inyumba yabang'usi."

¹⁴ Abofu nende abalema bamuichaho muhekalu handi yabaonia.

¹⁵ Ne makuhani bahongo nende abandiki nibalola bindu biohuukia biayahola handi nibaurira abana nibayokera muhekalu nibabola bari "Hosana humwana wa Daudi," basambiha muno.

¹⁶ Bamureba mbu "Ourira biababola?" Yesu yabakalusia ari Eeh. nang'u murasomaho mbu 'Ohurula muminwa kiabana nende abadoro basinuuna mwahwania obupaki'?

¹⁷ Yesu yarulao yachia Bethania mani yeyalisiayo.

¹⁸ Ichuli ngayari nakaluha mutauni, yaulira injala. ¹⁹ Niyalola Omudodo hundulo weindara, yakuchiaho ne siyanyolaho sindu, amasafu kong'one. Yakubolera ari "Orabaho nende ebiamo hurula rero."Omudodo okwo kwoma.

²⁰ Abeki nibakulola bauka muno nibareba bari "Omudodo kuno kwomire kurie?"

²¹ Yesu yabakalusia nabola ari "Obwadieri mbabolera, nimuba nelisubira handi nimuraria, simunahola biahorere Omudodo biong'one, ne munyala ata obolera lugulu luno mbu "Rulano ochiolakahe munyanja,' nibiehola birio. ²² Biosi biosaba mumalamo nosubira, nonyola."

²³ Yesu niyengira muhekalu, Kuhani muhongo alala nende abahulundu babandu bamuichira niyekesia nibamureba mbwe "Oholanga bindu bino namani kawi? Owahuberesia irusa niwina?

²⁴ Yesu yabakalusia nabola ari " Siosi ndabareba rirebo. Nimungalusia ne siosi ndababolera owamba irusa yohuhola bindu biaholanga bino. ²⁵ Batisimu ya Yohana yarula ena, muikulu kose hubandu? Barebana bene hubene bari nihubola huri ohurula muikulu, anabola ari husina nimurakanyana naye? ²⁶ Ne nihubola huri nohurula hubandu, huria omuhang'ano hubera bosi balola Yohana huba nabii." ²⁷ Bakalusia Yesu bari "Hukorirwe." Naye yosi yababolera ari "Siosi sindababolera omundu waholanga bindu bino namani kaye.

²⁸ Ne mupara murie? Omundu yari nabasiani babiri. Yabolera omusiani wamberi ari 'Chia ohole mirimo mundalo yemisabibu.'

²⁹ Omusiani oyo yakalusia ari "Sindachia, nehandi arulao akaluhana nachia.

³⁰ Omundu oyoyarulao nabolera omusiani wohubiri ari 'chiohole, nomusiani akalusia ari ndachia Baba. Laikini siyachia haba. ³¹ Nouli hubabiri abo owalonda malako kasimwana?" Bakalusia bari "Owamberi" Yesu yababolera ari, Mbabolera adieri, abasolosi bobusuri nede abadamba babarangire hwingira mubwami bwa Nyasaye. ³² Yohana yabechera mungira yobutakatifu, ne simwakanyana naye. ne abasolosi bobusuri nende abadamba nabo bakanyana naye. Eng'we nang'u mwalola ne simwekanira bibi bieng'u mani mwakanyana naye.

³³ Muulire olukado lundi. Yaruo Omundu mwene mukunda. Yaraka misabibu, mani nasera olukaka, nayaba lina liohwania ifini, yembaha omunara mani nakodisia omukundoko balimi bemisabibu narulao achia musialo sindi. ³⁴ Likesa niriola, yaruma abahosi baye bachie bakese ebiamo biaye. ³⁵ Abalimi bemisabibu bahuya omuhosi mulala, bera undi handi bahuya undi namakina. ³⁶ Handi, omwene mukundoyo yaruma abahosi bandi abahira abarangira. Ne Abalimi babahola sa bario. ³⁷ Omwene mukunda yarulao yaruma omwana waye nabola ari 'Banaria omusiani wange.'

³⁸ Abalimi bemisabibu nibalola omusiani, nabola bari 'uno niewabe mwene mukunda. Mwiche humwire, mani hubukule mukunda. ³⁹ Bamubukula, bamufuba rwanyi womukunda mani nibamwira. ⁴⁰ Haro omwene mukunda niyecha, anaholarie abilimi abo?

⁴¹ Bamukalusia bari "Anabahuya bandu babi abo neririma rihongo handi abukule mukunda akodisie bandu banyala omurunga bilayi nibamala okesa.

⁴² Yesu yababolera ari "Simwasoma mumaandiko mbwe " Erikina riabembahi bahaya nieribere rikina riohundulo. Imbosi eyo yarula humwami, handi neyohuukia mumoni chiefwe.

⁴³ Haro mbabolera endi munang'ulwa obwami bwa Nyasaye mani buberesebwe esialo sindi esinyala orusia biamo. ⁴⁴ Yosiosi owahakwe hurikina rino yafunihe bimekameka. Yosiosi wariamukweho yadonyohe"

⁴⁵ Makuhani bahongo nende abafarisayo nibaurira chingado chiaye bamanya mbwe abalomalomaho. ⁴⁶ Baadaha omudira nebaria omuhung'ano hubera bandu bamubukula kori nga nabii